Segun investigashon, hòmber no gusta muhé mas inteligente ku nan.

Reading Time: 3 minutes

Apesar ku hende hòmber ta afirmá di ta haña muhé inteligente atraktivo, segun un investigashon hende hòmber tòg no ke sali ku hende muhé mas inteligente ku nan.

Segun e estudio ku pronto lo keda publiká den ‘Personality and Social Psychology Bulletin’ hende hòmber ta haña hende muhé inteligente atraktivo, pero nan ta sinti nan intimidá dor di nan.

smart women 2E investigashon tabata konsistí di dos parti, kaminda a pidi 105 hòmber pa klasifiká kon atraktivo nan ta haña un muhé ku a skor sea mas haltu òf mas abou ku nan den un tèst di inteligensia. E resultado ta mustra klaramente ku e hòmbernan ta haña muhénan ku a skor mihó ku nan mas atraktivo.

Sinembargo e trènt aki ta bòltu 180 grado na momentu ku a bisa e hòmbernan den e di dos parti di e tèst ku nan lo bai konosé e muhénan ku a skor mihó ku nan riba e tèst di inteligensia. E investigadornan a nota ku e hòmbernan a kuminsá distansia for di nan deklarashon anterior i a kuminsá bisa ku e muhénan no ta dje atraktivo ei tòg i a mustra ménos interes pa tuma informashon di e muhénan pa asina plania un sita.

Segun e investigadónan e hòmbernan a sinti nan mes menasá dor di e presensia di un muhé mas inteligente ku nan. E sintimentu di nan maskulinidat ku ta disminuí ta pone ku nan no ta haña muhénan ku a skor mas haltu ku nan den un tèst di inteligensia, atraktivo mas.

Segun e investigadónan, e investigashon aki ta prueba lo kontrario di loke hende hòmber ta bisa.

Smart women 3Ami a kere ta mi so ta asina. Pero ami no ta sinti mi intimidá pa niun muhé mas inteligente ku mi. Simplemente mi no gusta algun di nan. Mi gusta hende siña mi kos nobo, meskos ku mi tambe gusta siña hende kos nobo. E problema ta bin ora di diskushon. Ora un hende ta sinti nan mas sabí òf inteligente ku otro, nan tin tendensha di ridikulisá argumento, sintimentu òf opinion di e otro persona òf ninga di baha kabes ora nan ta robes.

Bo por hañabo ku muhénan ku ta uza nan inteligensia komo defensa pa kualke kos ku nan ta sinti nan vulnerabel den dje. Si dado kaso nan ta robes, nan ta buska tur manera pa defendé nan punto di bista òf kualke teoria ku nan ta apliká pa no atmití ku nan a pensa, papia òf hasi kos robes. Pues ku un muhé asina, e kos ta bai bira hinter un doló’i tete.

Fuente: CBS

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.