Igmar La Reine ke mustra tur hende hòmber dikon nan tin ku lesa!

Reading Time: 4 minutes

Un dama a puntra mi den siman ei “Dikon tin hopi hende hòmber ku no gusta lesa?” Mi a puntr’é “Dikon bo ta kere?” El a kontesta mi: “Pasó nan ta idiot i nan no tin fantasia?”

Wèl, ken ami ta pa konfirma algu asina? Un kos ta bèrdat, ta ku tur investigashon ta indiká ku hende muhé ta lesa hopi mas tantu ku hende hòmber. Tambe investigashonnan ta mustra ku e loke hende muhé ta lesa mas tantu ta ‘novels’ i ‘fiction’.

Kiko e motibu por ta? Na mi pareser, lesamentu ta eksigí un tiki pasenshi i e abilidat pa uza bo mente kreativo pa imaginá òf visualisá e loke e buki ke konta bo. Aparte di esei, lesamentu ta un tremendo forma pa yuda bo den bo desaroyo personal.

Awor hende hòmber tin pasenshi? Segun ami tin hende hòmber tin hopi pasenshi. Hende hòmber tin abilidat pa imaginá òf visualisá? Klaro, no ta tur pero mi ta kere vários hende hòmber tin’é. Hende hòmber ta interesá den nan desaroyo personal? E pregunta aki si mi ta laga pa bo mes kontesta.

Tin hende hòmber kisas no ta mira e sentido di lesamentu. Nan ta preferá bai bar bebe serbes i huma pitu kual ta yuda nan ku nan abilidatnan sosial pa papia, hari i tira riba muhé etc. Anto e ta yuda. Pasó meskos ku tin hende hòmber ku no gusta lesa, i ta preferá hasi otro kos ku nan tempu, tin muhé ku tampoko no gusta lesa, i ta preferá hasi otro kos ku nan tempu i inteligensia.

Pa sierto hendenan, tin un benefisio orgásmiko ora nan por hiba un kombersashon riba nivel i ku profundidat ku un hende. Awó klaro, si bo ta wak futbòl so, huma pitu, papia riba muhé su sanka, bai bar bai bebe i despues drumi ronka, bo no tin material pa papia riba dje, ku ta di interes pa un hende ku ta gusta temanan un tiki mas elevá. Anto ami ta kontentu ku tin tipo di hòmbernan asina, pasó tin hopi muhé ku ta apresiá un hòmber ku nan por sinta i papia oranan largu kuné riba temanan profundo, entre otro temanan seksual. Anto hopi bia nan ta invitá mi bai dal un Subway, òf un eiskrim, djis pa nan haña un hende na tinu pa papia kuné. Awó imaginá bo tur hòmber tabata gusta lesa? Mi kompetensha lo ta muchu grandi i mi ta pèrdè e muhénan ku ta gusta hinka kuki den mi boka, mané pastor ta hinka hòstia den boka dje religioso! (Bon ya, nan ta hasié un tiki mas sèksi ku pastor si.)

Sharing Subway CookieAktualmente e hòmbernan ku no gusta lesa ta hopi, anto e muhénan ku ta buskando un hòmber ku sa papia kos na tinu tambe ta hopi, i nan ta fadá riba hòmbernan ku ta bin sinta papia ko’i kèns so nan dilanti. Mas ku klaro, esaki ta algu masha egoista di mi parti, pero ya…..no ta mi falta ku nan no gusta lesa. Pero mi ke yudanan si.

M’a skibi dos tremendo buki si, pa si dado kaso nunka di bo bida bo no a yeg’i lesa un buki, bo por kuminsá ku e dosnan ei. Tantu ‘Kibra Hacha’ komo ‘Awa, Habon ku Past’i Djente’ ta bukinan fásil pa lesa, i ku lo sòru kapta bo atenshon fo’i kuminsamentu te final. Aparte di esei nan ta duna bo hopi informashon i temanan ku bo por bai sinta diskutí riba nan den un grupo sosial intelektual, òf simplemente den bo famia na kas. (Bon ya, no tur si. Algun di nan no ta pa mucha. Mi no ta kere lo bo ke siña bo yu di seis aña dikon bo gusta ranka su mama su kabei den sèks. ‘Kibra Hacha’ parse inosente, pero e no ta. Tene bon kuenta ku esei!

Manera m’a ma bisa den e programa ‘Moru Bondia’, si bo lesa esun, lo bo haña gana di lesa e otro, pues tende di mi, bai Mensing’s Caminada i kumpra tur dos mesora.

Riba e foto bo por mira Igmar La Reine lesando ‘Awa, Habon ku Past’i Djente’. De paso mi ta spera ku Igmar ta rekuperando su salú i pa asina e bin bèk fuerte pa tur su fanatikonan!

Igmar2

Igmar La Reine

Danki pa “like i “share”. Mi ta apresiá mashá. Sinti bo liber pa laga bo komentario atras.]

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.