Tepnan pa yudabo den bo búskeda di un relashon duradero!

Reading Time: 6 minutes

Ami semper ta konsehá hende ku ora bo ta en buska di un relashon, no pone bo foko muchu riba e chèns ku e relashon ei lo dura 10 òf 20 aña. Esaki ta debí ku nos komo hende ta bai piki pieu riba muchu kos ku a lo largu, lo pone tur bo relashonnan frakasá, òf lo bo no haña niun hende ku ta kumpli ku bo eksigenshanan.

Na e otro banda tin hende ku ta asina superfisial ku asina nan sinti ‘vlindertjes in de buik’ nan ta kla pa kasa, traha yu, sera hipotek, traha kas etc. sin nunka a tuma tempu pa konosé e persona.

Konosé un hende ta e arte di mas difísil ku ta eksistí na mundu. Mayoria hende no konosé a ni nan mes. Pero semper ora bo ta drentando un relashon, nan ta bisa “Bo tin ku siña konosé e persona”. Pero konosé kiko?

Akinan hopi hende ta faya. Nan ta sali ku otro, bai fiesta, baila, kome huntu, drumi ku otro, tin bia asta kuminsá biba ku otro, traha fecha pa kasamentu, pero e mente di e persona mes nan no konosé. Nan sa solamente ku e ta baila bon, e por kushina òf sikiera hasa dos webu sin kima kas, e tin bon trabou i e ta bon den kama. Pero bida ta yen di buèlta, i hopi bia kosnan ta sosodé ku ta pone hende bira un kos ku nunka bo a spera.

tips long term relationship 1Aki mi ta bai dunabo algun punto ku bo por paga tinu riba dje:

1. Similaridat.
Na ingles nan ta bisa ‘opposites attract’. Esei ta kompletamente bèrdat, pasó tin ora hende gusta reto den bida. Si bo ta buskando un relashon eksitante pa un ratu, buska un hende kompletamente opuesto na abo, i disfrutá di e reto pa purba na hiba un relashon ku un hende ku ta ‘janchi kontrali’ na abo.

Si bo ta buskando algu pa tempu mas largu si, lo bo ke buska hende ku bo por kompartí similaridatnan kuné. Similaridat ta loke ta krea un amistat entre dos persona. Rèspèt i konfiansa ta duna balor na un amistat. Pues te meskos lo bo ke tin den un relashon.

Lo bo ke sa kon persona ta hinka den otro pa loke ta trata su norma i balornan, su metanan, su hòbinan, su manera di pensa i kon habrí e ta pa kosnan di bida etc.

2. Konosé su amistat i famia
Si un hende tin intenshon di ta den un relashon serio ku bo, e lo ke pa bo konosé su amigu i famianan. (A ménos ku e no ta bon ku su famia, òf ku e no tin niun amigu.) Si e no ta bon ku su famia, ni e no tin amigu/a, buska pa sa ta dikon, i evaluá si ta algu ku bo ta komprondé/kompartí kuné.

Den mayoria hende su kaso ku tin hopi amistat ku e ta balorá, e ke pa nan tur sera konosí ku e persona ku e tin intenshonnan serio kuné.

No ta tur hende tin (hopi) amistat, pues atrobe, buska pa sa ta dikon i evaluá.

tips long term relationship 53. Orientá su interes
Usualmente ora un hende tin un persona ku e ta buska un relashon serio kuné, outomátikamente tur sobra posibel kandidato ta sali for di kompetensha. Si bo ta ripara ku e no sa ken e skohe ainda, òf e ta wak otro hende, òf ta gusta mas ku un hende, e no ta benefisiá bo plannan.

Mi no ta bisa ku e persona ta malu, pero en todo kaso e no ta masha kla pa un relashon duradero.

4. Bo tin miedu di ta soltero?
Den e artíkulo “señalnan ku bo no ta kla pa drenta un relashon” mi a splika tokante miedu di ta soltero. Hende ku tin miedu di ta soltero tin un defekto den nan eskoho di pareha i e defekto aki lo bai tin efekto riba kantidat di kosnan ku nan ta bai tolerá, djis pa e persona no bai lag’é.

Esaki ta pone ku bo por bai tolerá abuzu i maltrato verbal, físiko, infidelidat relashonal i/òf un bida infelis. E personanan aki lo por bai sinti nan no kompletu, sin sa ta kiko te kos ku ta kompletá nan.

Kiko bo por hasi ora bo tin miedu di ta soltero? E por ta zona kruel, pero ora bo tin miedu di ta soltero, bo tin ku simplemente keda soltero.

Tin un mion di motibu ku ta kousa di bo miedu, pues mi no por skibi tur. Pero e por ta produkto di un trastorno mental ku probablemente a originá su mes den bo infansia òf tin bia adolesensia. E por ta motibu di situashon finansiero tambe, i esaki ta motibu nr.1 ku hopi hende ta keda den relashonnan abusivo.

single5. Kompromiso
Hopi bia ora hende ta pensa riba relashon largu nan ta kla pa pensa riba seramentu di un kompromiso pa despues yega na matrimonio. Sinembargo matrimonio no ta nifiká nèt nèt nada. Meskos ku bo por kasa, bo por divorsiá. Mesun fásil ku bo ta firma un papel, bo por sker e papel ei bèk. Ki seguridat e kos ei ta duna bo? Matrimonio no ta mara niun hende na nada.

Otro kos ku hende tin den nan kabes ta biba huntu. Ora ku bo tin un persona nobo den bo bida, tur loke bo ke ta pa bo pasa 24 ora pa dia kuné. Bo ke ta kuné ora bo lanta, ora di kome, ora di wak televishon, ora di sali i ora di drumi. Esei ta loke bo ke. Pero no ta tur kos ku bo ke bo tin ku haña den bida, i no ta tur loke bo ke ta bon p’abo tampoko.

Dos persona ku ta biba huntu lo bin enfrentá tur sorto di kos ku no ta presis plasentero. Pues esaki ta yuda mata un relashon mas lihé ku bientu ta paga bela. Bibamentu huntu na mi humilde opinion ta mas pa hendenan grandi ku mester di otro pa kompaño, ya asina ora esun haña ataka di kurason, e otro yama ambulans.

tips long term relationship 6Si bo preokupashon ta pa e yunan, e muchanan ta sinti ki vibrashon tin entre su mayornan. Un mama i un tata ku ta biba huntu, pero tur ora ta pleita ku otro i no ta mustra kariño i afekto pa ku otro, tin mas mal efekto riba un yu, kompará ku un mama i un tata ku ta biba separá pero ku ta trata otro ku kariño i rèspèt.

Sa tin eksepshonnan di parehanan ku ta hiba un ‘wonderful life’ bibando huntu. Pero esei ta ora bo topa dos hende ku ta kompatibel na otro i ku ta sigur di nan mes. Awendia e tipo di hendenan ei ta un ‘freak of nature’.

Loke si bo mester wak ta ki intenshon e persona tin pa hasi abo su pareha prinsipal. Esei ta enserá entre otro sera bo konosí ku su amistat, famia i ku si bo ta sinti ku bo ta e persona ku e ta mira komo su pareha.

Mi ta spera ku lokualnan mi a splika ta yudabo ku algu. Anto for fabor, sto’i kana papia kuent’i ‘eerst de ring, dan je ding.’ Ami ta hende ku a pone renchi na dede, kadena na garganta anto dak riba kabes. Tòg den ménos ku un aña nan a fada di mi i saka mi fo’i mi propio kas!

tips long term relationships 3

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.