Ideanan magnífiko ku lo hasi Campo Alegre un atrakshon pa tantu hòmber i muhé! (Parti 2)

Reading Time: 12 minutes

Siman pasá nos a publiká e promé parti di resultadonan di e enkuesta riba ideanan magnífiko pa improvisá servisio di Campo Alegre. Mi a hasi diferente pregunta na diferente dama i kabayero. E kontestanan tabata hopi kayente! Si bo no a lesa e promé enkuesta, klek aki pa bo chèk e.

(Kòrda registrá i duna bo kontribushon di solamente 5 florin pa luna, pa bo haña akseso kompletu na tur kontenido di CuckooPress. Klek aki pa mas informashon!)

Awor nos ta bai sigui ku e di dos parti di enkuesta di Campo Alegre. (Atvertensha, e kontestanan ta ‘hot’ i no sensurá!)

Un prostituta ta kobra 50 florin pa 30 minüt di plaser, i pa dia nan ta haña un promedio di 8 kliente. (No puntra kon bin mi sa. Mi ta buska tur kos pa sa.)

Un prostituto maskulino lo no por hèndel 10 kliente riba un dia riba forsa natural. Bo dun’é viagra bebe tur dia, su kurason lo kanta wèlga kualke dia riba bo klientenan, i esei por duna bo negoshi mal nòmber! Ki preis un prostituto lo mester kobra mínimo pa 30 minüt?Anto ki regla lo bo pone pa evitá ku bo klientenan femenino ta keda desapuntá, rabiá i frustrá ku e servisio di e prostitutonan?

Kontesta di e respondentenan maskulino tabata lo siguiente:

1. “Mirando ku un hende muhé por hunga asta 15 bia pa dia, mi lo sinta ku nan i alabes promé ku esei investigá kuantu ta e máksimo ku un hòmbu por bai pa dia i ki manera natural tin pa pone nan yega un mínimo di 6 hende pa dia.”

(Seis hende pa dia? Ta mata mes bo ke mata e putonan anto?)

2. “Ya lo mi buta e preis na 35,- i lo mi buta komo regla pa lokual e hende pidi bo, bo tin di hasi p’e pa lag’é sintié bon.”

3. “Ami lo a kobra un tiki mas (Fl 65,-) anto nan ta haña 30 minüt, pero bèrdat e hòmber lo no por hèndel 10 kliente. Pero a lo ménos e ta traha mas sèn.”

4. “80/90 florin, ku kada ken bou di nan mes responsabilidat.”

5. “Mi ta haña e preis ta bon manera e ta.”

6. “125 florin pa 45 minut. Mi no ta para responsabel p’snan ku priña. Anto si bo ke un servisio estilo VIP ta 200 florin pa 45 minüt.”

7. “E mester por bai 2-3 bia ke men e preis lo bai para na 100 florin pa mei ora. Regla? Hmm e ta inkluí ‘cuddle’ te ora e minütnan pasa.”

8. “75 florin pa mei ora, anto nan ta duna masashi erótiko tambe aserka aparte di e sèks.”

9. “Tres kliente pa dia i mi ta kere kada kliente 2 ora i mei. 125 florin pa kada kliente i 1 biaha sèks, sobrá ora ta ‘strip’, usa kos falsu, kome riba e kondon speshal etc. Laga ora pasa.”

(Mi ta kere esaki lo ta ideal.)

Campo dos 1Kontesta di e respondentenan femenino tabata lo siguiente:

1. “65 florin pa 1 ora abase di 6 kliente pa dia. Nan por bai e asta ku muhé si nan ke pagando un poko mas, òf 2 hòmber pagando algu mas.”

2. “50 florin, i e regla ta simpel: mi prostitutonan tei pa satisfasé abo ku ta hasi uzo di dje, pues nan NO mester bin. Abo kual ta e kliente ta sentral, pues abo ku ta kliente mester bin i wòrdu satisfasé!”

(M’a gusta su regla.)

3.”Pa mi atraé mas hende muhé lo mi sali pone un preis atraktivo di mas o ménos 25 florin pa 30 minüt.”

4. “100 heldu. E mester por hunga 4 muhé si riba un dia i sòru pa mas entrada. Anto e prostituto mester ta entre 18 pa 40 aña. Prostituto no mag hunga otro kaminda. E mester keda eiden 24/7/365. E no mag bati puñete tampoko. E no mag ta gordo ku barika ta stroba patin. E muhé ta paga pa stail ku e ke e hòmbu kué. Mas akrobasía mas sèn hahahahaha, e hòmbunan mester ta karga bon patin si no ko’i hunga pishi bamba.”

5. “E prostituto lo kobra 75 florin pa 30 minüt pa ‘the basic things’. Si e muhé tin un deseo seksual òf e ke algu èkstra, e ta bira 100 florin pa 45 minüt.”

6. “Ami lo kobra 100 florin pa seshon, ku lo konsistí di hopi masashi, ‘voorspel’, un ‘do-what-you-want time’ den kual e kliente por hasi loke e ke prostituto pa 5 minüt mas o ménos.”

7. “Ami lo a bende pakete. Kisas un ‘boyfriend package’ ku masashi, par di ‘drinks’, pelíkula i finalmente sigurá ku e dama ta haña un mei ora di sèks ku plaser oral sigurá. Pero ta dependé kiko nan ke. Kisas un ‘sexy dance package’, ku ‘long dance foreplay’ etc, i kisas un’ fast package’ ku mesora sèks pa 30 minüt largu. Di mes ta dependé di e gainan ku ta traha eiden. Lo tin hende muhé ta bin djis pa wak show etc. E regla lo ta ku un orgasmo no ta garantisá. Si e pasa yeay, anders niet. Alles gewoon op de tijd. òf nan mester kumpra e ‘all night special’.”

(E shon aki ta mané un eksperto den e área aki hòmbu…..yen tèrminologia sofestiká.)

8. “Mes un 50 florin.”

9. “Hopi difísil pa kontesta, un hende muhé por ‘afford’  bin 8 biaha mas tantu ku hende hòmber den 30 minüt. Hende hòmbu tin mai haña ataka den lat i bira delegá.”

(Ko’i sokete.)

10. “Hmm….ku ami sa hende hòmber ku ta hasi e kos ei ta uza diferente kos. Nan ta huntu kos na nan pénis pa e keda pará i pa nan no bin lihé. Nan por sèks henter anochi sin bin, pasó ta e or’ei nan ta pèrdè forsa. Anto no ta e tin ku bin tampoko, nan ta hasié pa komplasé e muhé. Sèks nan tur stail, hasi tur sorto di kos ku nan pa e muhé sinti dushi i bin. Pues pa ami preis i tur kos lo keda mesun kos.”

11. “Bon pregunta. Mi no sa mes kuantu e hendenan aki ta kobra. Mi ta suponé esnan mas yòn mester ta mas karu.”

12. “100 florin pa mei ora.”

13. “Preis pa 30 minüt lo por ta 70 florin.”

14. “Difísil pero tòg fásil. 90 florin ta normal pa un ‘male prostitute’. Asina e ta keda tòg al márgen mesun tantu ku un muhé e lo no por bai tòg pero e ta yega ‘aardig in de buurt’. Viagra? Hmm ‘niet handig’ pasó e ta bai oranan largu anto e no yega su márgen. Pues kome bon balansá salú, no huma, bebe sosial òf no bebe ‘at all’”

15. “Mei ora no ta yega ami! Pues esei mester subi i e preis por ta 80 florin pa ora. Kòrda ta e muhé ta paga pues ta e mester keda satisfecho ku un bon chupá, hungá tur manera. Mester bin mínimo 2 bia.”

(Mi gusta un muhé ku sa kiko e ke….dushi òm.)

Campo dos 5Ki inovashon (kos nobo) lo bo trese pa e ‘resort’ den su totalidat pa asina e bira un atrakshon turístiko eksótiko erótiko úniko na Kòrsou i hinter Caribe?

E respondentenan maskulino nan ideanan ta lo siguiente:

1. “Ami ta pensa ku si bo traha e opshon pa un ‘outdoor Yakuzi’ pa kada kamber i asta ‘outdoor sex’ pero privá pa kaba kamber. E lo por atraé mas persona, pasó esei lo hasié úniko i alabes lo hisa deseo pa uso di bo Resort mas tantu. Komo doño lo mi sòru pa e yakuzinan ta limpi tur ora. Lo bo mira e fruta.”

2. “Bai traha ‘package’ di estadia pa siman òf un expo tur aña invitando artistanan di pòrno pa atraé mas hende.”

3. “Bini ku un servisio na unda bo por drumi ku mas ku un muhé pareu pa un preis spesial. Tantu hende hòmber tin e deseo seksual ei pero na Campo e no ta mesun kos.”

4. “’Sex party’. Un sala ku hòmber i muhé por drenta, esnan ku ke por wak, pero tur hende mag chinga ku otro hehhehe.”

5. “Hmm traha kamber spesial stail di ‘japon’ pa kada aktividat. Pues pa esun di mas sòft te esun di mas brutu i prufiá.”

6. “Pone bailarina nan ku ta ‘twerk’ estilo di Brazilero òf Hamaikino, anto den bar ta pone muhénan kana den bikini.”

7. “Ami ke p’e ta mané St.Maarten. Drenta e resort, tur muhé ta baila ku hòmbu lanta kos. No ku bo tin ku kana bai buska nan na kamber, i nan no ta hasi nada ‘hot’. Blo keda pidi sèn ku kos.”

Campo dos 3E respondentenan femenino nan ideanan ta lo siguiente:

1. “Kuminda, weganan ku premionan erótiko, ‘day pass’, ‘gift card’, ‘VIP men section + girls section’! ‘Bachelor and bachelorette celebration room and service package’.”

2. “Big party’s”

3. “Lo mi pone por ehèmpel un kasino, pone algun ‘bubble bad’ aki aya, traha un pisina bastante grandi, pone un sauna, kaminda pa tuma un masashi erótiko, (baha strès di tur mi kliente nan), traha pista di baile kaminda tur hende por baila i gosa despues òf promé ku nan wòrdu satisfasé.”

4. “’Show stripper’ pa muhé. Hür kamber stail di Chino pa bai ku bo mes hòmber òf muhé, i sekshon pa masashi erótiko.”

5. “Yacuzi (esei lo subi e kosto pa servisio tambe).”

6. “Habri un ‘winkeltje’ pa bende aparatonan pa usa , òf tambe un sexoloog einan, òf tambe un tienda di lingerie, ‘workshop’ i lès di masashi erótiko .”

7. “Muhé i hòmber nan ku sa ‘strip’ na drechi i profeshonal. Pasó sèks tur por, bo no mester ta profeshonal solamente tin mal astusia. For di e ‘landscaping’ di e parkeerplaats i entrada mester di un bon ‘makeover’. E trahadónan (no e prostituta nan) mester ta uniformá i representabel.”

8. “Kisas muhénan di otro nashonalidat, i kisas kada luna un tema òf algu asina, ku un fiesta ku un tema. Kisas un ‘parenclubnacht’? ‘Midgetnight’? hahah mi no sa, pero lo tin tantu opshon.”

(Midgetmight? Whahahahaaaa)

9. “Lo mi pone ‘flyers’ na diferente hotèl pone nochinan manera nan sa pone na mambo òf Cabanna echt kos pa trese turista den mi lugá i e bar i restorant lo ta bon di stòk. Shownan hinter dia no anochi so!”

10. “Hhmm, ya mi ta kere ku pa sierto motibu ta algu ku mester keda poko privá. Pero kada sierto tempu pone un bon fiesta eiden ku bailarin i artistanan lokal etc i ku hòmber i muhé por drenta.”

11. “Bin ku ‘male stripper’ leuk i buta mas aktividat por ehèmpel bandanan lokal.”

12. “Hasi mas aktividat ei den. No mester ta djis sèks so.”

13. “Drag queen contest”

(Ki baina ta un Drag queen contest?)

14. “Si mi bisa bo mi konsepto nos por bira concucollega right?! :p”

(Kiko kolega? Mi no sa kiko esei ta, pero e ta zona sèksi, pues ban k’e dil numa :D)

15. “Kisas buska trahadó di otro nashonalidat aserka ku no ta latino.”

16. “E prostituta/o nan mester por hasi aktividatnan, manera ‘bootcamp’, podisé party ‘flyers’ den suidat, ku shirt di Campo.”

 17. “Hmm, pone mas hòmber i mas muhé ei den, kambia nan regular. Organisá fiesta eiden. Di mes hende ta bira kaweta pa wak mas kos. Kisas propagandanan di sèks. Pone un ‘sex shop’ amplio (ku swing etc).”

campo dos 4

Komo hende muhé, abo mes lo bishita Campo Alegre pa sèks si e tabata tin un sekshon pa hende muhé? Si ta “Si”, splika dikon si. Si ta “No”, splika dikon nò.

Riba e kontesta aki ta hende muhé so mester a kontesta. Pero un respondente maskulino tòg a haña gana di kontesta lo siguiente:

“Bon ya komo un fantasia pa kumpli si lo mi hasié pero despues no mas.”

(Awèl si)

Di e muhénan ku a kontesta “Nò” nan motibunan tabata:

1. “No, pasó e no ta nesesario pa mi.”

2. “No. Mi ta preferá un hòmber akifó maske ta di hende. E tin partner fiho maske no ta unu so. Pero den Campo ta mitar Kòrsou e ta kue. Pasó ta yen ‘bitch’ frustrá mester di patin anto pa pòrnada hopi hòmbu lo ke kué nan.”

3. “Di punto di bista awor aki, nò. Pasó mi tin mi ‘vaste sex partner’. Pero ya, bo no sa nunka ki destino por bin kuné.”

4. “Kisas ántes, awor no mas. ‘I can get it everywhere.’ Si mi tin un leon ku ke hunga ku mi plùs ami ke hunga kuné pa kiko bai paga den Campo?”

5. “Wèl. Mi no ta kere lo mi bai pa sèks. Mi ta bai ‘have fun’ wak e ‘stripper’ nan tira pari papel di un dòler pa nan (hihihih) pero pa bai paga pa sèks, ‘Nope’.”

6. “Nò, eeewww, ki mi ta hasi ku un hòmber ku ta pasa riba yen muhé. Yuck!”

7. “Nò. mi tin un lista largu di hòmber ku lo mi por haña yuda mi grátis.”

8. “Ai nò ki delitu mi tin.”

9. “Nò, pasó sèks pa mi ta hopi mental tambe, i di dos, lo mi tin bèrgwensa pa hende wak mi.”

10. “Nò! Ami lo no sèks ‘zomaar’ ku un hende straño. Che, e no ta bai. Pa mi sèks ku un hende, mi mester ta sinti algu pe. Sino mi tambe ta bira un prostituta pero un ku ta paga pa tene relashon abhahahahha. Iewggg!!!”

11. “Si i nò. Si ta un lugá apart pues na un otro sitio si. Nò pasó maske ta sekshon apart tòg e ta keda mes lugá i hòmber gusta redu.”

Campo dos 7Di esnan ku a bisa “Si”, nan motibunan ta lo siguiente:

1. “Un peiki soltero sin un ‘sex partner’ mester por tin un kaminda pa e tambe baha su gana.”

2. “KLARO, mi ke men ta hende mi tambe yama.”

3. “Kompolaga ….mi no tin pareha , y mi no ta mira ku lo tin kambio den esei. Basta e ta ‘safe’, mi ta paga pa mi atenshon sin haña mi ku problema pasó ta hòmber di hende òf algu asina.”

4. “Si mihó eiden kaminda nan ta wòrdu kontrolá kontra tur enfermedat ku pafó i ora mi sali for di eiden niun hende pa keda bèl puntra unda mi ta, bo mes sa, stail di e disko.”

5. “Si, lo mi hasié pasó mi no tin hòmbu i mester tene komèr kontentu.”

6. “’Yes’! Mi ta divorsiá sin kompromiso. Pa haña un hòmber akifó ku ta na tinu pa djis satisfasé mi set di sèks ta difísil. Pasó kere mi, ami no mester di un hòmber den mi kas. Mi kier djis ‘e lusten maar geen lasten’.”

7. “Si. Mi gusta aventura. Mi lo por asta bai ku mi partner i skohe un gai eiden ya nos por tene un trio.”

(E muhénan aki ta brabu.)

Asin’aki nos a yega na final di e enkuesta. Mi ta spera e tabata mesun informativo i edukativo p’abo ku e tabata pa ami. Dado kaso e hendenan a lanta bo speshi ku nan komentario, no preokupá bo. No ta di bo so a lanta!

Campo dos 6

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.