Bo ta buskando trabou i bo ta haña ku e situashon ta difísil? Chèk esaki!

Reading Time: 2 minutes

Buskamentu di trabou na hopi pais no ta algu fásil. Tin mas hende buskando trabou ku tin oportunidatnan di trabou ta habri, por lo tantu ora bo solisitá, bo aplikashon ta bai huntu ku sentenáres di solisitante mas. Pero bo chèns pa haña un sita pa un entrevista tòg ta basta grandi na Kòrsou kompará ku otro paisnan. Bo no ta di akuerdo? Sigui lesa.

Gobièrnu di e estado Uttar Pradesh na India a saka un vakatura ‘online’ den Sèptèmber kaminda nan ta anunsiá di tin 368 puesto pa empleadonan ‘junior’ ku ta hopi organisá, i nan responsabilidat ta pa trese te pa e funshonarionan i aktua komo bewaker nokturno. Nan ta eksigí pa e solisitantenan ta entre 18 pa 40 aña, ku algun aña di edukashon eskolar, i tin abilidat pa kore baiskel.

Salario mensual inisial pa e puesto aki ta 15.600 rupees, kual ta mas o ménos 240 dòler. (Lesa bon, pa luna.) E salario aki ta riba e salario mensual promedio di India kalkulá pa World Bank kual ta 8,785 rupees, kual ta 135 dòler. Kualke hende ku ta bende pinda herebé riba kaya na Kòrsou ta gana mas sèn ku e kos aki.

Pero loke a shòk tur hende ta ku e vakatura aki a risibí 2.3 mion reakshon. India ta un pais ku un poblashon di 1.2 bion habitante. Nan tin un porsentahe di desempleo bou di 5%, pues e no ta zona malu òf no? Ta alrededor di 45 mion hende ta sin trabou si.

E trabounan den gobièrnu ta esunnan ku ta wòrdu konsiderá mas prestigioso. Nan ta mihó pagá kompará ku e trabounan den sektornan privá. India tin tiki oportunidat di empleo, i e motibu di esei pa gran parti ta e kantidat di hendenan ku ta biba na India i leinan laboral ku ta hopi restriktivo.

Den e solisitantenan tabata tin 25,000 hende ku un ‘Master’s Degree’ i 250 hende ku un ‘Doctorate’s Degree’! (PhD) Kemen si abo tin bo diploma di HBO, ta kana parti kòfi ku lechi mainta i laba outo parti atardi de solo kayente, no sinti bo malu. Ta un bon trabou bo tin, i chèns ta grandi ku bo ta gana mas tantu ku 85% di poblashon di mundu.

Queue job interview 2

Bo solisitá pa un trabou, yega topa un rei asin’aki pa entrevista, kiko bo ta hasi?

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.