E motibunan pa kual bo lo ke keda leu for di Emgoldex (Global Intergold)!

Reading Time: 8 minutes

Awendia tin un kantidat di negoshinan di MLM (Multi Level Marketing) ku ta hasi uzo di nètwèrk pa hasi merkadeo i asina bende nan produkto(nan) i traha plaka. Tin algun di nan ku ta real i konfiabel, pero hopi di nan ta kos pa kue hende kabes abou. Pa bo sa si e negoshinan ei ta real, pa di promé, nan mester tin un produkto real ta bende. Pero pa gaña hende, hopi di nan ta bisa ku nan tin un produkto, pero en realidat nan produkto ta fantasma.

Pa di dos, mester tin hende ku ta kumpra e produkto. No por ta asina ku tur hende ta bende, anto e produkto no tin kumpradó! Anto realidat ta ku mayoria hende ke drenta e tipo di negoshinan aki pa distribuí i gana plaka, (por ehèmpel ‘share’ links, i kada bes ku bo ‘share’ òf si hende klek den e link, bo ta wòrdu pagá) pero niun hende no ke kumpra e produkto. Ta meskos ku kualke negoshi ku ta invertí den merkadeo, pero niun hende no ta kumpra e produkto. Mas ku klaro lo yega un dia ku e negoshi ei ta kibra.

multi level marketingTin diferente tipo di e kompanianan aki. No ta tur ta un falsu, pero esnan ku si ta falsu, mi ta hole nan djaleu. Tres di esnan ku no ta un engaño i ku ta basta konosí aworakí ta Avon, Amway i Herbalife. (Esaki ta segun nan entrada anual. Tin hopi mas ku ta bastante popular.) Aunke e negoshi MLM nan aki no ta presis un engaño, tòg nan no ta mi stail di hasi negoshi. Anto ménos pasó bo tin ku keda buska hende pa bo por subi. Amway, segun ‘reviews’ nan ta basta difísil pa bo subi kuné, pero supuestamente ku bon guia, lo bo logra. Ami simplemente no ta interesá den e kosnan ei, aunke e por ta un bon manera pa hasi marketing!

Pero awor tin un ku yama Emgoldex. Emgoldex ta un kompania ku di Dubai (Mi ta kere anto. E ‘Em’ ta para pa Emirates.) Supuestamente nan ta eksistí fo’i 2010 i ku nan negoshi ta kumpra i bendementu di oro. Riba Facebook bo por mira kon nan ta publiká potrètnan ku bòshi plaka pa bo mira òf kere ku e negoshi ta real.

Emgoldex scamE kosnan aki ta bakoba pa kue makaku. Nan sa ku hende gusta plaka, i manera hende mira tantu plaka asina, nan wowo ta hancha i kuminsá spin, i nan ta bira hambrá mesora. E supuesto negoshi aki ta un kòmplòt di piramit.  Kòmplòt di piramit (Pyramid Scheme Fraud) ta un tipo di froude, pues ta un negoshi ilegal.

Supuestamente e kompania EmGoldex (òf konosí tambe bou di nan nòmber nobo Global Intergold) ta kumpra i bende oro. Nan ta pidi bo invertí  un suma di plaka  aworakí i kobra 23 bia mas tantu e suma ku bo a inverti despues. Di unda nan ta saka e plaka ei? Pa kuminsá balor di oro ta fluktua. Si nan ta kumpra i bende oro, kon baina nan por sa na ki preis nan ta bai bend’é, te pa por garantisá bo ta kuantu sèn lo bo por kobra? Balor di oro aktualmente ta alrededor di 1110 dòler pa troy ouce. Un troy ounce ta 31 gram kual ta kosta kasi 2000 florin. Ku e suma ku nan ta pidi ta apénas 6 gram di oro bo por kumpra. No ta eksistí manera ku e plaka ei por rende i bira 23 bia mas tantu den ménos ku un aña. Ta na ki preis nan ta bende  e oro ei te pa nan traha asina tantu plaka te pa nan paga bo asina un ‘high return’ den asina tiki tempu? Bo ta komprondé ku e kos no ta ‘make sense’?

Emgoldex scam 2Bèrdat oro no ta algu ku ta baha di balor fásil, pero e kompania ta pretendé di por garantisá bo un ‘payout’ den algun dia (si bo logra sera bo grupo, kual pa ami tampoko no ta ‘make sense’.) Manera mi a menshoná, balor di oro ta fluktua i e tin un ‘trend’ di ta devaluando den e último tres pa kuater añanan aki (Na 2011/2012 oro tabata bal 1800 dòler pa troy ouce. Aworakí e ta 1100. E loke nan ta bezig kuné, simplemente no ta ‘make sense’. Meskos ku bo por gana, bo por pèrdè, i te na ora bo gana mes, no ta eksistí un ‘return rate’ asina haltu den asina tiki tempu. (‘Major Redflag’.)

Kon e kompania ei ta traha plaka? Niun invershon legítimo, a ni bono i akshon di kompanianan grandi no tin un ‘return rate’ asina haltu. Kier men fo’i ora bo tin algu ku den tiki tempu asina ta generá asina tantu sèn, ya kaba bo tin ku pensa ku ta algu dudoso. (‘Redflag’.)

E kompania ta pidi pa bo rekluta un kantidat di hende, i nan tur tin ku hinka e kantidat di plaka inisial. Ora bo rekluta un sierto kantidat di hende, abo lo por kobra. Bo por splika mi kiko reklutashon di hende tin di haber ku preis ku e oro ta bende riba merkado? (‘Major Redflag’.) Ta simplemente sèn di hende, nan ta uza pa paga abo. Nan ta tuma sèn di un kantidat di hende, i ku e sèn ei nan ta paga esnan ku yega e kantidat di personanan ku ta rekerí pa rekluta. ‘It’s just a pyramid scheme’, maske nan ta ninga.

Emgoldex scam 5No tin duda ku tin hende lo wòrdu pagá, pero kon abo por sa ku abo lo wòrdu pagá? Tur ‘pyramid scheme’ lo kai den otro un dia, anto tin hende sigur ku lo bai pèrdè plaka. Ta esei ta piramit. No tin manera pa paga tur hende, pasó hende pa rekluta i finansiá esnan mas ariba den e piramit ta bai kaba.) Si abo a wòrdu pagá, no ta nifiká ku e negoshi ta real ni legal. E supuesto kompania lo mester paga algun persona sino e trampa lo keda deskubrí hopi mas lihé. Pero n’e mes momentu tin hende ku lo no bai wòrdu pagá, simplemente pasó no por paga tur hende.

Mi ta bai mas leu. Pa bo haña lisensia i bira outorisá pa pidi hende invershon, bo mester ta registrá i tin pèrmit pa bo hasi esei. Emgoldex ta bisa ku nan ta registrá i tin pèrmit di SEC (Security Exchange Commision) i DMCC (Dubai Multi Commodities Centre.) Pero ofisialnan di tantu United Arab Emirates i tambe di Filipina ta ninga ku e kompania ta registrá i tin pèrmit serka nan pa pidi invershon serka hende, por lo tantu nan práktikanan ta ilegal! DGSX (Dubai Gold and Commodities Exchange) tambe a ninga ku e kompanianan EmGoldex i su kompania mama ‘Gold & Silver Physical Metals KG’ ta afiliá na nan.

Kualke kompania serio ku ta hasi negoshi di invershon ku plaka di hende lo registrá i karga lisensia di un ‘exhange commission’ pa nan mantené un bon reputashon. Dikon EmGoldex no tin e lisensia aki? (‘Major Redflag’.)

Mas ku klaro bo ta liber ta djòin nan, pero komo hende ta puntra mi kiko mi ta pensa di nan, esaki ta loke mi ta pensa di nan: Emgoldex ta simplemente un engaño!

Riba e link aki bo por mira ku EmGoldex ta bisa ku nan ta registrá na DMCC: http://emgoldex-your.blogspot.com/p/legal-info.html

Pero riba linknan aki bo por lesa pa bo mes, kaminda SEC, DMCC i DGSX ta bisa ku ni Emgoldex ni Gold & Silver Physical Metals KG no ta afiliá na nan i nan ta atvertí hende pa keda leu fo’i tipo di negoshinan dudoso manera Emgoldex!

Emgoldex scam 4Security Exchange Commission Advisory Global Intergold (14 Ougùstùs 2015)

Security Exchange Commission Disclaimer Emgoldex (10 mart 2015)

Security Exchange Commission Advisory (13 Febrüari 2015)

Gulf News: Officials warn against investing  in online gold store

Tin mas di e tipo di negoshinan aki. Pero abo mester keda kòrda ku fo’i ora un negoshi ta primintí ‘high return’ den tiki tempu, un lus mester sende den bo kabes. Si e negoshinan aki tabata real, bankonan i otro invershonistanan lo a bula den nan masha dia.

Si bo ke gana hopi plaka na un manera fasil, den korto tempu sin mester traha duru, tin algun kos ku bo por hasi

1. Bende droga. (E ta ilegal i poko riskante. Anto bo por sea kai será òf haña bala den bo stoma, pero bo ta traha plaka kuné si.)

2. Bo mes inventá un ‘pyramid scheme’ i hòrta plaka di otro hende. Bo ta ilegalmente bezig si!

3. Komponé kualke kansion pegajoso  manera ‘Gangnam Style’ òf ‘Chagaròn’ ku ta bira hit mesora.

4. Warda un inspirashon drenta bo, publiká kualke video riba You Tube ku ta bira viral. Segun mi You Tube ta paga un ko’i loko pa un sierto kantidat di ‘hit’. Bo video mester haña hopi ‘hits’ si.

5. Tira atrako riba trùknan di plaka òf hòrta barkunan di oro. (Tambe ta ilegal i tin hopi rísiko kuné.)

6. Warda un inspirashon drenta bo, i traha kualke ‘app’ ku tur hende lo kumpra.

7. Bira polítiko/parlamentario/minister.

8. Gana loteria. (Bo chèns pa bira promé minister ta mas grandi ku bo chèns pa gana premio mayó si.)

Mi ta spera di a informá bo sufisiente. Si ainda bo ke drenta e negoshi straño nan ei, dal bai. Si nan dal bo palu despues, no bisa ku bo no tabata sa! Si no, gewoon sigui traha duru pa bo gana bo plaka honestamente i honradamente. Sèn fásil ta kaba un bes sin ku bo sa na kiko bo a gast’é. (‘Easy come, easy go’). Sèn ku bo a traha duru p’e lo bo tin mas balor di dje!

Easy come, easy go

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.