Grupo chines interesá pa invertí den Refineria Isla!

Reading Time: 3 minutes

Un delegashon di konsulado chines huntu ku representantenan di e kompania chines CMEC Engineering Machinery Import & Export Co Ltd a hasi un bishita na Refineria Isla riba invitashon di Multidisciplinair Projectteam (MDPT) ku tin negosiashonnan pa ku e futuro di Refineria den su man.

E delegashon chines a risibí un rekorido den Isla i tambe na Bullenbaai. Durante e bishita di e grupo chines na e planta di Curaçao Refinery Utilities (CRU, ántes BOO) i tambe n’e planta di refineria ku ta produsí koriente, awa ku mi n’ sa kiko mas, por a mira interes di e grupo den e planta.

Delegashon chines 2

Nan por a saka un mihó potrèt si…..mi ta haña!

Manager di CMEC, Zhao Yan tabata hasi diferente anotashon i tambe a hiba diferente kombersashon ku e manager di e planta. Tabata remarkabel ku Yan tabata bon na altura di e struktura organisatorio kompletu di CRU i kon tur kos ta hinká den otro referiendo na kon CRU ta funshoná den relashon ku gobièrnu, Isla i Aqualectra.

Aparte di e presidente di MDPT Werner Wiels, tambe tabata tei presente demas miembronan di MDPT Jaime Sola, èks direktor di Shell Kòrsou i Ruben Roosberg, èks spesialista di planifikashon di PDVSA.

Pa representá e kompania di gobièrnu Refineria di Kòrsou (RdK) tabata tei presente e direktor José Van den Wall-Arnemann, presidente komisario Mariselle Maduro, komisario Ruper Arindell i funshonario di PR Kristel Salsbach.

Durante e rekorido e grupo chines a mira e planta den su totalidat, e asta tur e pipa bieu mal frus nan ku tin eiden. E grupo chines a saka diferente potrèt i tambe kue muestranan di materialnan straño ku ta bula bai bin eiden.

Manager di CMEC a bisa ku e no ta solamente mira diferente posibilidat pa mehorá (upgrade) e planta, pero tambe oportunidat pa traha riba e planta den futuro.

Refineria IslaCMEC ke establesé su mes na Kòrsou i uza Kòrsou komo base pa proyektonan di region. MDPT ainda ta trahando riba dokumentonan informativo pa posibel invershonistanan i lo anunsiá den e aña aki ki dia lo tene un destaho públiko.

Na final di e rekorido, e grupo a bai kome na un restorant chines. (Anto ami a kere sigur ku nan lo a bai kome kuminda krioyo.)

Mi a bisa na diferente okashon ku mi no sa pa kiko nos gastando nos tempu ku idiomanan manera Hulandes. Masha dia nos mester a inkorporá Chines den kuríkulonan eskolar.

Awendia tin hende ku ta mira e importansha i ta paga lès pa bai siña chines. Pero abo no mester mas. Spar bo sèn. Pronto chinesnan lo poderá di mundu kompletu, i nan lo obligá nos tur pa siña chines al estilo ‘bootcamp’.

Fuente: Antiliaanse Dagblad

[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.