Raul Castro a urgí Merka pa kita e embargo komersial riba Cuba!

Reading Time: 2 minutes

Presidente Cubano Raul Castro a urgí Merka pa kita e embargo komersial (prohibishon di eksportashon pa Cuba) ku Merka a imponé riba Cuba. Segun Castro e embargo di 5 dékada aki a kousa hopi daño ekonómiko i humano na Cuba. Pero ta solamente kongreso merikano por kita e embargo aki i aktualmente e kongreso ku ta yen di hende republikano no ta masha na fabor di esaki.

Djarason, Obama i Castro a hiba sierto kòmbersashonnan pa mehorá e relashon entre Cuba i Merka ku a inkluí liberashon di un kontratista merikano Alan Gross, ku tabata detené na Cuba pa 5 aña kaba pa importashon di teknologia di satélite prohibí, i 3 Cubano di perfil haltu ku tabata detené na Merka pa spionahe. Cuba a liberá tambe un ofisial di inteligensia merikano ku tabata será na Cuba pa kasi 20 aña.

Relashonnan entre Merka i Cuba ta di fris for di kuminsamentu di añanan sesenta, kaminda Merka a kibra tur relashon diplomátiko ku Cuba i a imponé un embargo komersial despues di e revolushon ku a hiba Cuba na komunismo.

E embargo aki di 54 aña a kosta ekonomia Cubano un total di 1.1 trion dòler, i pa aña a kosta ekonomia merikano 1.2 bion dòler. (Segun kámara di komèrsio merikano.)

Segun Obama e polítika rígido i trasnochá aki kontra Cuba no ta funshoná. Aunke Cuba ainda mester di sierto reformanan ekonómiko i tambe elevá derechonan humano, pero ta tempu pa atendé esaki di un otro forma.

E mal notisia ta ku Obama no ta konta ku sosten di sierto miembronan di kongreso ku ta konsiderá e régimen Cubano unu di diktadura represivo. (No ta konosi dikon nan ta haña ku esaki ta nan asuntu.)

Den un diskurso nashonal na Cuba, Raul Castro a bisa ku nan ta dispuesto na diskutí diferenshanan ku nan tin ku Merka riba soberania nashonal, demokrasia i polítika interno.

Cuba tabata práktikamente paralisá na momentu ku Castro a hiba su diskurso.

Foto: Cubanonan selebrando e notisia ku ta liberá e 3 prezunan Cubano ku tabata será na Merka!

Foto: Cubanonan selebrando e notisia ku ta liberá e 3 prezunan Cubano ku tabata será na Merka!

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.