“Kosnan ku mi ta lamentá di no a hasi promé ku mi a kasa!”

Un dama ku awe ta felismente kasá (mi ta kere anto) ta konta kuantu kos e ta lamentá di no a hasi promé ku el a kasa.

Aktualmente e tin 9 luna kasá i ya kaba e tin remordimentu. E no ta lamentá su eskoho di pareha ni nan eskoho pa a kasa. Pero si e ta lamentá ken e tabata promé ku el a kasa i lokualnan ku el a hasi òf keda sin hasi tempu ku e tabata soltero:

Mara mi a sèks mas tantu promé ku mi a kasa.
Mara mi a sèks ku mas hòmber plùs muhé promé ku mi a kasa. Mara mi no tabata tin miedu pa eksperimentá ku mi deseonan. Mara mi a sèks ku hende di otro rasa. Mara mi tabata tin ‘one night stands’ i ku mi no tabata tin miedu pa purba. Mara mi por tabata protagonista den un trio. Mara mi por a gana e nòmber di puta, ninga e nòmber di puta òf tabata tin e chèns di tabatin ku dil ku e idea di loke ser un puta lo ta nifiká. Mara mi a sèks ku mas pareha ku no tabata sinku so.

(Sinku e muhé ta yama so? Sinku ta hopi sua! ☺)

regret marry 3

Mara mi por a pasa mas tantu tempu soltero.
Mi tabata tin mi promé frei tempu ku mi tabata tin 15 aña. Nos a keda kibra drecha, kibra drecha, te ku mi 17 aña. Despues di dje, mi a frei un otro gai mas, i despues di esei mi a frei un gai riba distansia largu pa dos aña i mei, i despues nos a frei otro dos aña i mei mas estando serka di otro.

Despues di e sinku añanan ei mi tabata tin mi promé chèns pa mi ta mi so, pero mi a hasi tur loke ta posibel pa mi no mester a dil ku e soledat. Mi tabata sèks regular ku mi èks frei, ku e speransa pa poné realisá ku ainda e stima mi i pone kuminsá trata mi mas mihó. Mi tabata basilá ku un gai ku tabata traha huntu ku mi na un restorant. Pues ora kos entre ami ku mi èks no ta bon, e kòki tabata subi warda. Mi tabata ‘chat’ ku diferente hòmber riba Internèt, ‘flirt’ ku nan na klup i fiestanan. Mi tabata hasi tur kos posibel djis p’ami no mester ta mi so.

Mara mi tabata tin mas tantu tempu pa mi lesa, skibi, pasa tempu ku mi amistatnan i bai movies mi so. Mara mi tabata por a sali mi so ku mesun fervor ku mi tabata purba sali ku otro hòmber.

Afortunadamente ami ku mi kasá tin e mesun kosnan en komun; nos tur dos ta kere den pasa tempu huntu ku otro i tambe apart for di otro. Pero mara mi tabata tin e kurashi pa surpasá mi miedu di ta mi so i siña ta mi so mas tantu.

Regret marry 4
Mara mi a bai studia afó na universidat, òf bai afó despues di a gradua òf biaha mas tantu durante mi hubentut.
Mi dos mihó amiganan a bai un programa di literatura ingles i skibimentu na Bath (suidat na Inglatera) ku mi tambe tabata tin gana di bai, pero mi tabata pegá riba un gai, pues mi a skohe pa keda ku e gai enbes di bai afó.

Mi tabata tin gan’i bai New York tambe, pero despues mi a prometé den matrimonio, i mi a bishita New York un bia so.

Mi tabata tin gana di eksperensha un bida di hende bashí, kloustrofóbiko den un apartamentu na Brooklyn, miéntras mi ta luchando pa drenta den e industria di publikashon komo eskritor.

(Serio? E muhé aki su kabes no ta bon.)

Lo mi por a sèks hopi na New York

(Ohhh….awó si mi tambe a haña gan’i bai New York. ☺)

Mi no tabata kier a kasa promé ku mi yega 30 aña di edat, sinembargo mi a konosé mi kasá ku 23, i mi a kasa ku 26. Lo bai tin remordimentu si bo kasa promé ku bo a plania. Tin aventuranan seksual ku bo mester kanselá òf pone un banda i pa bo biba bo aventuranan di mas grandi bo tin ku inkluí bo partner aden.

Pero pa loke ta trata mi aktual bida seksual, mi desaroyo personal, mi plannan di biahe i mi matrimonio? Mi no tin remordimentu riba nan niun. Mi no tin niun reklamo. Lo mi tuma un bon esposo di karni i wesu kualke dia riba tur sobrá kos.

—————-

Mi ta kere hinter e muhé aki su problema ta ku el a kasa muchu yòn. Kisas e mester a biba su bida un tiki mas tantu promé ku el a kasa. Yen muhé ta kana ku soño di ke kasa yòn, pero hopi bia ora bo drenta matrimonio yòn, ta bin yen ta problema despues pa motibu ku hende yòn ta kens i idiot. Nan kier sa nan sa tur kos, pero nan no sa un dònder!

Mi ta spera e ta kontentu ku su pai, pasó ta yen muhé akifó ta anhelá pa un bon hòmber. E keda lamentá yen kos asina, otro muhé ta pasa habri pia, dal e hòmber pushi den kara, pone lubidá mes ku e ta kasá.

Shon, tene bo papi duru!

Regret marry 5

Fuente: HuffPost

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.