Saudi Arabia por spera un défisit di 39 bion dòler den nan presupuesto pa 2015.

Debí na e preisnan abou di petroli, Saudi Arabia lo por spera un défisit grandi den nan presupuesto pa 2015, i nan lo bai kòrta den salario di empleadonan.

Esaki lo por bin kousa problema den e pais, ya ku e hendenan, prinsipalmente e hubentut, ya kaba tin problema pa sobrebibí dor di e kosto di bida haltu.

Segun IMF, aproksimadamente dos tersera parti di e pais ta traha pa gobièrnu, i banda di 50% di gastunan di e gobièrnu ta bai na salario.

Den nan presupuesto pa 2015, nan por spera 190.7 bion dòler na entrada i 229.3 bion dòler na gastu.

Den e lastu reunion di OPEC na Viena, Saudi Arabia a disidí ku nan lo no baha produkshon, ni maske e preis di krudo yega 20 dòler. Ekspertonan ta kere ku Saudi Arabia a bisa esaki, posiblemente pa tene kompetensha nobo di Nort Amérika fo’i wega, ku lo por produsí un otro tipo di petroli i bend’é na preis mas haltu.

Pero e preisnan abou aki ta afektando ekonomia di Saudi Arabia, Rusia, Venezuela i Iran.

Posiblemente e défisit di Saudi Arabia lo por ta mas grandi, paso den pasado un bia kaba esaki a sosodé.

Mi no sa si e notisia aki tin komo intenshon pa nos haña duele di Saudi Arabia. Ta limosna nan ke pidi nos awó pa yuda nan ku nan presupuesto? Ku tur e sheiknan ku e lugá ei tin, nan mester por koba den nan saku i parti un pari plaka p’e pueblo. Divorsiá for di un par di 10 muhénan ku nan tin ei……baha gastu. Ami sigur no tin duele di nan.

Minister di maneho di krudo di Saudi Arabia Ali al-Naimi.

Minister di krudo di Saudi Arabia Ali al-Naimi.

   Bo por traha kuantu kara di souchi ku bo ke shon!

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.