Deseo seksual den relashon largu parti 2: Muhénan ta kòrta orea na òrdu!

Reading Time: 11 minutes

Mané mi a komprondé tin hende ta kue masha fadá ora mi skibi algu kòrtiku. Nan ta keda ku yen gana di lesa i sa mas. N’e otro banda tin otro hende ta spanta ora nan mira algu largu, i nan no ta lesa nada mas, i asina nan ta pèrdè hopi informashon balioso. Pa awe, si bo gusta lesa, ‘you’re in for a treat’. Si bo no gusta lesa, mihó bo bai buska otro ko’i hasi, anto keda ignorante numa!

Siman pasá mi a kuminsá trata e tópiko ku si hende muhé tin mas deseo seksual den un relashon largu, kompará ku hende hòmber. (Lesa parti 1 aki). Manera mi a bisa un bia den e buki Kibra Hacha mi a kere ku ta hende muhé so ta ninga sèks. Pero aparentemente e hòmbernan ku ta den relashon largu a pasa e muhénan den bògt. Nan ta ninga sèks mas tantu ku yen preteksto inusual pa e sekso maskulino. Ami a keda babuká.

Nos ta sigui ku e investigashon pa wak kiko mas interesante lo sali na kla.

Por lo general ken ta buska/inisiá sèks mas tantu?

Ami komo e homber    1 (3%)
Ami komo e muhé     8 (25%)

Mi pareha femenino    1 (3%)
Mi pareha maskulino   3 (9%)
Nos tur dos ta hasié igual    19 (59%)

Por lo general, ken ta ninga sèks mas tantu?

Ami komo e hòmber    2 (6%)
Ami komo e muhé         9 (28%)
Mi pareha femenino    2 (6%)
Mi pareha maskulino   9 (28%)
Nos no ta ninga otro sèks nunka    10 (31%)

Kiko ta e motibunan ku abo lo ninga sèks na bo pareha?
E respondentenan maskulino, nan kontesta tabata:

1. “Mester ta malu pa muri.”

2. “Ami lo ninga nunka tur dia e ke tur dia e ta haña.”

3. “Kansansio òf malestar.”

4. “Na momento di menstruashon so mas tantu.”

5. “Dor di tin relashon ku otro persona.”

6. “Si henter dia mi ta na PC òf TV anto nos no ta hasi nada huntu òf den kas, anochi ora di buska kos e ta manda mi bek na PC òf TV. Si den dia mi no por pasa tempu ku n’e, anochi no bin buska nada tampoko.”

(Whahahahahaha, sòri mi ta tin ku hari.)

Un respondente maskulino a laga e pregunta aki bashí, paso segun e, e no sa ninga sèks nunka!

Ta unda e hòmbernan ku segun e muhénan sa ninga sèks ta anto?

men want sexDi e respondentenan femenino, nan kontesta tabata entre otro:

1. “Dor di kansansio òf gewoon no tin gana.”

2. “Lo mi ta rabiá kuné, mi regla, kansansio i òf simplemente ‘not in the mood’!”

3. “Ora nos a palabrá algu nos mester mantené nos na palabrashon i si bo no kumpli no buska pa wak kiko ami ta hasi robes pa tapa bo fout i bisa ta mi falta ku bo ta faya pasó bo tin un sintí ku bo por pensa. Ora ku e ke sèks i nos palabrá algu si e ta wòrdu hasí sin puntra dos bes ! Ofensa kai ta pió! No ta hunga!. Pues ya ku e gusta loke mi ta hasi riba kama mi ta straf’é einan. hahahah”

(Mi no a komprondé tur kos di e kontesta aki. Mi a purba drech’é. Mi ta spera mi no a kambia e loke e persona kier a bisa. Ku e ta straf e pober hòmber ku sèks si mi ta hañ’é kruel si.)

4. “Embaraso, debí ku mi tin miedu pa algu bai robes.”

5. “Kansansio/prekupashon/si mi ta rabiá pa algu ku e la hasi ku a ‘hurt’ mi. Mi no sa ninga mashá. Loke ta sosode ta ku mayoria biaha e ta hinka mi den e ‘mood’ tòg. Mi ‘kayenteheid’ ta surpasá e rabiamentu!

6. “Si mi mira ku e ta hasié laf òf ta keha kada bia di algu òf si mi sa ku e tin otro pareja ta drumi kune.

7. “’Ongesteld’ ku HOPI kram”

8. “Ami no tin motibu pa ninga. Ni menstruashon no ta kita mi gana. Simplemente ta hasié bou di ‘douche’. Si mi ninga ta pasó mi a sinti ku el a kòrta orea anto e ora ei lo mi apstené.”

9. “Kansansio físiko òf si mi ta hopi malu drumí na kama.”

10. “Ora mi tin hopi strès, mi sa ninga sèks. Mi ke djis ‘cuddle’, papia sunú i mishi ku otro. Sèks no mester ta penetrashon so! Mi pareha sa mira ku mi sa ta ‘stressed out’. Nos ta baña huntu den anochi i papia masha largu mes bou di ‘douche’ i brasa otro, mishi etc, i e ta duna mi masashi. Ora mi pareha tin hopi riba su kabes i ta kansá, tambe mi ta sende mi belanan ku ta hole dushi i dun’é masashi, mishi kuné i hasi sèks oral.”

E di dos motibu tabata ku dia mi a haña un aksidente di outo di mes mi tabatin lunas sin por a hasi sèks, paso mi no tabata interesá.”

(Dios bendishoná e muhé aki ku su pareha. Mi a haña envidia gewoon. Mamita, dia bo kibra ku bo pareha, bèl mi!)

11. “Mi n’ ta kere ku lo bai tin un momentu ku mi lo ning’é, si mi ta kansá mes, mi ta hasié tòg, pero ta bis’é ku mi ta un tiki kansá kisas dor di trabou ya e sa. Òf si m’a gusta di aya banda.”

(Gusta aya banda? Kua banda? hmm)

12. “Kisas e dia ei mi no ta sinti mi kurpa masha bon. Òf ora nos pleita lo mi tent’é i ning’é djis pa tèr e.”

13. “Pasó mi n’ ke, kla!”

(Oh yu)

14. “Kontinuidat, rutina, kustumber.”

15. “Ora e h*de hopi. Ora nos pleita òf e bisa mi e tei sali etc, e so ta sali pues ta straf’é.”

(Ma si b’a pleita kuné ta ku ken k*** bo k’e pe sali?)

Si nos kompará kontesta di e hòmber e e muhénan, ta parse tòg ku muhé tin yen motibu pa ninga sèks, prinsipalmente ora di pleitu/diskushon. Ke men nan mes ta bisa ku hòmber ta ninga sèks, pero nan mes ta yen motibu pa ninga sèks? ‘Confusing’

Cheating women 4Si boso tin mas ku un siman kaba sin sèks, i bo pareha pidi sèks, bo ta sinti ku bo tin ku kumpli ku bo pareha seksualmente maske bo no tin gana?

Si    20 (62%)
Nò    12 (38%)

Den e 12 personanan ku a kontesta “Nò” tin dos respondente maskulino. Tur dos tin/tabatin 15 aña den un relashon!

Si bo pareha riba un base konstante no ta asina interesá mas den sèks, kiko abo lo hasi?

E respondente maskulino nan kontesta riba e pregunta aki tabata entre otro:

1. “Dal esnan afó. Pasó esnan afó si ta pidi konstantemente!”

2. “Komuniká kuné wak kiko ta e problema.”

3. “Papia kuné wak dikon e deseo seksual a baha asina drástiko.”

4. “Lo mi buska algu pa lanta e deseo seksual bèk den dje.”

5. “Ja, ami no ta wòri.”

6. “Lo mi buska e forma di hasi e kos ‘hot’ pe por sinti su mes atraé dor di mi i asina nos tur dos ta satisfasé otro.”

7. “Nos lo papia wak ta kiko tin ku ta molestiá otro ku e no tin gana.”

E respondente femenino nan kontesta tabata lo siguiente:

1.“Puntr’é ku e ke su espasio pa e pensa kiko e ke pasó ami no ke niun hende stroba mi progresá. Si e no komprondé mi ta splik’é ku ami ta terminá e relashon!”

2. “Mi lo papia kuné i puntr’é ki ta pasando kuné. Tin chèns ku e kos lo bira diskushon!

3. “Lo mi hasi ‘stiptease’ baila baile erótiko su dilanti i si e no ta reakshoná lo mi puntr’é kiko ta e motibu i si mi no por haña un kontesta satisfaktorio sòri, lo mi buska seks afó.

4. “Kana den ‘lingerie’, ku ‘wijntje’ den kama Drumi pegá pegá kune i preferibel sunú!

5. “Hopi rabia mi ta haña. Pero mi ‘vibrator’ ta hasi su trabou normal! Anto si e ora ei e ke sèks, su asuntu. pasó e or’ei ami ta den mi ‘ehehe’ anto lo mi no sèks kuné!

6. “Mi a warda ku pasenshi, despues m’a buska tur manera pa keinta e kos bèk. Te ku despues m’a bai lag’é. Ora ku m’a bai lag’é e tabata loko loko ta buska d*nd*n. Mi n’ por gaña mi tabata stim’e pues ta tin par di biaha ku wega a bai ròndu. Pero aworakí si, lubidá!. Mi tin mi papi nobo ku si ta apresiá mi pa e hende ku mi ta i e energia seksual ku ki tin.”

7. “Promé fase ta di papia kuné pa wak ta kiko t’e problema i si no tin kambio, ta buska un ‘byside’ òf ta legumai e relashon.”

8. “Preokupá pasó e shon aki stima sèks.”

9. “Papia kuné na promé lugá. Si esei no yuda, nos ta sigui pa ‘counseling’.

10. “Puntr’é ta dikon, prinsipalmente si nos no a kustumbrá asina. Si e no ke duna motibu, bis’é ku lo mi buska un ‘invaller’ p’e te dia su A.O. kaba, pasó mester hunga si.”

(Whahahahahaha, ‘invaller’)

cheating women 3A yeg’i sosodé ku despues di un tempu largu den relashon, bo a bin pèrdè interes di sèks por kompletu ku bo pareha?

Un respondente maskulino so a kontesta “Si”, tur sobrá (6) a kontesta “Nò”.

Esun ku a kontesta “Si” su splikashon ta lo siguiente:

“Pasó e relashon ta bai mas abase di kustumbrá ku otro i yu.”

13 respondente femenino a kontesta “Nò”.  Di esnan (12) ku a kontesta “Si” nan motibunan ta lo siguiente:

1. “Pa motibu di problemanan familiar.”

2. “Pasó kada bes bo ta deskonfiá pasó algu a yega pasa un bes den bo pasado. Ami no por keda komo e víktima ku abo ta bin baha bo fustrashon i despues di ‘zuer’ bo ke bisa despensa, mi tin ku sigui tuma bo sòri ku bo a ofendé.”

(E kontesta aki no tabata muchu kla pa mi. Mi a kambia algun kos, pa hasié mas ‘duidelijk’. Mi ta spera ta esei e persona kier a bisa.)

3. “Pasó ora mi ke sèks semper bai tin un preteksto i e manera di hasi sèks no ta bai meskos mas i di mes e smak tambe ta baha i kaba na nada.”

4. “Pasó despues di hopi problema hopi kòrtament’i orea mi interes i deseo seksual den dje a simplemente kita. Mi tabata hasié tin ora si pero solamente pasó ami no kier a kòrta su orea i tambe pa kumpli ku mi deber komo “kasá”!”

5. “Pasó pa un ratu m’a bira desesperá i pensa ku ta ami no ta atraktivo mas i a kòrta orea un biaha. Despues ku m’a hasi esei e gana pa ku mi pareha a bira ménos.”

(Awó mi ta mira ku hende muhé ta kòrta orea na òrdu.)

6. “Mi tin 10 aña ku mi frei i e ta mi promé. Na un dado momentu bo ta sinti ku bo ke konosé otro tipo di hende (seksualmente). Pero ta wante numa.”

7. “Pasó e ta bira kustumber! E ta bira kos di tur ora.”

8. “Pasó e la bira mané laf, mi no sa si ta su edat lo ta hunga un ròl. Pero tòch mi no ta lag’é.”

9. “Pasó mi a sospecha kòrtament’i orea mirando ku su yalursheit a kue direkshon hopi ekstremo, ‘y siempre cree el ladron que todos son de su condicion!’”

10. “Awèl aktualmente mi ta den e relashon di mas largu ku mi mi tabata tin. Mi relashonnan anterior nunka a dura mas ku 9 luna. No hari! E kos ta ku mi no ta gusta pèrdè mi tempu den kos ku no ta bai.”

(Esaki tabata kontesta riba e pregunta?)

11. Pasó mi pareha tabata ke sèks so, i mi no ta ‘sex machine’ òf ‘sex toy’. M’a buta un paro. Mi no a sèks mas entre dos pa 3 siman sigur. Pa mi di malu el a bai busk’é afó (kòrta orea).”

(B’a spera k’e ta bira pastor katóliko den e simannan ei?”

12. “Pasó mi a sèks ku otro persona afó y ma gusta aya banda.”

(Ow, te kos aki e shon ke men ku “aya banda”. Si e kos aki pasa mi, ami ta bula fo’i brùg.)

cheating women 2A yeg’i sosodé ku abo òf bo pareha mester a buska yudansa médiko pa subi e deseo seksual?

Tur respondente maskulino a kontesta “Nò”

Tur respondente femenino tambe a kontesta “Nò” Un di nan a yeg’i pens’é si pasó tur ora e ta kla bai guera i su pareha aparentemente no.

Danki Dios mi no a bira terapista seksual, si no awe lo mi ta kome pan seku duru ku mi tin ku dòp den awa kayente pa mi por kou!

Despues di a lesa tur esakinan, kiko ta bo konklushon?

Ami tòg ta bai bèk na kapítulo diestres di Kibra Hacha! Pa ami un hòmber den relashon largu lo ninga sèks, simplemente pasó el a kustumá ku e muhé, i simplemente e no tin mesun tantu interes mas. Den su kabes e tin “a yega tempu pa sèks ku otro muhé” Awó si e no ta sèks ètòl mas, e ora ei sea e ta bebe muchu, òf e ta huma muchu, òf e ta uza droga, òf el a bira bieu, òf e tin problema mental/físiko òf e ta mar*ku.

whatif

[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.