Estado California ta aprobá i pasa legislashon ‘derechi pa muri’!

Reading Time: 3 minutes

E moveshon ‘Muri ku Dignidat’ a marka viktoria na California djabièrnè ora ku senado di estado di California a pasa e legislashon ku ta pèrmití pa pashèntnan ku malesa terminal pa pone fin na nan bida ku yudansa di un médiko.

Den un akta ku yama ‘End of Life Option Act’ lo pèrmití pashèntnan pa buska un salida den un opshon pa muri, dado kaso ku nan a keda duná seis luna di bida òf ménos dor di dos dòkter diferente. E pashènt mester a hasi un petishon por eskrito i tambe un petishon oral 15 dia i tambe mester tin e kapasidat mental pa tuma su propio desishon.

E legislashon a keda inspirá pa Brittany Maynard di 29 aña di edat ku a bira kara di e movementu ‘Muri ku Dignidat’, despues ku el a keda diagnostiká ku kanser selebral. Despues ku el a keda diagnostiká ku e ta terminal, Brittany mester a biaha pa Oregon kaminda masha tempu kaba ta legal pa dòkter pone fin na bida di pashèntnan. Brittany a muri na novèmber 2014.

FILE - In a Tuesday, Aug. 18, 2015 file photo, Debbie Ziegler holds a photo of her daughter, Brittany Maynard, during a news conference to announce the reintroduction of right to die legislation, in Sacramento,Calif. The Simon & Schuster imprint Emily Bestler Books told The Associated Press on Tuesday, Sept. 8, 2015, that Deborah Ziegler’s memoir, “Wild and Precious Life,” was scheduled for late in 2016. (AP Photo/Rich Pedroncelli)

 Debbie Ziegler ku foto di su yu muhé Brittany Maynard (AP Photo/Rich Pedroncelli)

Palabranan di Brittany promé ku el a muri tabata lo siguiente:

“Mi kurason ta destrosá, pa motibu ku mi mester a bai laga mi kas, mi komunidat i mi famianan na California. Pero mi ta bai muri i mi no ke pèrdè mi dignidat. Mi ta ninga na someté mi mes i mi famia na doló i sufrimentu sin sentido komo kousa di un malesa ku no tin kura.”

Den un video ku Brittany a laga atras pa e legisladónan el a bisa:

“Niun hende no mester bai laga nan kas i komunidat pa por tin pas mental, pa nan por skapa sufrimentu i doló pa asina nan por plania nan morto dignamente.”

E legislashon ta sinta awor den man di gobernador Brown ku tin te ku 11 di òktober pa por firma e legislashon i hasié un lei òf por imponé su ‘veto’ (poder konstitushonal pa rechasá e legislashon) riba dje. Si e firma e legislashon, e lei lo drenta efekto na komienso di otro aña.

Death with dignity2

Gobernador di California, Jerry Brown

Resientemente un èks zùster britániko penshonando di 75 aña mester a biaha pa Suisa pa por a pone fin na su bida. E diferensha ta ku e èks zùster aki no tabata sufri di niun malesa terminal. E èks zùster simplemente kier a muri trankil sin ku e mester bira molèster pa niun miembro di su famia.
Eutanasia sigur lo bira diskushon den próksimo dia nan, ya komo ku nos ta bringando hopi pa hende por biba mas largu, pero echo ta ku nos kalidat di bida ta bahando. Hende bèrdat ta bibando mas largu pero ku diferente malesa, i esaki ta poniendo un peso grandi riba finansa di pais.

Fuente: Huffpost

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.