Prosedura pa petishon i pago di sèn pa paña di skol (kledinggeld)!

Reading Time: 2 minutes

Komunikado SOAW:

Ministerio di Desaroyo Sosial, Trabou i Bienestar, na nòmber di Gobièrnu di Kòrsou, ta informá tur kobradó di ònderstant i personanan ku tin un entrada bou di suèldu mínimo, ku fecha di pago pa sèn pa paña di skol ta entre 27 di yüli pa 7 di ougùstùs 2015 (kinsena 16/2015). Kobradó di ònderstant i personanan ku tin un entrada bou di suèldu mínimo ku no a risibi pago pa paña di skol den 2014 mester hasi petishon mas pronto posibel na Kas di Bario Punda, Kas di Bario Otrobanda, Kas di Bario Sta. Maria i Kas di Bario Brievengat. Klientenan di Kas di Bario Bandariba por entregá petishon na Kas di Bario Punda. Klientenan di Kas di Bario Dokterstuin por entregá petishon na Kas di Bario Otrobanda.

Ken por bini na remarke pa sèn pa paña di skol?

 Yu di mayor o tutor (voogd o mayor di kriansa) ku ta kobra ònderstant òf tin un entrada bou di suèldu mínimo;

 Yu di mayor o tutor mester ta inskribí den Registro Sivil di Kòrsou. Mayor o tutor tambe mester ta inskribí;

 Yu di un estranhero ku tin un pèrmit bálido i ta inskribí den Registro Sivil di Kòrsou;

 Yu ku ta kai bou di lei di skol obligatorio i ta bishitá un Skol di Fundeshi, Skol spesial, SBO, HAVO, VWO;

Kua dokumentonan mester entregá na momentu di un petishon:

 Sédula, reibeweis, pasport bálido di mayor o tutor òf e persona outorisá ku ta bin hasi petishon;

 Sédula òf pasport di yu o papel di òp o buki famia;

 Deklarashon ku e yu ta inskribí na skol (schoolverklaring) aña 2015-2016 si e yu ta riba 18 aña;

 Esnan ku tin un entrada bou di suèldu mínimo mester trese e deklarashon di entrada di Inspekshon di Belasting;

Rekordatorio: Petishon pa paña di skol no ta tuma lugá na Ministerio di OWCS na BonBini Business Center mas.

Petishon pa sèn pa paña di skol (kledinggeld) por keda entregá Ultimo dia pa entregá petishon i hasi keho relashoná ku sèn pa paña di skol ta dia 9 novèmber 2015.

Minister di Desaroyo Sosial, Labor i Bienestar Señora Ruthmilda Larmonie

Danki pa “like i “share”. Mi ta apresiá mashá. Sinti bo liber pa laga bo komentario atras.]

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.