Telefon Mar*ku ‘for sale’…..preis di ganga!

Reading Time: 3 minutes

Mi ta bende mi Nokia E7, pa motibu ku e telefon aki ta masha mar*ku!

E telefon su bateria a baha i mi a pone karga. Na momentu ku mi a hinka e kargadó aden, e lus ku normalmente tin ku sende pa indiká ku e ta kargando tabata keda ‘flash’. Mi a lag’é un ratu aden pa wak si e ta stòp di ‘flash’, pero despues di un ratu e ta paga, i e telefon no ta karga.

Mi a laga un dia pasa, bolbe purba karg’é, pero mesun kos a sosodé. E telefon no ta karga. M’a primi tur kònòpi ku tin riba e telefon, den tur sorto di kombinashon. Pero pa nada di mundu e telefon no kier a karga ni sende. Pues mi a benta e telefon un kantu. M’a bisa mi mes ku kualke dia ku mi tin sèn mi ta hib’é drecha.

Awe mi tabata tin 75 florin den mi saku, kual ta nèt sèn pa mi kumpra kuminda, paga awa ku koriente, kumpra gasolin, drecha e telefon i si sobra algu mi ta kumpra algu ‘leuk’ pa mi frei. Pues m’a disidí hib’é telefon na un ‘phoneshop’ pa nan wak e. E gai a bisa mi ku nan ta kobra 75 florin adelantá, sea ku e telefon drecha òf no. Mi a bisa e gai “Lag’i h*de sua, baha un ko’ afó òm”. E gai di “Bon, mi ta lag’é 70 florin pa bo. Ta karu tòg pero ya, no tin mod’i hasi. Mi mester di mi telefon si. Mi a dun’é e 75 florin i el a duna mi 5 florin bèk. E gai a tuma e telefon, hinka e waya di e kargadó aden i mesora e telefon a kuminsá karga plùs sende.

E gai di “Ya, bo telefon a drecha.” Mi tabata tin gan’i kue e telefon dal e gai kuné. Hopi mar*ku e telefon aki ta.

Ami no ke e telefon aki mas. P’e telefon su falta, e luna aki mi no por kome, Aqualectra ta bin kita mi koriente ku awa, mi no por sali, pasó mi no tin sèn pa pone gasolin, ni mi no por kumpra algu ‘leuk’ pa mi frei tampoko. Sóbadje masha dia e ta reklamá ku mi no ta sali kuné ni kumpra nada p’e.

E telefon aki tin Internèt, ‘touchscreen’, e ta pisá i duru mané un demoño, pues bo por uz’é komo arma pa defensa propio tambe. Si bo ta interesá den e telefon mar*ku aki, djis manda mi un mensahe. Bo bin ku 25 heldu mes bo ta bai kuné. Mi mester di sèn pa mi sobrebibí e luna aki!

Nokia E7(Wega mi ta hasi shonnan…mi no ta bende mi telefon. E historia si ta kompletamente bèrdat…..bon ya, kasi kompletamente bèrdat.)

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.