Di e forma aki mi a pèrdè mi último trabou!

Reading Time: 3 minutes

E hendenan ku konosé mi sa ku mi ta un èks-polis ku tabata traha mi trabou serio i trata tur hende ku rèspèt. Mi a traha sinku aña komo polis promé ku mi a pèrdè mi trabou pa un simpel ko’i kèns!

Cop storyRiba un dia koriendo den tráfiko den oranan lat di anochi riba trabou, mi a tuma nota ku un outo BMW pretu a pasa den lus kòrá. Mi a pega mi ‘zwaailicht’ i duna e outo instrukshon pa para. E outo a hala kantu di kaminda, i mi a baha for di mi outo kana bai serka e persona. Mi a ripara ku tabata un mener den kamisa ku dashi bistí, pero ami tabata un polis ku ta trata tur hende ku mesun rèspèt, no opstante di nan aparensha. Segun mi a pone mas tinu, mi a ripara ku tabata un abogado hopi konosí na Kòrsou aki i ku ta(bata) aktivo den e arena polítiko!

Mi a bisa e mener bonochi i a pidié pa su reibeweis i papelnan di registrashon. E mener ku aparentemente lo tabata sintié mas ku tur hende, ku un airu a kontesta mi “Pa kiko? Bo sa ken mi ta tòg?”

Mi a splik’é ku ku si mi sa ken e ta òf no, no ta relevante. Echo ta ku el a pasa den lus kòrá enbes di stòp i pa e motibu ei mi ta pidiendo su reibeweis i papelnan di registrashon! E abogado a kontesta mi “Mi a slow, wak ku no tin outo ta bini, i ya komo no tabata tin outo, anto ta lat den mardugá, mi a sigui kore.”

Mi a hala un rosea profundo, pasó mi no ta hende ku masha pasenshi ku tipo di hendenan asina’ki, i mi a splika e mener abogado: “Na momentu ku bo yega un lus kòrá bo tin ku stòp. Nada otro. Awor mener por ta asina bon di fia mi bo reibeweis, i papelnan di registrashon?” E abogado di un forma prepotente a bisa mi: “Bo sa, mi tin bon beis awe. Si bo por mustrami e diferensha legal entre stòp i bai mas slow, mi ta duna bo mi reibeweis i papelnan di registrashon i bo mag di duna mi un but”. Mi a pensa pa dos sekònde i mi a bis’é ku mi ta bai di akuerdo.

Mi a pidié pa baha for di outo un ratu. Na momentu ku el a baha, el a baha ku bòshi stail, ta drecha dashi, i para manera ta un hende sumamente importante e ta. Mi a keda wak e, saka mi klòp i kuminsá hart’é ku sla. El a kai lora abou keda grita, mi a batié i keda hart’é ku sla. Dado momentu mi a puntr’é: “Bisa mi….bo ke mi stòp òf bo ke mi bai mas slow?”

Di e forma aki mi a mustra e abogado e diferensha legal ku e tabata kier a mira, anto di e forma aki mi a pèrdè mi trabou tambe!

(Esaki ta un historia fiktisio. E no ta basá riba realidat!)

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.