OPEC lo no baha produkshon di krudo, a ni maske preis di krudo baha te na 20 dòler pa barí.

Segun Minister di Saudi Arabia Ali al-Naimi, nan lo no baha produkshon di krudo i lo mantené produkshon na 30 mion barí pa dia. E redukshon di e preis lo yuda stimulá kresementu ekonómiko global.

Minister di krudo di Saudi Arabia Ali al-Naimi.

Minister di krudo di Saudi Arabia Ali al-Naimi.

Krudo Brent na yüni 2014 tabata 116 dòler pa barí, kual ta e punto di mas haltu ku el a yega. Aworakí el a baha mas ku 46%.

Segun e Minister di Saudi Arabia, mundu lo no konosé preis di krudo di mas ku 100 dòler pa barí atrobe. (Mi ta spera e shon aki su boka ta santu)

Aunke suministro di fuentenan di energia alternativo tin efekto riba e kantidat di suministro di krudo, ekspertonan ta kere ku e kousa mayor di e redukshon di preis di krudo ta e demanda ku ta baha dor di un ekonomia hopi slow. Prinsipalmente ekonomia di China no ta kresiendo manera ántes. E kresementu ekonómiko di China a baha hopi den último lunanan.

(Si bo no ta komprondé “at all” kiko suministro ku demanda ku produkshon di krudo tin di haber ku e preis, chèk e artíkulo “Kon bin preis di gasolin ta bahando” ku ta splika tur loke bo mester sa. Bai les’é, no ta pòrnada mi a skibié,)

Ekonomistanan di IMF (International Monetary Funds) ta bisa ku e redukshon den preis di krudo, lo por stimulá ekonomia ku 0.7%.

Di forma similar, paisnan ku ta forma parti di OPEC (Organization of Oil Exporting Countries) ta kere ku e preis lo bolbe subi bèk na 70 pa 80 dòler pa barí na final di 2015 despues ku e ekonomia drecha, i esaki lo bolbe subi e demanda.

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.