Promé bia den mi bida mi a kùr outo na Kòrsou den ménos ku 10 minüt!

Reading Time: 5 minutes

Un kos ku defunto Helmin Wiels semper a bisa tabata ku servisionan di gobièrnu ta malisimo i mester drecha nan. Ámtenarnan tei pa sirbi pueblo, i no pa yega trabou lat, lesa korant, rushi uña, pinta kara, anto ora nan kaba, kue tas bai kas lagando e pagadó di impuesto ku smak amargo di un mal servisio atras.

E gobièrnu aki por ta kon sinbèrgwensa, inepto i inapto ku bo ke, pero bou di nan maneho mi a mira algun kambio ku niun otro gobièrnu sea no a hasi, òf no a ni purba na hasi. Esaki ta prueba ku no ta por nos no por. Si nos no logra algu ta simplemente pasó nos no tabata ke logr’é.

Pa di promé, servisio di Kranshi a laga mi keda kompletamente babuká. Ántes pa saka un pasport, ta hinter un dia liber bo mester tuma, bai ku tènt, televishon, ‘slaapzak’ etc, pa bo bai pasa dia na registro sivil. Aworakí pa kuminsá, trahamentu di sita ta bai di forma sublime.

Bo por hasié telefónikamente òf elektronikamente. Maske ku ora bo yama, nan ta bisa pa warda un operadora bira liber, echo ta ku nunka mi a warda mas ku un minüt. Dia mi a yega Kranshi, bo ta mèldu na bali, i haña number ku tur informashon ariba tokante bo tempu di espera. Pero echo ta ku promé ku mi por a sinta i keinta stul, ya mi number a yega na bùrt. Dia di tuma pasport tabata meskos. (Klek aki pa lesa mas di e servisio ku Kranshi ku a lagami keda kompletamente sorprendí!)

Kùrmentu di outo tambe a laga mi keda babuká! Ántes pa bo kùr bo vehíkulo, bo tin ku kuminsá na bai ‘keuringsloket’ i tuma fecha. Esei so ta dura entre un pa dos ora. Bo tin ku sòru pa no reklamá nada tampoko, sino nan ta kue teima ku bo i keda sin yuda bo. Dia bo tin ku bai kùr mes, ta fila di parera te mondi wakawa bo ta topa.

kur3Bo tin ku hinka hinter bo famia den outo stail di kultura mèksikano, bai ku radio, televishon, kos pa grill galiña, tènt pa drumi den dje, i un wega di ‘monopoly’ òf di ‘mens erger je niet’ pa bo hunga i mata tempu. Pa evitá, dor e mal eksperensha ei mi tabata paga ken ku ta un kos pa nan bai kùr outo pa mi, pasó ami no ta hende ku pasenshi pa sinta pasa dia den na niun lugá di servisio di gobièrnu.

Pero awor, kos a kambia. Pa di promé, un luna promé bo ta haña karta na kas ku bo karchi di kùr ta bai kaduká, i bo ta haña bo fecha di kùr plùs orario riba e karta. Si bo no por e dia ei, bo por yama pa kambia bo fecha. Riba e dia di kùr bo ta bai paga, kual den mi kaso a dura mas o ménos sinku minüt. (E dunament’i number si ainda ta poko chapo, pero mi ta spera nan logra kumpra un mashin digital, enbes di skibi number riba karton di ‘corn flakes’. Ora mi a bai kùr, ègt mi a kere ku ta será e ‘keuringslokaal’ tabata, pasó no tabatin fila largu manera semper mi sa topa. Defakto no tabata tin fila mes. M’a yega para, drenta, i kùr mesora. Pa tuma karchi bèk tambe, mi a warda ménos ku sinku minüt.

kur2(Por sierto, si bo outo keda desaprobá, ta den hopi mal estado e kos ei ta. Delantá bo mester sa ku úniko kos ku nan ta wak ta lus dilanti (‘dim’ ku ‘bright’), ‘richtingwijzer’ dilanti ku patras, pitu, waiper, lus patras, lus di number, lus di brek, brek di outo, hantrèm i tin ora nan ta wak ‘speling’ di bo stürwil. Nada mas. Si a ni e kos na’i bo outo no tin na òrdu, ta hopi kurashi bo mester tin di ke bai purba kùr e mes.)

Esaki tabata e promé bia den mi bida ku mi a kùr mi outo den ménos ku dies minüt manera mester ta.

Mi ta spera tiki tiki pero sigur nos sigui mehorá servisionan di Kòrsou, no solamente esnan gubernamental pero tambe den sektor privá. Pasó dunament’i servisio na Kòrsou aki, aktualmente ta malisimo. Yen hende frustrá i amargá manera kos ku nan tin dies aña sin sinti dushi bo ta haña ta traha ku hende, ta trata hende ku mal airu i mal moda. Un di e promé servisionan ku nos tin ku drecha ta esun na èrpòrt, pasó ta e promé impreshon ku e bishitante ta haña di nos pais. (Plùs si mi ke hui fo’i pais, ta imposibel mi tin ku para dos ora den rei. No por!)

Nos ta pruebando ku nos por, pues ban p’e!

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.