Artíkulo i bukinan di cuckoopress.com a kousa diskushon fuerte awe den Mòru Bondia!

Reading Time: 3 minutes

Redakshon i empleadonan di Mòru Bondia a bin ta tuma nota di artíkulonan ku ta keda publiká riba cuckoopress.com i tambe den e bukinan ‘Kibra Hacha’ i ‘Awa, Habon i Past’i Djente’, i nan kier a sa ta ken ta tras di e lokualnan ku ta keda skibí ku rònt Kòrsou ta komentando di nan.

Mi a haña primeramente un invitashon pa bai den e programa kual mi a rechasá pasó mi no ta hende di televishon. Mi gusta wak televishon si, pero mi no gusta wak mi mes na televishon. Mi gusta wak mi mes den spil si, pero no na televishon. En todo kaso, nan no a aseptá mi rechaso, i nan insistí pa bin awe den programa. Mi a bolbe splika nan ku mi no ta interesá.

Despues mi a haña un yamada di Nicole Maduro. Awor hopi hende konosé Nicole komo un persona lif, pasivo i amabel, pero e persona ku a yama mi tabata totalmente diferente. Nicole den un tono temibel a simplemente bisa mi ku mi mester tei Djaluna mainta trempan na TeleCuraçao sea mi ke òf nò. Einan mi mester a dobla mi rabu i aseptá e invitashon pa bai den e programa.

DSCN2977Durante e programa mi a splika dikon i di unda mi ta sali ku tur lokualnan mi ta skibi, i tambe tópikonan seksual, sikológiko i sosial ku mi ta papia di dje riba CuckooPress i tambe den ámbos buki. Wèl, einan un kantidat di empleado femenino a sali for di den studio pa bai Mensing’s Caminada pa bai kumpra e bukinan. Ora ku mi a menshoná ku bida di hende hòmber ta mas duru ku di hende muhé, tur e hòmbernan a sali e muhénan su tras. Nicole a keda wak mi masha skeptiko i einan a kuminsá un diskushon fuerte. Despues Nicole a disidí na tèrmina e programa trempan numa pasó e no por a kontené su gana pa bai lesa e bukinan.

Aunke mi no gusta bai televishon, tòg e tabata un eksperensia apart, anto mi gusta kosnan apart. Semper mi ta bisa hende ku ta nèt e kosnan ku bo no ke hasi ta nan bo tin ku hasi, pasó ta eseinan ta hinka eksitashon den bo bida. Sali for di bo ‘comfort zone’ i hasi kosnan ku nunka b’a pensa ku lo bo hasi. Lo bo diskubrí partinan di bo mes ku nunka bo tabata sa ku bo tin. (Aunke despues di e programa mi tabata totalmente sobrestimulá, pues mi mester a bai un kaminda ku no tin hende pa mi nivelá mi mes. Pero ya, t’asina ta hendenan introvèrt. Ki ke hasi?)

M’a bisa nan ku lo mi regresá na momentu ku ‘Kibra Hacha II’ ta kla, i lo mi bin prepará pa enfrentá ‘Curacao’s Sweetheart’ Nicole Maduro den e tremendo programa ‘Mòru Bondia’!

DSCN2979Danki pa “like i “share”. Mi ta apresiá mashá. Sinti bo liber pa laga bo komentario atras.]

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.