Nòrt Korea ta eksigí un investigashon konhuntamente ku Merka riba e “hack” di Sony Pictures.

Nòrt Korea ta ninga responsabilidat riba e atake sibernétiko ku a sosode resientemente riba Sony Pictures i ta menasa ku konsekuenshanan grave si Merka no duna su koperashon pa un investigashon. Barack Obama a karakterisá e hack aki komo un asuntu nashonal serio.

Esaki ta e atake sibernétiko mas grandi ku Merka a konosé ku por nifiká un inisio di un serie di atake mas.

Sony

Kon e kos a kuminsá?
24 di Novèmber 2014, tur kòmpiuter do Sony Pictures a stòp di traha abruptamente i riba tur pantaya a parese un imáhen di un eskeleto kòrá huntu ku un mensahe ku ta bisa: “ Bosnan a keda di hack dor di guardiannan di pas, i nos lo no stòp te ora Sony keda totalmente distruí”.

E hackersnan a limpia hard drive di Sony, i a kue tur informashon sensibel ku tabata tin riba e kòmpiuternan. Den e simannan despues hopi di e informashonnan a kuminsá sali den publisidat i riba websitenan torrent.

Den e informashonnan tambe ta inkluí numbernan di seguro sosial (Social Security Number) di 47000 empleado i tambe di selebridatnan manera Sylvester Stallone i Judd Apatow. Ku e informashonnan aki ta fásil pa hasi otro aktonan kriminal manera robo di identidat.

[AdSense-A]

Ken ta tras di e atakenan aki?
Segun FBI, e atake a bin di e eskuadron di atake sibernétiko di Nòrt Korea. Esaki ta lógiko tambe debí ku den e datanan di Sony tabata tin un pelíkula kómiko ku yama “The Interview” ku ta ilustrá asesinato di e lider di Nòrt Korea Kim Jong-un, i segun FBI, e atake lo ta un akto di represaya.

Ofisialnan di Nòrt Korea ta ninga e atake, pero a yama e atake un akto hustu i ta aploudí esunnan ku ta responsabel.

Abo lo bisa: Ay, ta tur ora nan ta hack mi kòmpiuter i account di Facebook, pues pa kiko Merka ta hasi tantu drama asina?
Wèl pa kuminsá, gastunan di reparashon di e kòmpiuternan i tambe medidanan pa protehé e empleadonan di Sony lo kosta desenas di mion di dòler, i gastu di e daño total ta laba banda di 100 mion dòler. Aparte di esaki, hopi informashon a keda hòrtá, manera strategianan di e kompania, dilnan ku lo mester a keda será den futuro, i pa kasi 1 luna, e empleadonan tabata wòrdu menasá i terorisá dor di hackersnan anónimo.

Tin tambe dañonan di reputashon, manera informashon ku a lèk den un e-mail kaminda un di e mega produktornan Scott Rudin a bisa ku Angelina Jolie ta un mucha malkriá sin talento. (Ayayai……wèl, si Angelina Jolie tabata pa drumi kuné un dia, aworakí sigur Scott a pèrdè ganga!)

E pelíkula “The Interview” te ainda a keda kanselá despues ku e hackersnan a menasa Sony pa no sak’é. Te ainda Sony ta kumpliendo.

Obama a urgí kongreso pa traha riba un lei sibernétiko ku lo defendé nan kontra atakenan asin’aki den futuro. Tabata tin rumornan si ku e atake lo a bini di White-House mes. Hmm…..interesante!

Awor, presidente di Nòrt Korea ta eksigí Merka pa konhuntamente hasi un investigashon rondó di e atake aki, ya ku Merka (FBI) ta bisa ku e hack a bin di Nòrt Korea ku yudansa di servernan na China.

Segun Kim, si Merka ninga, nan ta sa.

Kim Jon-un

Kim Jon-un

 

[AdSense-A]

 

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.