Aktonan di karidat ku ta bon pa yuda hendenan den nesesidat!

Tin hende ta hasi donashon òf aktonan di karidat djis pa fama i tin otro ta hasié djis pa benefisionan fiskal. Pero tin hende ku di kurason gusta yuda otro hende den nesesidat sin risibí nada a kambio!

Den un suidat ku yama Hail na Saudi Arabia, un hòmber generoso den un akto di karidat a instalá un frishidèr dilanti su porta di kas i a hasi petishon pa tur hende den bisindario pa yena e frishidèr ku kuminda pa hendenan di ménos rekurso! E hòmber aki a skohe pa keda anónimo, pues pa bo sa ku e no ta hasié pa fama. Bisiñanan a koperá i tur ora ku nan por nan ta pasa hinka kuminda den e frishidèr.

Charity1

Muchanan hinkando kuminda den e frishidèr na Hail!

Aunke e hòmber a skohe pa keda anónimo e historia a yega na orea di Sheik Mohamad al-Arefe, i el a ‘tweet’ e pa tur su 8.6 mion di siguidó nan. El a skibi ku e tabata sa ku hendenan di Hail ta generoso. Esaki a kousa un moveshon, i lidernan di Saudi Arabia a hasi petishon pa esnan ku por, pa pone un frishidèr dilanti nan kas i yen’é ku kuminda pa e personanan den nesesidat. E intenshon ta pa e hendenan di ménos rekurso no mester pasa bèrgwensa i pidi kuminda. Nan por djis bai den e frishidèr i saka kuminda pa nan kome.

Kualke hende lo puntra nan mes ta ki mishi un lugá manera Saudi Arabia ku hende poder aden? Wèl, e kantidat di personanan ku plaka ta tapa e bèrdat amargo ku tin un gran kantidat di hende pober tambe den Saudi Arabia i e Gobièrnu ta saka tiki informashon tokante sifranan di pobresa den e pais. Tin kalkulashonnan ku tin entre 2 pa 4 mion hende ta biba riba apénas 17 dòler pa dia na Saudi Arabia. E kantidat por ta mas, pero pobresa na Saudi Arabia ta manera un sekreto ku no mester sali den publisidat.

Charity2Pero en todo kaso, tipo di akto di karidatnan aki ta sosodé na Merka tambe kaminda Michael Swayne di San Fransisco ta tuma un dia di kada luna pa drecha paña pa hende di ménos rekurso di forma gratuito. E ta yama su mes artista sosial, i pafó di su kas el a pone un shòp kaminda hendenan den nesesidat ku mester di drecha nan paña por bin serka dje, i e ta hasié pòrnada pa nan. Por ehèmpel hendenan sin trabou ku mester di un trahe pa nan bai un solisitut pa trabou, òf un mucha ku mester drecha su sapatu pa e bai skol.

Michael Swayne

Michael Swayne

Aparte di esaki, na San Fransisco, kaminda tin mas ku 6000 persona sin kas, tin un kompania no lukrativo ku yama Lava Mae ku ta kue bùsnan for di servisio i kombertí nan den baño pa hendenan sin kas. Akinan tur hende ku no tin un kas por bin baña gratuitamente. E fundadó di Lava Mae, Doniece Sandoval a bini ku e idea aki despues ku el a hasi un rekorido na sierto partinan di e suidat i el ripara ku e persona nan sin kas tin lugánan limitá pa nan por baña.

Charity5

Sandoval kier a remediá e problema ei dor di kue bùsnan ku ta for di servisio i komberti nan den baño pa hendenan sin kas.

Doniece Sandoval

Doniece Sandoval

Asin’aki hendenan simpel manera nos por duna nos granito pa yuda demas personanan ku ta den nesesidat. Anto mi ta spera ku tipo di artíkulonan aki por sirbi komo inspirashon!

Fuente: Care2

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.