“Mi a realisá ku bida ta muchu kòrtiku!”

Reading Time: 5 minutes

Un historia sumamente interesante i bale la pena pa lesa!

Mayoria hende segun nan edat ta subi, ta buska stabilidat den bida, esta un kas propio, trabou fiho, krea famia i buska manera pa subi nan entrada mensual tur dia di nobo. Pero na final di bida, hopi hende ta puntra nan mes si ta esaki ta e propósito di bida.

Alvaro Neil, un hòmber spañó di 47 aña di edat, a disidí di hasi algu diferente ku mayoria di nos lo no tin niun tiki kurashi pa hasi. Na 2004 Alvaro a disidí di kita for di su trabou di abogasia, tèrmina relashon ku su frei, i dediká tempu ‘full-time’ na un proyekto ku el a yama “miles for smiles”. Den e proyekto aki Alvaro ta ‘travel’ diferente pais riba su baiskel i duna show komo payaso, mago i malabarista na mucha i hende grandinan ménos privilegiá.

Spanish clown Alvaro Neil presents "magic egg" as he performs for Pakistani street children in their charity school Rah-e-Amal on 10 November 2008 in Rawalpindi. The school is an unexpected opportunity for the poorest of kids to escape from miserable street survival and connect to an education system. Globetrotter Neil cycles around the entire world on a fully loaded 85 Kg heavy bike to live his dream of “Miles of Smiles Around the World.” Starting in November 2004 he cycled through most African countries. He arrived in Northern Pakistan from China after a trip through Middle-East and a lot of "Stans". Nepal and Mongolia are next on the list.  Spanish clown Alvaro Neil performs for Pakistani street children in their charity school Rah-e-Amal on 10 November 2008 in Rawalpindi. The school is an unexpected opportunity for the poorest of kids to escape from miserable street survival and connect to an education system. Globetrotter Neil cycles around the entire world on a fully loaded 85 Kg heavy bike to live his dream of “Miles of Smiles Around the World.” Starting in November 2004 he cycled through most African countries. He arrived in Northern Pakistan from China after a trip through a lot of "Stans". Clown Alvaro hopes to bring free smiles to the kids of Nepal and Mongolia soon.Alvaro, mihó konosí komo ‘biciclown’, ta básikamente biba riba su baiskel. E ta karga tur su paña i materialnan den diferente tas ku e ta karga riba e baiskel ku tin un peso total di 55 kilo. Te ku aworakí Alvaro ta hasiendo e trabou aki pa 11 aña largu, el a bai 82 diferente pais i a kore un total di 143 mil km riba su baiskel.

Alvaro Neil 1Kon bin Alvaro a disidí hasi esaki?
Despues di basta aña trahando komo abogado na Madrid, Alvaro a realisá ku bida ta muchu kòrtiku. E tabata manera un aktor den un pelíkula, pero e no tabata gusta su ròl. El a disidí ku e ta bai skibi su mesun pelíkula i kambia su ròl kompletamente.

Alvaro a biaha promé pa Afrika, kaminda el a duna diferente show. Por ehèmpel na 2007 e organisashon di Krus Kòrá internashonal a pidié pa e duna un show di 50 minüt na un kampo pa hendenan den refugio na Tanzania, kaminda e tabata tin un públiko di 2000 persona. Na 2011 Alvaro tabata na Hapon na momentu ku Tsunami a dal e pais, i e tabata purba pone un sonrisa riba kara di e víktimanan.

Alvaro Neil 2Kon Alvaro ta finansiá e proyekto aki?
Alvaro ta biba pa 60% riba su sènnan ku e tin di spar, 20% dor di sènnan ku e ta risibí dor di buki i dokumentalnan ku e ta produsí di su biahenan, i 20% donashon. E donashonnan a bira ménos ya ku diferente kompania na Spaña ya no ta spònser e mas dor di e krísis finansiero.

Alvaro ta biba riba un ‘budget’ di 250 dòler pa luna. Segun e, e no tin mester di mas sèn. Aunke na sierto paisnan karu manera New Zealand, Oustralia i Hapon e mester a kasi duplika su ‘budget’.
Alvaro no ta kobra a ni un depchi pa su shownan. Segun Alvaro, e sonrisanan ku e ta haña di kada show ta su rekompensa di mas grandi. Úniko kos ku e ta pidi ta alohamentu. E ta drumi den kualke garashi di bombero, warda di polis, hospital òf kualke lugá ku por dun’é un alohamentu.

Alvaro Neil 8Den un entrevista ku CNN en español, Alvaro a bisa ku si bo tei riba e mundu aki i bo no ta kumpliendo ku bo soñonan, bo ta pèrdiendo bo tempu. Si bo a bin na e mundu aki pa gana plaka, bo ta un persona miserabel. E kos di mas importante ta pa bo sigui bo kurason.

Riba su blog www.biciclown.com Alvaro a bisa lo siguiente:

“Dia mi ta kla ku e proyekto aki (banda di 2017) lo mi regresá bèk mi pais ku 50 piku aña, un edat difísil pa drenta merkado laboral atrobe. Pero lo mi no ke regresá pa traha. Mi no a bin na mundu pa mi traha, sino pa mi ta felis. Mi a skohe e rumbo aki, pasó den santana tin míles di hende ku a muri ku un soño. Ami no ke ta unu mas. Dia ku morto bati na mi porta, mi ke pa e haña mi ku mi sakunan blo bashí, pero ku mi kurason yen di paisahenan bunita i hopi sonrisa. Na e momentunan aki mi no tin niun plan di penshun, i mi no tin kunes ku nan a subi e edat di penshun te na 67. Mi ta felis, mi ta drumi sin strès, sin hansha, i sin bebe niun remedi. Un hende a yeg’i bisa ku bo no tin ku warda te ora bo tin hala pa bo bula, sino bulando bo halanan ta krese. Ami ta bisa ku bo tin ku bula sin wòri ku bo tin hala òf no.”

Alvaro Neil 6

Ami komo persona ku mayoria hende ta yama ‘apart’ ta atmirá e hòmber aki. Mi no ta atmirá hendenan ku ta biba den kas di 2 piso, ku muraya haltu, bisti paña karu i kore outonan luhoso. Mi ta atmirá hendenan humilde ku hasi loke nan ke, i ku tin un meta di ke hasi diferensha positivo den bida di otro. Mi ta kita mi pèchi pa Sr. Alvaro Neil!

Alvaro Neil 3

Alvaro Neil 5Fuente: BBC. Biciclown

[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.