Ideanan magnífiko ku lo hasi Campo Alegre un atrakshon pa tantu hòmber i muhé!

Reading Time: 11 minutes

Aparentemente Campo Alegre Resort tin debenan mionario na Gobièrnu di Kòrsou, i tin plannan pa bende e lugá na findishi. Mi a bai puntra mi respondentenan ku si nan tabata un invershonista ku hopi plaka, kon nan lo a modernisá e sentro nokturno aki pa asina e bira un atrakshon tantu pa hòmber komo muhé.

Campo1Di 30 respondente, 21 ta femenino i 9 maskulino. (Tin 2 hende muhé ku sea nan kòmpiuter a pega òf nan a primi ‘submit’ dos bia. En todo kaso mi no ta bai kambia niun sifra di e resultado, pasó ta muchu molèster.)

Bo a yega di bishita Campo Alegre maske ta un bia den bo bida?

Si   17 (57%)
Nò 13 (43%)

Di e 13 personanan ku no a bishita Campo nunka ainda den nan bida, un di nan ta maskulino.

Ami no por komprondé kon un hende ku ta biba na Kòrsou te ainda no a bai e lugá ei. Bosnan no tin kuriosidat? Laga mi puntra nan wak kiko nan ta bisa.

Di esnan ku no a yeg’i bai Campo nunka ainda, mi a puntra nan pa ki motibu nan no a yeg’i bai e lugá nunka ainda. Di e respondente maskulino, su motibu ta lo siguiente:

“Pasó ami personalmente no ta haña ku mi mester paga pa sèks.”

Mi ta komprondé su motibu, pero hopi hòmber ku ta bai Campo no ta bai pa sèks. Bo por paga pa laga nan dunabo un masashi tambe. E ta sali bo mas barata ku kualke Spa. Di e muhénan, nan motibunan tabata lo siguiente:

1. “Mi a yega di bishita tipo di lugánan asina pero den eksterior. Kisas si tur dia e ta aksesibel na dama, lo mi a bishit’é si.”

2. “Mi no a haña chèns paso mi ta biba kasi 20 aña na Hulanda. Dia ku mi tabata na Kòrsou tabata pa un entiero pues mi no a sosialisá mashá. E siguiente bia ku mi bai Kòrsou, sigur sigur mi ta pasa ku un grupo di amiga pasó mi ta super kurioso.”

3. “Mi no a haña un bon chèns pa bai ainda.” (Sto’i frega òm.)

4. “E skema pa hende muhé bai ei den ta muchu ‘tight’. Mester ta mas fleksibel.”

5. “Niun hende no kier a kompaña mi bai ku mi.” (B’a puntra riba Facebook?)

6. “E no a atraé mi, maske a bin ku ‘ladies night’.”

7. “No tin nada pa ami hende muhé ei den! (Kon bo por sa si nunka bo n’ bai?)

8. “No tabata masha interesá.”

9. “Bon ya nunka ami mes a interesá pa bai e lugá ei, pero awor aki yen amigu/a ta papia tokante dje nan a hasi mi mané kurioso.”

10. “Pasobra mi no a sinti e interes òf kuriosidat nunka pa konosé e lugá. Sin ningun bèrgwensa mi por bisa ku e manera ku mi mayornan a kria mi den bista di hopi lo por ta chapo, pero un hende muhé desente no tin nad’i bai buska den e lugá ei. Ku tur rèspèt ku e hende nan ku ta traha eiden (pasó mi no sa pa ki motibu nan ta traha eiden ni mi no ta ken pa husga) mi no ta mira ku e lugá tin postin di niun ‘resort’.”

Campo3Di e respondentenan ku si a yeg’i bai mi a puntra nan kiko nan ta pensa di e ‘resort’. E respondentenan maskulino nan reakshon ta lo siguiente:

1. “E ta mustra ‘cheap’. Falta di ‘cache’. Pa ami e mester ta mas luho.”

2. “Mi ta haña ku e ‘resort’ ta un eksperensia nobo ora mi a bin pa e promé bia. Tin par di kos ta mané bieu pero tòg ta sinti ku bo ta drenta un mundu nobo.”

3. “E ‘resort’ pa mi ta ‘great’ pa bai mira yen tipo di muhé sinta relahá wak show etc.”

4. “Un lugá bunita i tremendo . Bon pa kome dal un ko’i bebe i pasa prèt satisfasé bo mes.”

5. “E ta un lugá great pa asta kana ‘chill’ so wak pari ‘ass’.”

6. “E no ta un mal negoshi pero nan mester pensa riba ámbos sekso i no riba hòmber so!”

7. “E ta hopi luhoso i diferente.”

8. “Pa ami e lugá ta bon, pero kaminda tin e show si mester bin un kambio.”

Campo4E respondentenan femenino a kontesta lo siguiente:

1. “Komo hende muhé den promé mi tabata tin un mal idea di dje pero ora m’a drenta aden el a ‘val wel mee’, e ta ‘great’, nèchi i ‘gezellig’ pa un ratu.”

2. “Mi a bai nèt un biaha. Tabata ‘awkward as hell’. E MC kier a bai ku mi riba esenario pa e ‘stripper’ nan baila riba mi. Mi no a gusta. E ‘stripper’ nan hòmber no ta show mashá, i esnan muhé ta show tur kos. Eiden ta ‘creepy’. Ya kada ken ta hasi loke nan ke pa gana nan pan. Pueblo i Campo Alegre mes ta bisa ku si bo ke ‘cheat’, hasié den Campo pasó ta ‘safe’. E biaha ku mi a bai ei, un hende hòmber a bisa mi e muhé no a baña ni promé ni despues ku nan tabata huntu, pues abo i e muhé ta fis!”

3. “Hmm, e tempu ku mi a bai tabata na 2007 i mi no sa kiko por a kambia eiden. Ma hañ’é tòg nèchi, e no parse kas di muhénan di bida. Pues mi por bisa ku e por tene man ku St.Barbara Hotel.”

4. “Semper mi tabata tende yen komentario di e lugá, pero di loke ami a wak dia m’a bai ami no a hañ’é masha “waw” mané hopi ta bisa.”

5. “Basta ‘ordelijk’ pero por mantené mas mihó. Prinsipalmente e entrada mas mihó dekorá pa e mas ‘cozy’. Supuestamente e ta un lugá pa relahá pues e por ta mas kaluroso.”

6. “E ta ‘great’. E ta basilá.”

7. “Mi a bai un bia pasobra Gio Fuertisimo tabata toka. Mi no a kana rònt di e lugá.”

8. “Hmm por mas mihó. Djamars so pa hende muhé no ta ‘fun’. Nos tambe tin nesesidat kual algun di nos lo ta masha felis pa paga pa satisfasé. Pues pa ami por mihó.”

9. “Mi ta haña ku e por tin mas ambiente y kosnan pa atraé mas hende. Por ehèmpel un kasino. Tin biaha e prostitutanan ta SUPER DUSHI, anto tin biaha nan ta laga hopi di deseá.”

(Mi ta kere e hendenan lo ta buska muhé pa tur smak, pero bèrdat tin bia tin muhé horendo eiden. Muhé ku mustashi ku kos. Ban serio.)

Campo2Lo bo kambia nòmber di e ‘resort’ pa un nòmber mas atraktivo? Si bo kontesta ta “Si”, ki nòmber lo bo dun’é?

Nuebe respondente a bisa ku nan no ta kambia nòmber di e ‘resort’. E sobrá nan a duna algun sugerensha pa un nòmber nobo. Esakinan tabata lo siguiente: (Esnan ku ‘M’ patras ta sugerensha di respondente maskulino.)

1. FUN 4 ALL
2. Have Fun Resort (M)
3. Heavenly Good!
4. Hot oasis
5. Le Mirage (M)
6. Romantic Suite (M)
7. White House (M) (Hahahaha)
8. Aiiii Resort
9. Curaçao Brothel (M)
10. Dirty House
11. Happy Hump Resort
12. Het Paradijs
13. Teaser’s club

campo8Kon aksesibel lo bo hasi e lugá pa hende muhé?

Kompletamente aksesibel    15 (50%)
Manera e ta aworakí, esta 1 òf kisas 2 bia pa siman   11 (37%)
Laga hende muhé keda pafó òf traha lugá apart pa hende muhé!   4 (13%)

Di e respondentenan ku aparentemente no ke hende muhé den e ‘resort’, dos ta maskulino i dos femenino.

Aktualmente entrada pa Campo Alegre ta 10 florin pa hende hòmber i 25 florin pa hende muhé riba djamars. Ki kambio abo lo trese na preis di entrada pa tantu hende hòmber komo hende muhé?

Niun kambio    7 (23%)
Tantu hòmber komo muhé lo tin ku paga mesun preis   21 (70%)
Entrada lo bira grátis pa ámbos sekso  2  (6%)
Mi no ke kliente femenino   0 (0%)

Campo5Suponé ku tin un sekshon pa hende muhé ku tin diferente stripper i prostitutonan maskulino. Pero e sekshon aki no ta bon bishitá. Den un investigashon, abo komo doño a bin komprondé ku e hende muhénan tin hopi bèrgwensa pa bishita bo ‘resort’ pa baha nan deseo seksual. Kiko abo lo hasi, den sentido di strategia di merkadeo, pa trèk mas kliente femenino?

E respondentenan maskulino nan kontesta tabata lo siguiente:

1. “Purba merkadiá e ‘Resort’ bon pa atraé mas hende muhé i portá asta brinda e opshon pa e ‘stripper’ por hiba su servisio na e kliente. Pero solamente si e ‘stripper’ su seguridat ta sigurá.”

2. “Lo mi pone mané un ‘Drive Thru’. Bo ta kore drenta ku bo outo wak riba potrèt òf pantaya kua lobo ke pa kumpli bo fantasia nan kuné. Pero ei lo tin seguridat pa nada otro ku no ta muhé kore yega!”

3. “Lo mi a pone oferta i/òf fiesta pa hende muhé. ‘Ladies night’ lo ta pa hende muhé so, asina nan lo sinti nan mes mas trankil sin sinti ku tin hende hòmber ta keda wak nan straño ora nan sali fo’i kamber.”

4. “Baha preis i hasi promoshon pa no tene bèrgwensa.”

5. “Lo mi a inventá un ‘resort’ pa muhé so bin riba e dia ei. Manera na ‘chino’ na unda bo por hür kamber i niun hende sa ken bo ta lo ta ideal pa hende muhé.”

6. “Laga e hòmbernan ku ta bin einan, trèk nan amiga nan bin kuné.”

7. “Stimulá un oferta pa grupo, grupo ya unu ta trèk e otro paso e otronan tambe ta bai.”

8. “Ofresé sèn òf algu otro pa nan subi esenario hasi sèks ku un dje ‘stripper’ nan, pero esei ta 1x pa anochi.”    (Waaawww)

9. “E mester ta un kaminda privá ku no tin maskulino pa wak kiko nan ta hasi eiden òf laga.”

Campo6

Bon tete!

E respondentenan femenino nan kontesta tabata:

1. “Ta pone mas show ku nan por sinta wak, inkluí un entrada ku dos parti kual niun hende no por tuma nota unda x persona ta bai ku tòg e por kumpli ku su deseo seksual sea ku ta ku muhé òf hòmber, i hasié mas diskreto banda di e parti di skohe ku nan ke ta íntimo òf no.”

2. “Buta mas aviso den korant òf televishon pa trèk hende muhénan. Y e dianan ku klientenan femenino mester bin, klientenan maskulino lo NO ta bon biní, GAY si.”

3. “Pone hende hòmbernan super atraktivo den mi resort. tambe lo mi bai hasi uzo nan di maskaradanan super sèksi kual lo (semi) kubri kara di e hende muhénan ku lo por tin bèrgwensa pa drenta mi ‘resort’. Mi no sa si mi lo hasié obligatorio òf lo mi laga esaki keda desishon di mi klientenan. Aunke ami lo haña super sèksi pa hèndel un muhé ku mi no ta mira kompletamente su kara. Pero ami ta un kaso apart. Lo mi pone un preis di entrada ku lo ta inkluí kisas algun bibida i kuminda grátis.”

4. “Bo por kore drenta e kamber ku outo. Niun hende sa ku bo tei. Privasidat garantisá. Tin kamber ‘Underground’. Hahaha”

5. “Lo mi kuminsá ku un ‘mondreclame’. Mustra nan potrèt di nos ‘stripper’ nan i duna nan un idea di e bónus ku nan por haña aserka den banda dje ‘striptease’ xD”

6. “Tur muhé ta drenta ku maskarada , hasi e ‘stripper’ nan sèksi chocolate ku leuk en sèksi ‘olifanten jockeys’.”

7.” Pone un entrada apart mas diskreto òf un ‘home delivery’. E show mester ta bon, e hòmbernan mester ta bon dushi i ábil stail di ‘Magic Mike’ òf ‘Chocolate City.’ Hasi un bon spòt/propaganda di e show.”

8. “Lo mi sòru pa e lugá ta super privá ya e damanan ku bin no tin mester wòri ku bisiña ta mira nan. Lo mi pone apart for di hende hòmbernan tambe, i portá lanta e eksklusividat.”

9. “Lo mi buta diferente show ‘heavy’ pa hende muhé poko mucha hòmber ku ora nan mira nan e gana ku nan lo haña tur nan bèrgwensa lo bai laga nan.”

10. “Mi ta kere, kuminsá wak e ‘stripper’ i prostituto nan su aparensia. Nan mester ta ‘buenmoso’ tambe sino nan no ta trèk niun kliente femenino. Nan mester tin e ‘cuerpaso matador’. Cara de angel cuerpo de pecado’.”

11. “Traha un lugá apart òf falsu asina pa nan drenta. Un lugá ku por keda apart pa nan drenta sin mester pasa kaminda tur hende ta mira nan.”

12. “Lo mi trata pa hasi e sekshonnan mas atraktivo pa medio di ‘group offers’ i asina esnan ku tin bèrgwensa lo ta mas fásil pa nan yega serka.”

13.” Komo doño femenino a mi lo ta kara di mi establesimentu. Ami lo ta hostess di mi establesimentu pasó solamente si un muhé ta na kabes lo atraé mas muhé sin bèrgwensa etc.”

14.” Hasi propandanan sensual, pero sutil; buska entretenimento ekstranhero ku a traha un nòmber kaba. Asina hende ta kustumá bin wak, i kisas ta sigui bin.”

(Parse ku e muhénan tòg tin hopi gana pa mira un ‘Campo Alegre Resort’ atraktivo na Kòrsou aki.)

Oh-lah-lah

Oh-lah-lah

Ami a kuminsá bira kayente aki kaba, pues nos ta keda te aki pa e siman aki. Keda pendiente pa e kontinuashon otro siman, n’e mesun orario, n’e mesun kanal!

To be continuedDanki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.