China ta prohibí humamentu den áreanan públiko na Beijing!

Reading Time: 2 minutes

China, irónikamente e pais di mas grandi ku ta fábrika sigaria, i tambe e pais ku mas sigaria ta konsumí, a pasa un lei Djaluna ku ta prohibí humamentu den áreanan públiko.

Desde awe bo no tin mag di huma den niun lugá públiko na Beijing manera restorant, trabou i den transportenan públiko.

E gobièrnu ta rekomendá e hendenan pa uza e señanan aki kontra un persona ku ta humando.

No smoking china 2Segun WHO (World Health Organization) China tin alrededor di 300 mion hende ku ta huma i nan ta konsumí dos tersera parti di sigarianan ku ta keda produsí rònt mundu.

no smoking chinaPa kolmo e kompania fabrikante di sigaria di mas grandi na mundu ta China National Tobacco Corp, kual ta un kompania di e gobièrnu chines.

China a yeg’i bin ku prohibishonnan similar na 1996 i na 2008 pero niun hende no a preokupá nan kabes ku e prohibishon ei. Parse ku awor e reglanan lo ta muchu mas estrikto.

Esun ku kibra e lei di humamentu na Beijing lo risibí un but di 200 yuan kual ta mas o ménos 33 dòler. (Ami a kere ta un kos). Aparentemente e multa aki ta 20 bia mas grandi ku e multa bou di e lei anterior. (Bien bèrdè hende tabata ignor’é. Aunke mester tene na kuenta ku na China salarionan no ta mashá, pues kisas un multa di e montante ei ta hasi doló.)

Kompanianan ku pèrmití hende huma den nan lugá tambe ta risibí un but. Un persona ku risibí but tres bia su nòmber lo bai riba website di gobièrnu chines den nan ‘Hall of shame’!

Bon kos pa bin kuné na Kòrsou!

no smoking china 3

Trahadónan di un restorant na Beijing destruyendo seniseronan markando e komienso di e lei nobo anti-humamentu!

Fuente: Buzzfeed

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.