‘I don’t need sex. Aqualectra F*CKS me every day!’

Reading Time: 5 minutes

Ora mi ta skibi sierto kosnan riba Internèt, mi ta hasié ku masha koutela pa mi no haña mi ku kaso den korte pa manchamentu di nòmber di hende òf kompania. Pero ku loke mi ta bai publiká aki si ta nèt un kaso den korte mi ke.

Mi a kaba di skibi riba mi muraya di Facebook: “I don’t need sex. Aqualectra F*CKS me every day!”

Aqualectra problem 2Pa awe mainta 10or mi mester tabata tin un rapòrt kla skibí pa mi entregá. Mi tabata tin e kos kasi kla, ta djis algun kos mi mester a kambia, print i bai entregá. Fo’i ayera anochi mi kier a kaba kuné, pero mi tabata kansá. M’a keda bira bira, pasó mi tabata den un estado di kansansio i flohera. Mi konsiensia positivo i disipliná tabata bisa mi pa kaba e rapòrt pa kaba, pasó mainta tin chèns ku koriente ta bai, pasó akinan koriente gusta bai mainta trempan. Pero mi konsiensia negativo i floho tabata bisa mi pa no wòri. Ta hopi mala suerte mi mester tin pa koriente bai nèt djaluna mainta, nèt ora mi ta kla pa print.

Wèl, den krili e konsiensia floho i negativo di mi ei su wela. Pasó awe mainta, manera mi a sende kòmpiuter, koriente a bai. M’a grita, m’a yora, m’a koba mama di Aqualectra den kuater diferente idioma. No a dura mashá, ku koriente a bin bèk. M’a kore lihé lihé, sende kòmpiuter i printer pa mi finalisá ku e rapòrt pa mi hib’é pa e doño promé ku 10or.

Promé ku e kòmpiuter a sende, koriente a bolbe bai. M’a her’i bira loko. M’a kuminsá grita, sapatia, lora kurpa abou ta yora. No a dura masha, ku koriente ta bolbe bin bèk.

Hanshá atrobe m’a bolbe sende kòmpiuter i printer pa mi kaba ku e rapòrt. Ora mi a sende kòmpiuter mi ta haña mi ku e famoso i temibel ‘ Blue Screen òf Death’.

Aqualectra problemM’a kuminsá grita mané Chucky k’a hala kokaina. M’a kue mi telefon pa mi yama e shon i bis’é kiko ta pasando, pero mi bateria tabata flou flou. M’a ‘restart’ e kòmpiuter wak si e ta bin bei. Promé ku e kompiuter por a kaba di paga, koriente ta bolbe bai.

Akinan si ma bira ‘Coro pa’ Caracas’. M’a bira loko mes, ranka paña kibra fo’i mi kurpa, keda blo sunú, kore bai pafó bai koba mama di Aqualectra:

“Aqualectra ta kiko bo ta kere? Ta kas di bia’ b’a kere tin aki? Ta pa bo prostituto b’a mira mi? Bo a kere ku kada bes ku bo ke, bo por kita i pone koriente mané kos ku ta pia den laira mi ta drumí riba kama ta warda pa bo bin kue mi den mi s*** i bai laga mi riba kama bentá tur na gustu? Ta ken bo ta kere bo ta Aqualectra?”

Aqualectra problem 3Despues di a hasi hinter un bochincha pafó, koriente ta bin atrobe. Hanshá m’a kore bai paden pa mi bai drecha e kòmpiuter ei i print e rapòrt. Mi a logra finalisá e rapòrt te 1or di mèrdia. M’a sali riba spit pa bai entrega e rapòrt, pa despues e hòmber bisa mi ku mi ta hopi, bruá, iresponsabel i desformal. El a puntra si ta pa payaso m’a mir’é, pasó ta fo’i 10or e ta warda mi. E hòmber a papia masha mahos ku mi.

Sóbadje mi beis no ta bon…….awèl m’a mand’é den krili su wela, su bisa wela, su bisa-tuma wela i su bisa-bisa-tuma-duna wela. Mi kabes a kuminsá saka huma di furia. M’a puntra e hòmber si nunka e no a yeg’i wòrdu fuertemente violá dor di Aqualectra? M’a puntr’é si e sa kon malu mi ta sinti mi. M’a keda manera un ‘Openbare Lichaam’ ku Aqualectra a violá di anus, boka, orea, lombrishi ku nanishi. Anto awó el a kere ku mi ta bai soportá su insolensia? M’a bisa e hòmber p’e bai fo’i mi dilanti promé ku mi dal e skòp den su atras.

Despues m’a ripara ku ta ami ta den su lugá. Pues despues di hinter mi drama, t’ami mester a bai fo’i su bista.

Asina ki mi siman a kuminsá. Ègt mi ta wardando nan kuminsá kaso den korte kontra mi pa difamashon, daño i perhuisio na e kompania di Aqualectra òf kualke otro kos ku nan ke inventá. Pues Aqualectra…….Hincha bo bin!

(E tipo di kosnan aki ta pasami frekuentemente ku mi ta sirbi komo inspirashon pa skibi mi bukinan ‘Kibra Hacha‘ i ‘Awa, Habon ku Past’i Djente’. Si bo a lesa e bukinan ei i bo a hari bo morto, básikamente ta mi doló i tristesa bo a hari asina. No ta nada. Ta asina ta hende!)

DSCN2910Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.