Awor si mi ta kla ku muhénan ku kos falsu na nan kurpa.

Reading Time: 3 minutes

Un muhé ku yen kos falsu na su kurpa a her’i kibra mi bida i te asta mata mi. Bo ke sa kiko a pasa? Laga mi konta bo!

Komo un hende hòmber komun i koriente mi a bai sali ku un yùfrou ku segun ami tabata ‘all natural’. Loga e no tabata tin nada ‘natural’ riba su kurpa. Pa di promé, e tabata tin un peluka straño bistí. E kos a keda manera tènt Wigwam riba su kabes. Masha fastioso.

wigDespues nos a bai kome na Iguana Cafe den Punda. Ami tabata kome un sòpi delisioso. Segun bientu ta supla, kabei di su wimpers tabata bula bin kai den mi sòpi. Sin mi por a ripara m’a guli un kuchara di sòpi ku kabei falsu di wimpers den dje. M’a pega kuminsá tosa, her’i muri. E muhé di mal ora ei no a ni preokupá ku mi, sino mas bien el a bira medio histériko, saka spil fo’i su tas, ku leim ‘Gorilla Glue’ lihé lihé pa drecha su wimpers. Ta hende mester a bin yuda mi, duna mi CPR ku kos.

Despues ku mi a klara, nos a sigui kome, pero un pida kabei di su wimpers falsu a bai den su wowo. Aunke m’a bis’é “Drechi p’abo”, tòg mi a preokupá. M’a bis’é laga mi sak’é p’e. Pero e tabata asina alarmá i nèrvioso riba e echo ku su wimpers ta kitando ku el a dal su man den mi man, pone ku un di su uñanan falsu a kibra. Awó e tin kabei di Wigman, wimpers tur plamá, kabei den su wowo i uña kibrá.

bad wimpersDespues di a lucha ku su kos falsu nan, nos a kaba di kome i nos a kana bai outo pa bai kas. El a kue mi brasa i sunchi, susha mi kamisa blanku tur na ‘make-up’ ku ‘lipstick’. Anto e ‘make-up’ ku e muhénan ta uza awendia ta mané kòfi Nestle. A ni pa nada e ko’i no kier a kita fo’i riba mi paña. Dor ku mi a bira nèrvioso, el a hinka man den su pechu, saka bòshi papel pa yuda mi limpia mi paña. Einan m’a ripara ku e muhé no tin tete tampoko. Ta hopi sin konsenshi i sin heful bo mester ta pa bin gaña mi ku bo tin tete! El a frega e papel na mi paña, pone ku mi manga di kamisa a susha mas. Bo ke bisa mi kiko mi ta hasi ku un muhé asina?

Ora m’a yega kas, mi tabata hole perfume di muhé, ku yen kabei i wimpers falsu pegá riba mi paña, ku mi krag di kamisa tur na ‘lipstick’, anto ku mi manga di kamisa manera kos ku a laba kòfi sin lechi!

Pa motibu di un muhé ku yen kos falsu na su kurpa mi kasá a pone mi drumi pafó riba stupi anto ni un kusinchi ku un klechi e n’ duna mi pa tapa friu i sangura!

man sleeping outsideDanki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.