Dikon tin mas hende muhé ta haña Alzheimer kompará ku hende hòmber?

Reading Time: 4 minutes

Nan ta bisa ku tur problema di hende muhé ta pa falta di hende hòmber. Por ehèmpel: “MENstruation”, MENtal breakdown”, “MENopause”. Awor parse ku hopi hende muhé  tin un problema mas ku no tin nada di haber ku hende hòmber. Esei ta Alzheimer. Alzheimer si no ta kuminsá ku “MEN”.

Hinter e luna di Yüni tabata “Alzheimer Awareness Month”, anto sientífikonan ta studiando e motibunan pa saka afó ta dikon tin mas tantu hende muhé ta haña Alzheimer kompará ku hende hòmber.

Women Alzheimer 2Mas ku dos tersera parti di merikanonan ku tin Alzheimer ta hende muhé. Sientífikonan ta puntra nan mes si esaki ta pa motibu ku hende muhé tin mas chèns pa haña Alzheimer, òf pasó muhé ta biba mas largu ku hende hòmber?

Den un estudio resien di Alzheimer Association, na edat di 65 aña hende muhé tin 1 riba 6 chèns pa haña Alzheimer. Serka hende hòmber e ta 1 riba 11. E parti difísil ta pa saka afó si esaki ta pa motibu ku hende muhé ta biba mas largu ku hende hòmber.

Segun profesor di University òf Southern California, Roberta Diaz Brinton, edat ta e faktor di mas grandi pa desaroyo di Alzheimer, anto hende muhé ta biba ku un promedio di kuater pa sinku aña mas largu ku hende hòmber, anto nos sa tambe ku Alzheimer ta kuminsá 20 aña promé ku e keda diagnostiká.

Brinton ta investigando ku si menopousa ta hasi e muhénan mas vulnerabel pa Alzheimer. Tin evidensia ku unabes Alzheimer keda diagnostiká, serka hende muhé e ta desaroyá hopi mas lihé ku serka hende hòmber. E seleber di e hende muhé ta redusí di tamaño hopi mas lihé.

Investigadónan di Stanford University a saka afó ku hende muhénan ku tin e gene “ApoE-4” den nan kurpa, kual ta un gene ku ta subi riesgo di Alzheimer, tin dos bia mas tantu chèns pa desaroyá Alzheimer. E motibu no ta presis muchu kla. Kisas ta e forma ku e gene aki ta interaktuá ku e hormona estrogen.

Informashonnan di un otro estudio ta sugerí ku hende hòmber ta muri di malesanan di kurason promé ku nan yega edat di 65. Anto esunnan ku no a muri, probablemente tin un kurason den bon estado, kual ta proveé protekshon kontra di Alzheimer. Otro faktornan manera obesidat, kolesteròl, diabétis, i tur kos ku ta hasi daño na e arterianan ta subi rísiko di Alzheimer.

Women alzheimer 1Dor di menopousa, e hende muhé su kurpa no ta produsí mesun tantu estrogen. Algun muhé ta tuma terapia di estrogen pa pone mas balanse den nan kurpa, pero parse ku e terapia aki despues di edat di 65 tambe ta subi rísiko di Alzheimer.

Alzheimer no ta kuminsá ku MEN, pero den un komentario un persona a skibi ku hende muhé ta haña Alzheimer pa hende hòmber su falta. Ke men tòg e hòmbernan no a skapa!

Si hende muhé tin mas chèns di haña Alzheimer ku hende hòmber, kisas ta pasó nan ta pleita muchu. Si e hòmber yega kas lat, ta pleitamentu, si e yega kas trempan, ta pleitamentu. Si e sali su so ta pleitamentu, e keda sin sali, ta pleitamentu. E bisa A, ta pleitamentu, e bisa B, ta pleitamentu. E keda sin bisa nada tambe ta pleitamentu. Anto probablemente ta pa e motibunan ei mes e hòmbernan ta muri mas trempan tambe. E ta kansa di tantu pleitamentu. (Ta ami ta pensa mi kos ya….)

Women problems

Fuente: CBSnews

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.