Jandino heeft me gewoon in de straat gelaten!

Nunka bo no sa haña gana di hasi algu di bon kurason pa komplasé un hende? Awèl, awe Ydellienne Heerenveen, un yùfrou masha agradabel i amikal mes, a hasi aña, anto su deseo ta p’e bai wak show di Jandino Asporaat titulá ‘Hoe dan ook’. Ya komo el a pidi na un manera masha lif mes, mi a primintié ku mi ta wak dos karchi pa nos bai.

Pa esnan ku no sa, ami ku Jandino a krese huntu den e bario di Buena Vista. Fo’i chikí nos tabata kore baiskel huntu pariba pabou. Anto hopi hende ta bisa ku nos parse otro, pero ami no ta haña. Ami no sa kana hari pa prèt asina. Nos fam tambe pa kolmo parse otro (Asporaat i Spratt). Semper m’a pensa ku tabata tin un bulament’i waya un kaminda, anto nan a kònkel e famnan pa e bèrdat no sali na kla.

Hoe dan ook 1Esaki en todo kaso ta un bon chèns pa mi bai sostené un bon amigu di mi.

Mi a puntra algun persona na unda ta bende karchi. Nan a bisa mi ku Albert Heijn sigur ta un, anto Mensing’s Caminada tambe. Ya komo mi tabata den e área pariba, m’a bai Albert Heijn bai wak dos karchi, pero segun mi e hende nai nan kabes no ta bon. M’a sali purá fo’i Albert Heijn bai Mensing’s Caminada. Pero parse ku ta asina mes e kos ta. E shon a kobra 150 florin pa dos karchi. Ami a puntra e shon di ta Pre-show di Nort Sea Jazz e ko’i ta. Nan a splika mi ku ta asina e preis ta.

M’a bira yama Jandino mesora, Jandino ta bira kue telefon:

“Ja, Hallo, Goeie Middag?

M’a kontest’é: “Hey Dino, Kua goeie middag kiko sua. Tende ki mi ta bai bisa bo aki. M’a bai wak karchi pa bo show ‘Hoe dan ook’ dal den duru aki. Ta di unda b’a sali ke ‘twee halen, vier betalen promotie’ aki? Ami no tin sèn pa paga e ko’i sua!

Jandino ta bira bisami: “Ja, dan moet je gewoon thuis blijven anto basilá riba FC Kip dan.”

N’e momentu ei mi a kuminsá bira falsu riba dje, m’a bira bis’é:

“Bo ta kere ami bo ta bisa e ko’i? Ami ku semper tabata tei p’abo? Ami ku semper a sostené i yuda bo na Kòrsou aki? Eigenlijk bo mester laga mi drenta pòrnada mes. Regel un ko’ speshal p’ami por bai ku un leuke chick noh?”

Jandino a bira kontesta: “Ei sua, nu woon ik un Europa koño. Nu moet ik alles in Euro’s betalen. Ke men paga bo kos kompletu figo figo bo bin enjoy, òf warda un aña, mi ta upload e riba youtube p’abo. Mi ta poko drùk aki tambe, ke men si bo logra keda kla, app mi, sino blijf thuis k’e chick gewoon mati.”

Asin’ei e yamada a terminá. Ke men Ydelienne, ku doló den mi kurason mi tin ku bisa bo ku mi no por kumpli ku loke mi a primintí. Si bo ke mi por download un par’i Dino Show fo’i Internèt pone riba DVD pa bo wak na kas riba ‘surround sound’. Si bo ke mi por añadí un saku di popcorn aserka, anto un Cola!

By the way……Happy Birthday Girl!

Happy Birthday

(Esaki ta un historia fiktisio i no ta basá riba realidat. E úniko parti ku ta bèrdat ta ku Ydellienne di bèrdat a hasi aña awe, anto e tin ‘hapje en drinkje’ pa tur hende na su kas awe :D)

 [Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.