E motibu dikon nos tin ku stòp di mata abeha!

Reading Time: 5 minutes

Segun sientífikonan, si abehanan stòp di eksistí awe, den ménos ku kuater aña lo sosodé un apokalípsis. (Esei básikamente ke men ku nos a pompa.) Di e tipo di espesie importantenan ku tin riba mundu, abeha ta den e promé nan riba lista.

Bees 5Abeha ta un insekto polinisadó di matanan ku ta produsí kuminda pa hende. Polinisashon ta e proseso kaminda ‘pollen’ (stuifmeel) di mata ta keda transferí for di e órgano reproduktivo maskulino pa e órgano reproduktivo femenino pa asina por krea simia. Den matanan ku tin flor, ‘pollen’ ta keda transferí di e ‘antera’ pa e ‘estigma’ ku frekuensha dor di bientu òf insekto. Abehanan ta polinisá 70 di e 100 espesie di kultivo ku tin riba mundu, kual ta loke ta krea kuminda pa 90% di poblashon di mundu. Esei ke men ku si abehanan stòp di eksistí, nos a h***!

Ku desaparishon di abehanan nos lo pèrdè tur e matanan ku abehanan ta polinisá. Seguidamente nos lo pèrdè tur e bestianan ku ta kome for di e matanan ei, i asina nos ta sigui den e kadena di kuminda. Pues den korto tempu, lo no tin sufisiente kuminda pa e shete bion hendenan ku tin riba mundu.

Bees FIResientemente mi a publiká den un artíkulo ‘E motibu dikon hende tin ku stòp di traha yu’ ku tin muchu hende riba mundu i ku nos tin ku stòp di traha yu. Kisas tin hende no ta mira e urgensha òf gravedat, òf simplemente nan no ta wòri, pero di bèrdat nos ta den ‘deep shit’. Ser humano den ocho luna ya kaba a konsumí un aña di kuminda. Pues aworakí nos ta konsumiendo kuminda ku mester tabata pa 2016.

Aparte di esei, e kantidat di abehanan na mundu (Honey Bees) ta redusiendo di un forma alarmante. E motibu no ta muchu kla, pero kousa por ta dor di pèrdida di e flor ‘meadows’. E por ta tambe dor di e ‘varaoa mite’, kual ta un tipo di bestia straño manera ‘chupa sangre’ ku ta pega riba lomba di e abeha i ta alimentá su for di ee abeha. (Manera karpata ta hasi ku kachó). E por ta tambe e kambio di klima òf uzo di insektisida.

Pa por sa e motibu presis, un grupo di investigadó ku ta kondusiendo e “Global Initiative for Honeybee Health” a instalá un chip riba lomba di 15 mil abeha na Oustralia i Brazil, pa asina nan por saka afó kiko nan komportashon ta, i kiko lo por ta e kousa ku e abehanan ta disparsé for di mundu. Ku e chip aki e investigadónan lo por analisá efekto di faktornan di riesgo manera, malesa, insektisida, polushon di airu, kontaminashon di awa, dieta i klima di wer.

Bees1Kasi un tersera parti di kolonia di abeha na Merka a disparsé segun Natural Defense Resource Council. E kantidat di abehanan ta disparsé asina lihé te ku el a resultá den un fenómeno ku nan ta yama ‘Colony Collapse Disorder’. Esaki ta ora tur e abehanan trahadó ta muri òf disparsé i solamente e reina i e abehanan no madurá ta keda atras.

Bees4E eksistensha di abeha ta kousando un preshon global. Si nos pèrdè e método di polinisashon grátis, kual ta keda hasí dor di e abehanan, esaki ta pone ku kunukeronan mester paga imkernan pa laga trese abeha na nan kunuku pa laga nan polinisá e kultivo. Esaki lo kousa subida den preis di tur kuminda, for di kònkòmber te na apelsina, kashu i siboyo.

Abehanan ta responsabel pa polinisashon di un tersera parti di kumindanan ku nos ta kome. Si abehanan stòp di eksistí, mundu kompletu a kue awa! Pues kuminsá kuida i protehá kada abeha ku bo mira. (Sòru pa nan no pika bo tampoko, pasó nan ta poko bobo, i ora nan sinti nan menasá nan ta pika bo, kual básikamente ta nan forma di kometé suisidio.)

(P.S. Bo tabata sa ku honing ta saka (vomit) di abeha? Hopi fis sua……..pero e ta baha bon den te ku lamunchi si. Abehanan ta produsí honing komo reserva di kuminda pa temporadanan ku no tin flor (winter òf sekura) pues tin tiki ‘nectar’ kual ta algu ku abeha mester di dje pa por sobrebibí. Komo ku sierto tipo di abehanan ta asina generoso, nan ta produsí mas honing ku nan por konsumí, pues loke nan sobra, nan ta duna e espesie di mas egoista i malagradisí ku ta eksistí na mundu kual ta hende. Honing ta e úniko kuminda ku no ta daña. Bo por warda honing 500 aña largu den kashi trankil, nada lo pas’é.)

Bee honeyFuente: Huffpost, BBC

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.