FDA lo por duna lus bèrdè na viagra pa hende muhé.

Reading Time: 3 minutes

E píldora Flibanserin, mihó konosí komo Viagra pa hende muhé ku a keda desaprobá dos bia pa FDA (Food and Drug Administration) for di 2010, awor tin hopi chèns di keda aprobá despues di a risibí voto di 18-6 for di pènel di konseheronan.

Female Viagra

Viagra pa hende hòmber ta konosí di reforsá e parti genital di e hòmber, kousando mas stimulashon di sanger den e pénis kual ta duna e hòmber mas forsa di erekshon. E viagra pa hende muhé no ta funshoná asina. E ta traha dirèkt riba sentro di plaser den e seleber di hende muhé (pasó hende muhé ta mas kompliká, mas ku klaro). Hende muhénan ku a bebe e píldora tur dia den e fase di prueba a bisa ku nan ta tene relashon seksual ku mas frekuensha i disfrutá hopi mas tantu di e akto.

E píldora di Sprout Pharmaceuticals originalmente a keda trahá pa trata depreshon. Sinembargo hende muhénan ku tabata bebe e píldora a ripara ku nan libído (deseo seksual) a subi konsiderablemente despues ku nan a kuminsá uza e píldora. FDA a desaprobá e píldora aki debí na su efektonan sekundario negativo ku ta entre otro preshon di sanger abou, nousia, kansansio, mareo i insomnia. Pero awor FDA lo por aprobá e droga komo medikamentu pa trata HSDD (Hypoactive Sexual Desire Disorder) kual ta falta di deseo seksual serka hende muhé.

Hende muhénan aparentemente no tin kunes ku e efektonan sekundario aki, pasó e píldora lo por yuda drecha nan bida seksual i salba nan matrimonio. Ta trata aki di hende muhénan ku ta bisa ku nan deseo seksual no ta abou, sino ku nan no tin deseo seksual mes, i di mesun forma ku nan ta yuda hende hòmber ku nan problemanan seksual, nan mester yuda hende muhé tambe!

U.S. Food and Drug Administration main campus building.  September 11, 2014.  Photo: ALM.

Edifisio FDA

FDA usualmente sa sigui konseho di su pènel di konseheronan, pero no tur bia. Aworakí FDA ta bou di preshon di organisashonnan femenino ku ta akusando FDA di ta kulpabel di seksismo institushonalisá, i di ta duna prioridat na medikamentunan pa trata desfunshonabilidatnan seksual serka hende hòmber.

Pues e muhénan sigur ta sumamente ansioso pa yegada riba merkado di e píldora ros pa asina porfin nan por ‘boost’ nan libído i finalmente kuminsá disfrutá mas di sèks! Mi ta spera e píldora yuda kita bèrgwensa tambe, pasó tantu bal bo ke sèks mas tantu, pero bo tin bèrgwensa pa hasi tur kos ku ta eksitante! Tambe mi ta spera e píldora yuda e muhénan ku ta kana ku ‘bitch attittude’ i ta kana ta h*** bida di hende, pa nan tambe kita bèrgwensa, bisti kurashi i subi un bon basora pa kita nan mal moda!

 

Female viagra 3

Fuente: Daily Mail

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.