Doñonan di pòmp ta man na kabes awor ku gasolin i diesel ta baha!

Reading Time: 2 minutes

Segun informashon ku gobièrnu a emití, entrante 30 di desèmber próksimo, gasolin ta baha ku 20 sèn pa liter i bai para na 1.82 pa liter. Diesel ta baha ku 17 sèn i bai para na 1.61 pa liter.

pompstation

Esakinan tin doñonan di pòmp ku man ta kabes pasó nan no ta kòrda ta kon ta baha e preis bou di 2 florin den nan sistema. Pa masha hopi tempu ta djis e 2 sifranan tras di e koma nan a keda kambia. Awor tin ku baha e preis bou di 2 florin. Pero no preokupá. Nan ta buskando e fórmula.

Outomobilistanan si ta yen di entusiasmo. Porfin tènkmentu ta bai bira un eksperensia plasentero. Awor bo por hinka e “nozzle” den bo tanki di outo, i sikiera bira rònt kòmbersá un ratu miéntras e outo ta yena ku gasolin.

Tur hende ta kòrda kon ántes bo por a bai pòmp di gasolin, kuminsá tènk, i miéntras e pòmp ta basha,  bo ta bai den outo bai pasa un gamus riba bo “dash-board”, limpia bo winshil, saka algun pròp for di den outo benta afó, etc.

Despues ku e preisnan a bira karu, no por hasi esei mas. Ni maske kuantu sèn bo kumpra na gasolin, ta manera e kuminsá pòmp, e ta stòp bèk.

Ya kaba algun outomobilista a bai drecha nan èrko di outo ya asina nan por kuminsá kore den èrko atrobe despues di hopi tempu. Algun hende a kuminsá yama nan famianan, bisa nan ku e aña aki si nan ta pasa hasi bishita, plùs trese un regalito chikí, paso porfin nan ta sobra sèn den saku.

Kòrda semper ku tin hende ku ainda no tin, ke men, kòrda yuda otro hende kaminda bo por!

Preisnan di gas, koriente i awa.
Preisnan di gas ta keda meskos. Preisnan di awa i koriente ta keda adaptá entrante yanüari 2015. Tarifa di koriente ta baha ku 0.0148 sèn pa kWh pa uso te ku 250 kWh. Tarifa di awa ta baha ku 0.0672 pa m3 pa uso te ku 9m3.

[AdSense-A]

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.