Buki ‘Awa, Habon ku Past’i Djente’ na benta awor!

Reading Time: 2 minutes

Djabièrnè 22 di mei último tabata tin e lansamentu ofisial di e buki “Awa,Habon ku Past’i Djente” na Biblioteka Nashonal Kòrsou.

Awa, Habon ku Past’i Djente ta un buki di kuenta kòrtiku kómiko na papiamentu, basá riba bida real. Ta historianan ku ta pasa òf a yeg’i pasa den bida di e outor, i e ta presentá esakinan dilanti den un forma ‘apart’ pa abo lesa i disfrutá di nan.

Coming Soon!

Diseño Grafiko: Aymar Profas

E buki ta un refleho di kiko ta nifiká ser un hende, no opstante kuantu bia nos ta buska moda di skonde e ser real ku nos ta ku tur nos problema i retonan den bida, djis pa hende no mira kon bruá nos ta!

Atvertensha!
Si bo ta hende ku ta mas vírgen ku mama maria, esta ta spiritu santu so ta limpia bo, òf bo ta sinti bo ofendí pa kontenidonan poko pikante, esta bo tin yu, pero bo no ke pa niun hende sa ku bo sa sèks, mihó bo keda leu. E buki ta pa esun ku sa kon pa disfrutá di arte ku mente habrí.

E buki ta skibí ku e meta pa duna bo mas gana di lesa. Ya kaba mayoria hopi hende ku nunka di nan bida a yeg’i lesa un buki boluntariamente, a gust’é asina tantu, te ku nan ta kana ku e buki bou di nan brasa pa nan lesa na skol, trabou, na dòkter, den baño, den reunion i tin hende ta asta les’é den misa ora pastor su predikashi ta poko laf.

E buki ta optenibel na Mensing’s Caminada na rason di 45 florin, òf manda un e-mail na lionel_326@hotmail.com pa bo hañ’e dirèkt serka mi!

Awa, Habon ku Past’i djente ta e di dos buki di e outor Lionel N. Spratt. E promé tabata Kibra Hacha, ku awendia tur hende a lesa kaba, pero ku ainda nan ta lesa p’e konsepto drenta bon den nan kabes. Si abo no a les’é ainda, klek aki pa mas informashon!

Kibra Hacha tambe ta optenibel na Mensings Caminada na rason di 35 florin of manda un e-mail na lionel_326@hotmail.com pa bo hañ’e dirèkt serka mi!

Personanan ku ta biba Boneiru, Aruba òf Hulanda ku ta deseá e buki(nan) lo por haña nan via pòst. Manda un mail na lionel_326@hotmail.com pa risibí mas informashon!

Riba foto por mira Yves Cooper, kuestionando e hende muhénan ku gusta eksagerá ku nan bida ta duru!

DSCN2508

DSCN2507

Yves: “E muhé na’ki si tin kurashi bo sa?”

 [Danki pa “like i “share”. Mi ta apresiá mashá. Sinti bo liber pa laga bo komentario atras.]

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.