Antonieta Pikante a duna Lionel Spratt tambe un chèns!

Reading Time: 3 minutes

Despues di mi entrevista den e programa Mòru Bondia, mi a topa ku nada mas i nada ménos ku Antonieta Dap Pieters. Esnan ku konosé mi sa ku mi no ta hende familiar, pues mi tabata pa sigui kana bai lag’é, pero na momentu ku mi tabata kana pas’é mi wowo a dal den su dos tetenan.

Mi no ta hende familiar, pero kayente pa tete si. Einan tur mi intenshonnan a kambia. M’a para sera konosí kuné, i flirt kuné un ratu.

Mi tin ku bisa bosnan ku Antonieta tin un dushi stèm. Ora e papia ‘zacht’ asina den bo oreanan, e ta krea barbulètè den sierto áreanan di bo kurpa ku ta difísil pa kontrolá. Papiando kuné mi a kont’é ku mi a kaba di sali for di e programa Mòru Bondia pa papia tokante di mi bukinan.

El a puntra mesora ta kua bukinan esei. Mi a mustr’é e bukinan, i el a habri dos wowo asina grandi. Opviamente el a keda fasiná ku kontenidonan di ámbos buki, te ku el a kumpra nan mesora. Un kamarógrafo a haña e momentu ei asina úniko ku el a bisa ku mester inmortalis’é.

Mi mester bisa ku tabata difísil pa saka potrèt ku Antonieta, pasó ora el a bai pa prepará, el a keda drecha su tetenan, pone dos man bou di nan, keda sakudinan di robes pa drechi, pushandonan ariba. M’a her’i kai flou. Úniko kos ku mi por bisa bosnan ku su tetenan ta masha sòft mes. No puntrami kon bin mi sa. Djis kere mi.

Ora mi a yega kas mi a konta un amiga di mi tokante mi eksperensha. El a puntrami si mi a para. M’a bisé: “M’a ta klaro ku mi a para. Riba e foto bo por mira klaramente ku dor ku Antonieta ta asina pikante, ami a keda mal pará band’i dje!”

DSCN2987Mi ta spera un dia Antonieta invitámi den su programa “Dun’é un chèns”. Pero e programa mester ta off air pa mi dun’é un bon “chèns”.

Tin hende ku ainda no a kumpra ‘Kibra Hacha’ ni ‘Awa Habon ku Past’i Djente’ pa nan lesa, pero mi sa ku kuriosidat ta matando nan. Abo mes ku ta lesando, mi sa bon bon ku ainda bo no a bai kumpra e bukinan. Kisas bo ta resistiendo, pero e no tin sentido. Sali bo bai Mensing’s Caminada aworakí bo bai buska e bukinan pa bo lesa. Lo bo mira kos den nan ku lo pone barbulètè bula rònt bo kurpa!

Pronto lo mi saka ‘Niun Pátaka’ i lo bo no komprondé niun pátaka si bo no a lesa e dosnan promé. Ta asina ta bida, flohera no ta yuda bo ku nada. Pues bai buskanan!

Coming Soon 2016

Coming Soon 2016

Danki pa “like i “share”. Mi ta apresiá mashá. Sinti bo liber pa laga bo komentario atras.]

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.