7 indikashon ku bo amistatnan no ta real!

Awendia a bira masha komun ku hende ke tene nan sirkulo di amistat chikí. Esaki ta bin sosodé despues ku hende ripara kon mièrdè i falsu hende por ta. Usualmente ora kos ta bon, bo no mester hasi nada mashá pa bo ta rondoná ku hendenan ku ke ta band’i bo. Sinembargo ora kos ta malu, bo ta bin mira ku en realidat tin tiki of no tin niun hende pará band’i bo. Esnan ku tabata tei, a ripara ku nan no tin benefisio mas ku bo, pues nan a hala kita.

Tin ora ta difísil pa bo identifiká e amistatnan real aki, p’esei mi ta duna bo shete indikashon ku por yuda bo detektá e amistatnan ku lo bo tin ku studia nan bon, pa asina determiná si nan ta real si òf no.

Real friends1. Pa amistatnan falsu, sèn ta un ‘issue’.
Dos kos ku tin hopi impakto riba komportashon i karakter di hende ta miedu i hamber pa kos (material i/òf sèn). Un persona ku tin hamber pa material òf sèn (na ingles ‘greedy’) hopi bia ta rondoná su mes ku hendenan ku por yud’é yega na material òf sèn. Si awe bo tin, e lo ta bon ku bo. Si mañan bo no tin, bo por imaginá bo ku e lo no tin niun benefisio mas ku bo.

Ademas di esaki, tin hendenan ku sierto tipo di pensamentunan ku kisas no ta kuadra ku di bo. Por ehèmpel si abo ta un persona ku ta uza bo sèn mas konsiente, pa entre otro kria i invertí den bo yunan, bo famia, bo kas etc i bo tin amistatnan ku ta gasta sèn na paña, moda, fiesta, paranda etc, bo tin ku wak si e amistatnan aki ta respetá bo pa e manera ku abo ta skohe pa uza bo sèn. Tin hende ta krea aktitutnan hostil ku bo pasó bo no ta gasta bo sèn manera nan ta gasta di nan. Kisas nan ke bo djòin nan pa bai un fiesta òf komementu ku kisas no ta prioridat pa abo gasta sèn riba dje. Den kasonan ku bo ninga, bo ta bin mira kon poko poko nan ta bin distanshá nan mes fo’i bo. Bo por kuminsá na pensa ku riba tèrmino largu e amistat ei ta bin kaba na nada.

“Real friendship never cares for money, beauty, richness, familiarity, education or employment. It only wants a caring heart for sharing a heart.”

2. Amistatnan falsu no ta kumpli ku nan palabra.
A bira normal pa hopi hende ku nan ta benta palabra den laira pa laga bo sinti bon, pa hasi bo kontentu pa un ratu i pa kishikí bo orea. Ta masha fásil pa hende papia kosnan bunita, pero difísil pa nan mantené nan mes na nan palabra. Un ehèmpel ta amigunan ku ta bisa bo ku nan ta sostené bo den tur kos. Pero ora bo bira lomba wak bo tras, bo ta ripara ku ta bo so tei pará. Na ingles nan ta bisa “Talk is cheap”. Palabra di bèrdat ta asina barata ku hende ta duna bo nan na granèl. Pero akshon si ta ketu. Amistatnan real no ta keda na palabra so. Sino nan ta kumpli tambe. Ta akshon ta duna palabra balor. Palabra bashí ta simplemente bai ku bientu.

“Magic trick: to make people disappear, ask them to fulfill their promises.”

3. Amistatnan falsu nunka no tin tempu p’abo.
Un esküs ku hende gusta uza awendia ta ku nan ta hopi drùk. Laga mi pone mas nechi posibel: E ko’i ta ‘bullshit’. Si di bèrdat bo tin interes pa hasi algu. sea bo ta traha tempu p’e, òf bo ta traha tempu p’e. Pa un hende ku bo ta konsidera bo amigu of amiga, no ta eksistí ku bo ta “muchu drùk”. Si un amistat di bo konstantemente ta keda bisa bo ku e ta hopi drùk, uzando esei komo esküs pa indiká ku e no tin tempu p’abo, kisas ta tempu pa bo reevaluá e amistat ei. Prinsipalmente ora ku abo si semper a sòru pa traha tempu pa e amistat ei, ora ku e tabata tin mester di bo. Amistatnan real semper lo tei pa bo. No ta eksistí esküs.

“No matter how busy you are, or how busy you think you are, the work will always be there tomorrow, but your friends might not.”

Real friends 2(Esaki no ta nifiká si ku hende mester ta 24/7 na bo disponibilidat pasó bo tin kier. Tin e tipo di hende na’i tambe. Si bo rabia ku hende i kibra komunikashon pasó e tin dos dia sin buska bo drechi, kisas t’abo ta e amistat falsu.)

4. Amistatnan falsu no ta interesá den bo lucha, solamente bo logronan.
Den bo bida bo mester a yeg’i topa hende ku ta keda pretendé ku bo tin yen sèn, pa asina sea nan logra ku bo ta paga òf kumpra kos pa nan, òf pa asina bende bo lòt, òf kualke kos pa nan benefisio. Aunke pa sierto hendenan e por ta zona great ku hende ta pinta bo finansieramente eksitoso, pero kuantu di e hendenan aki di bèrdat ta preokupá pa bo situashon finansiero?

Si bo ta un persona ku a perde tur kos i bo ta buskando trabou por ehèmpel, mayoria di bo amistatnan ta solamente puntra si bo a haña trabou kaba òf no. Pero kuantu di nan ta yuda bo buska tambe? Kuantu di nan ta bèl bo puntra bo si abo òf bo yunan tin mod’i kome òf laga?

Amistatnan real konosé tantu bo logro komo bo retonan i nan tei pa bo i ta ku bo durante momentunan ménos agradabel, i no pa loke bo poseshonnan ta laga bo aparentá di ta.

“If someone has been there for you through thick and thin, find a way to fix your problems with them because they’re worth holding onto.”

5. Amistatnan falsu semper ke ta mihó ku bo.
Tin amistatnan ku ta solamente uza bo pa nan por tapa nan inseguridatnan. E hendenan aki semper ta puntrabo kiko bo tin òf kiko bo a logra, pa asina nan por bisa bo kiko nan tin mas ku bo. Nan ke sa kuantu sèn bo ta gana, pa asina nan bisa bo ku nan ta gana mas ku bo. Nan ke sa kuantu bia pa aña bo ta bai ku fakansi, pa asina nan broma riba bo kuantu bia nan ta bai ku fakansi. Nan ke sa kon grandi bo kas ta òf kuantu kos bo tin, pa asina nan keda kompará i sòru pa semper nan ta mihó ku bo. Nan interes no ta pa sa kiko bo tin òf laga di tin, tur loke nan ke, ta pa sinti ku nan ta òf tin’é mihó ku bo. Esaki ta únikamente i simplemente pa tapa inseguridatnan ku nan tin miedu pa dil kuné.

Amistatnan real no ta hasi e tipo di komparashonnan aki. Nan ta kontentu ku loke sea ku bo tin, basta abo ta kontentu kuné, i loke nan tin, nan ta mas ku dispuesto na kompartié ku bo!

“Fake friends want to see you do good, but never better than them. Real friends share victory together!”

6. Amistatnan falsu semper ta riba drama.
E hendenan aki semper tin un redu di konta bo òf malu di papia di un òf otro persona. Semper nan ke konta bo kiko otro hende a hasi òf laga di hasi. Kual mester únikamente laga bo hasi e siguiente pregunta: Tras di bo lomba nan lo ta hasi redu riba bo?

Generalmente ora hende ta insatisfecho ku sea nan bida òf nan kurashi pa purba algu, nan ta buska redu di hende pa sa. Prinsipalmente ora hende frakasá den algu, pa nan esei ta bira nan tópiko di dia. Esaki ta pa nan kompensá pa nan falta di kurashi di purba. Prepará bo pa dia abo logra algu ku nunka nan no tabata tin kurashi di purba.

“Who gossips to you, gossips about you.”

Real friends 3

7. Amistatnan falsu lo tene bo abou òf hinka bo den kaminda robes.
Pa motibu ku hende ta simplemente kompliká, bo por topa bo ku hendenan ku no ke mira bo logra kosnan positivo den bo bida. E motibunan por ta diferente, pero tur tin di haber ku nan inseguridatnan. Kisas nan tin miedu ku boso amistat lo kibra si bo logra un trabou nobo por ehèmpel. Kisas nan tin miedu ku bo lo logra kosnan ku nan no tin kurashi pa purba hasi. Niun amistat real lo no pone bo kuestioná bo desishonnan pa nan inseguridatnan. Al kontrario, nan lo ke mira bo felis, nan lo ke mira bo logra bo soño i bo metanan i nan lo sostené bo 100% den tur bo reto i bo logronan. Si bo tin amistatnan ku di un otro forma ke tene bo òf wanta bo abou, òf kisas asina ke hinka bo den kamindanan robes, kisas lo bo tin evaluá laso ku e amistatnan aki si bo ke krese den bida.

“To be happy, you must let go of all the negative beliefs, emotions and people that are holding you back in life”

Ta importante pa bo wak den bo mesun persona e mesun karakterístikanan aki. Ta ilógiko ku bo ta buska e karakterístikanan di e bon amigu, kaminda bo mes no tin nan. Pasó hende ta asina. Nan gusta mustra dede riba hende, lubida ku tin tres dede ta mustra riba nan!

Despues ku bo analisá bo amistatnan, kisas lo bo bin ripara ku bo no a sobra hende den bo sirkulo. Esaki t’e motibu prinsipal ku hopi hende ke drai ‘Solo’. Lamentablemente esaki no ta posibel. Hende mester di hende. Anto lo bo sinti bo great si bo tin maske ta un hende ku bo por konfia riba dje i ku bo por ta trankil ku e persona aki lo no laga bo na kaya.

Amistatnan real ta keda ku bo “no matter what”. Sea tin Tsunami, Warwarú, Orkan, Volkan, El Niño, La Niña, La Viuda, Guera Mundial òf kualke apokalípsis, nan lo keda ku bo te n’e último momentu.

“We Ride together, We Die Together.”

Real friends 4

Fuente: Addicted to Success

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.