Bankonan a dal porta sera: krísis oumentando seriamente na Gresia.

Reading Time: 3 minutes

Si bo tabata duda ku e krísis na Gresia no ta algu di gravedat, awor bo ta bai sali for di duda.

Gresia tin un pago di 1.6 bion euro pa hasi na IMF (International Monetary Fund) pa djamars aki. Nan a bisa na vários okashon ku nan NO tin sèn pa paga!. Ami semper a kere ku ta wega nan ta hasi, i ku ta meskos ku Yu’i Kòrsou nan ta, pues ku ta kos pòrnada nan gusta. Pero aparentemente e kos ta basta serio.

Gresia ta na porta di bati bankarota. Djadumingu e merkado di bolsa di Gresia a keda suspendé, bankonan a dal nan porta sera pa 1 siman largu, anto a pone un límite di 60 euro ku hende por lanta for di kahanan di plaka, ya ku bankonan ta kedando sin plaka. Turistanan na Gresia ku tin ku lanta sen pa nan uza, ta man na kabes!

Greece bank 1Pa dos dia kaba tin filanan largu na ATM nan, di hendenan ku kier lanta plaka ku nan tin di spar, kousando krísis i pániko serio. Mashinnan di plaka ta bira bashí den tempu rekòrt. Esaki a kousa ku gobièrnu di Gresia mester a pone un límite di plaka ku por keda lantá. Bankonan lo keda será te ku 7 di yüli, i niun hende no por lanta mas ku 60 euro for di mashinnan di ATM. Ya kaba 60% di mashinnan di ATM ta blo bashí!

Alexis Tsipras

Alexis Tsipras

Promé minister di Gresia, Alexis Tspiras a pidi tur hende pa mantené kalmu. Tur hende su salario, sènnan di spar i plaka di penshun ta ‘safe’. Pero probablemente e Griegonan ta meskos ku Yu’i Kòrsou banda di nan plaka. Mesora nan ta pèrdè kabes bira loko loko!

Greece protest

Miembronan di partido isquierdista protestando na Atenas bisando ku no tin futuro den Union Oropeo!

Djadumingu anochi a pone polisnan di ‘riot team’ riba warda antisipando disturbionan ku por tuma lugá na Atenas.

Presidente Barack Obama a bisa ku Gresia mester bai na mesa di negoshashon urgentemente. Sekretario di US Treasury a sugerí pa Union Oropeo kuminsá kanselá debenan ku Gresia tin.

Dia 5 di Yüli lo tin referèndem pa laga e pueblo skohe riba e programa di reskate ku IMF tin pa Gresia, i resultado di e referèndem aki lo determiná futuro di Gresia den e Eurozona. E minister di Finansa ta pidi e hendenan pa rechasá e plan. Segun e minister Varoufakis, e tèrminonan di e plan ta muchu severo i te na ora ku e pueblo bisa “Si” lo tin problema grave pa ku e boluntat i kapasidat pa apliká e medidanan ku nan ta eksigí!

Awe djaluna tur sobrá hende den Eurozona lo lanta puntrando nan mes si nan plaka ta “safe” den e sobra ekonomianan suak di Eurozona.

Que problema……

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.