FDDK ku proyekto piloto pa forma mas instruktor den skol di fundeshi!

Reading Time: 3 minutes

KOMUNIKADO

Willemstad- Fundashon Desaroyo Deportivo Kòrsou (FDDK) durante di un seremonia a duna inisio ofisial na un proyekto piloto ku lo perkurá pa nos tin mas instruktor deportivo kapasitá den nos skolnan di fundeshi. Di e forma aki Kòrsou, atraves di FDDK, ta konstruí un base pa nos krea mas deportista na base, algu ku lo amplia nos posibilidat di tin mas suidadano sano i hasta mas potensial super estreanan deportivo.

1E proyekto ta habri oportunidat tambe pa un grupo di hóben entusiasmá logra drenta den e proseso laboral i duna lès na skolnan di fundeshi. FDDK su meta ta pa e proyekto piloto aki desaroyá i bira struktural di tal forma ku nos ta keda amplia nos kapasidat di forma hóbennan for di base, esta den skol di fundeshi.

Dos di e retonan ku Kòrsou tin ta desempleo i falta di hende kapasitá pa duna deporte, ku mas énfasis riba hóbennan. Studiantenan di MBO ku a finalisá nan estudio komo maestro di deporte no por traha na skol pa motibu ku pa lei nan no ta kualifiká. Esaki tin komo resultado ku e hóbennan ta kuminsá un estudio ku e meta di drenta den trabou den futuro pero ora yega asina leu esaki no ta konkretisá.

FDDK a kuminsá ku un proyekto piloto pa demostrá ku e hóbennan aki ta kapasitá pa e trabou. Esaki lo por trese un alivio deportivo pa skolnan di fundeshi. E hóbennan durante di un seremonia ofisial kaminda Minister di Desaroyo Sosial, Labor i Bienestar, Sra. Larmonie-Cicilia i Minister di Enseñansa, Siensia, Kultura i Deporte Sra. Dick a hiba palabra, a firma un akuerdo ku FDDK.

E studiante i prospekto instruktornan ta:

  • Rendelon Martina
  • Shanderla Leito
  • Gilliany Vijent
  • Curtleyson Martis
  • Jordan Quan
  • Gersinio Constansia
  • Glenciëne Gregoria
  • Jorginho Isenia

Aktualmente e studiantenan ta huntu ku diferente lider di deporte di FDDK den vèlt asistiendo nan. E intenshon ta pa aki 2 luna nan por bai duna lès independiente na un skol di fundeshi. Di e forma aki 8 skol mas lo haña un persona apto pa duna lès te ku kabamentu di e aña eskolar.

E proyekto piloto aki ta bira posibel danki na koperashon di Ministerio di Desaroyo Sosial, Labor i Bienestar ku tin na su enkargo e formashon laboral i guia di e studiantenan durante di e trayekto, i algun patrosinadó privá. Ta intenshon pa durante di e aña aki buska e forma pa amplia e espasio den e.o. lei pa asina nos por tin garantia ku nos ta fortifiká formashon deportivo di nos hóbennan na base kaminda e mester kuminsá.

Si logra halsa interes i buta un kambio den lei, e proyekto por habri mas kupo di trabou den futuro i tambe perkurá pa mas skol haña hende apto pa duna lès den deporte.

2Danki pa “like i “share”. Mi ta apresiá mashá. Sinti bo liber pa laga bo komentario atras.]

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.