Sientífikonan a deskubrí ‘mushroom’ ku ta duna muhé orgasmo ora nan hol’é!

Si bo tin un fakansi ta plania masha dia pero bo no sa unda pa bai, konsiderá Hawaii pa bo próksimo destinashon, pasó den fluhonan di lava na Hawaii tin un ‘mushroom’ (padestul) (kual si bo a lesa Kibra Hacha, bo sa kaba ta kiko e ta) ku ta duna orgasmo spontáneo na hende muhé na momentu ku nan hol’é.

E ‘mushroom’ ta koló oraño, i aparentemente ta den e fluhonan di lava kual tin entre 600 pa 10.000 aña bieu, so bo ta hañ’é.

Na aña 2001 dos sientífiko sumamente kurioso a laga algun muhé i hòmber hole e ‘mushroom’ aki. Mas ku mitar di e muhénan a eksperensha un orgasmo spontáneo despues di a hole e ‘mushroom’. Aparentemente e ‘mushroom’ ta saka algun ‘neurotransmitter’ similar na esun ku seleber di hende ta saka na momentu di relashon seksual. Lamentablemente e hòmbernan si no a sinti nada. Al kontrario, nan a haña e kos algu askeroso.

Mi tin ku bisa tambe ku e estudio di e dos sientífikonan aki (John C. Holliday i Noah Soule) a keda desbaratá òf no sientífikamente aseptá. E ‘mushroom’ a keda klasifiká komo un tipo di ‘mushroom’ ku ta pertenesé na e tipo ‘Dictyophora’ ku despues a keda nombrá komo ‘Phallus’, i for di 2001 a keda yamá ‘Afrodisiako femenino.’ i algu difísil pa haña. Pues mi no sa ta dikon nan a hasi e estudio mes. Kisas ta pa nan por bend’é karu ku hende muhénan ku no tin hòmber, kual ta hopi. Ta mi ta pensa mi kos. E figura dje ‘mushroom’ parse un pénis tambe, òf kisas ta mi imaginashon?

Orange mushroomEn todo kaso den un rapòrt publiká ribaInternational Journal of Medicinal Mushrooms’ nan a skibi resultado di e investigashon i aparentemente di 16 hende muhé ku a hole e mushroom, seis a eksperensha un orgasmo spontáneo leve. E sobrá 10 nan a sinti ku nan kurason a kuminsá bati mas duru. E hòmbernan a haña ku e ‘mushroom’ ta hole stinki i ta askeroso. Nan no a sinti nada mas.

Sientífikonan ta haña difísil pa respetá resultado di e investigashon aki debí ku nan a hasi e estudio riba solamente 36 persona boluntario, kual ta un kantidat muchu chikí pa prueba algu, i di e 36 personanan, 20 no a sinti nada. Di esnan ku a eksperensha batimentu di kurason mas fuerte, bo no por relat’é na orgasmo. Por último, e sientífikonan no a mustra kon nan a prueba ku bèrdat loke e seis muhénan a sinti tabata orgasmo.

No laga esaki stroba bo di bai Hawaii si. Prinsipalmente si bo tabata tin intenshon di invitá mi pa bai ku bo. Den mi buki Kibra Hacha mi a skibi algun kos ku no ta duna bo orgasmo, pero nan ta lanta bo deseo seksual si. Lesa e kapítulo di afrodisiako i bai tèst nan tur wak kua ta yuda.

Pa e hendenan ku no sa, tin algu diferente ku nan ta bende ku yama ‘Rush poppers’. Si mi no a skibi esaki den e buki Kibra Hacha, ta pasó mi a lubidá, pero mi ta bai bisabo aworakí: Rush Poppers tambe ta algu ku bo por hole i e ta inkluí e kímiko ku yama ‘isobutyl nitrite’, kual ta relahá bo múskulonan i ardunan sanguineo. Na momentu ku bo hol’é, bo ta kuminsá sinti bo kurpa spesialmente bo kara ta bira kayente. ‘Rush poppers’ ta mehorá bo eksperensha seksual i duna bo un mihó orgasmo. Pero e efekto ta kita un bes, pues sòru pa bo ta ‘ready, steady, go’ ora bo uz’é.

Rush poppers

Ta bon pa bo sa, ku e ta un produkto ku a keda inventá i uzá pa homoseksualnan i e tabata konosí komo ‘gay drug’. Pues e ta hasi sèks anal mas fásil i plasentero. Tin algu tambe ku yama ‘Jungle Juice Poppers’ ku ta básikamente meskos. Bo ta hol’é meskos ku ta kokaina bo ta hala, wanta bo rosea pa sinku sekònde, i mesora bo ta bira haltu. E no ta un droga, bo no ta bira adikto na dje. (A ménos ku bo bai hasi di mas i uz’é tur dia.) Segun mi nan ta bend’é na Kòrsou. Mi n’ ta sigur. Bai chèk bo laga mi sa, anto tèst e mesora tambe bo laga mi sa kon a bai ku bo eksperensha seksual!

DSCN2913Fuente: Mandatory, Science Alert

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

 

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.