Hende muhé tin mas deseo seksual kompará ku hende hòmber den un relashon largu?

Reading Time: 8 minutes

Den mi buki Kibra Hacha mi a trata e tema ku si hòmber tin mas deseo seksual kompará ku hende muhé, mirando ku mayoria hòmber tin ku gaña, boga, sklama, saka sèn, i tira liña riba yen muhé pareu djis pa por yega na sèks. Si bo no a lesa e buki, ainda bo no ta lat. Buska di bo na Mensing’s Caminada pasó un bes aki lo no tin mas!

Promo pic fullTa konosí, i hopi hende ta hasi wega kuné, ku asina e hòmber drenta matrimonio e por bien lubidá ku e lo sigui haña sèks ku regularidat. No ta ami di, bo por haña un mion di e chistenan ei riba Internèt.

Pero mi a risibí e siguiente pregunta den mi ‘inbox’ ku a sorprende mi:

“Den un ‘ladies night out’ , nos tabata diskutí ku muhé su libído i ‘sex drive’ ta mas ku un hende hòmber prinsipalmente den un ‘long term relationship’. Lo ta interesante pa tende bo opinion.”

Den mi buki mi a splika diferente motibu pa kual mi ta konkluí ku hòmber tin mas deseo seksual ku hende muhé. Pa kuminsá, pasó sèks ta djis un akto físiko pa hòmber i ora e haña gana di sèks, e ta simplemente sali i buska sèks. Sinembargo muhé mester sinti yen kos adishonal. Nan mester tin bon beis, nan mester ta trankil, nan no mester ta kansá,  nan mester ta sin strès, kas mester ta limpi, kama mester ta drechá, tur paña mester ta labá, striká i nèchi poné den kashi. E muchanan mester a kaba di traha nan tarea di skol, kurá mester ta limpi, tur debe mester ta pagá, outo mester ta limpi ku gasolin den dje etc, i ora tur e kosnan ei ta na òrdu, e ora ei numa e por evalua si e ke sèks.

Oké, kisas mi ta eksagerá. Nan no ta wòri si e outo ta limpi. Tur e sobrá kosnan si! 😀

Begging for forgivenessKiko lo por pone un hòmber su libído baha?
Por lo general tèstòsteròn ta e hormona ku ta sòru p’e deseo seksual den hende hòmber. (Den hende muhé tambe.) Produkshon di tèstòsteròn ta baha segun edat ta subi. Otro motibunan por ta medikamentunan antidepresivo òf remedinan pa baha preshon di sanger. Kansansio tambe por ta otro motibu (falta di energia), uzo eksesivo di droga i alkohòl tambe por tin nan efekto riba e deseo seksual. Anto mas ku klaro un hòmber insatisfecho ku e relashon òf den e pareha mes tambe ta baha e deseo seksual. Tin muhénan ta kana hinter dia den bata tur kibrá, kleps den kabei, nan man ta hole detòl, anto nan kier sa ku anochi e hòmber no tin ku bai buska sèks serka otro muhé.

Un relashon largu ta bira suseptibel pa kustumber, i esei hasi e sèks ku e mesun persona menos eksitante kompará ku tempu e relashon tabata nobo. Ni maske kiko e muhé hasi, esta pega peluka ku ‘wimpers’ falsu ku uña falsu, hasi e chanchan un tiki mas bòl, buska ‘sex toys’, etc, no ta yuda. Echo ta ku e persona a keda meskos. Kisas si e bin ku un amiga si, e kos lo por drecha un tiki. Si tur siman e bin ku un amiga diferente, e kos lo por bira muchu mas ‘leuk’. pero ya, ta mi ta papia mi kos. No wòri ku mi. Djis chèk e video aki:

En todo kaso, mihó mi bai puntra hende kiko nan ta pensa tokante di e tema.

Mi a manda un lista di pregunta pa 56 persona ku boluntariamente a pone nan mes disponibel pa kontesta kualke pregunta ku mi tin. Mi a haña 32 kontesta so bèk. (Riba flohera bosnan ta anto?)

En todo kaso. Di e 32 respondentenan 25 ta femenino i 7 maskulino. Ban wak kiko nan tin di konta:

E relashon di mas largu ku bo tabata tin a dura kuantu aña?

E persona ku relashon di mas largu ta di 22 aña, i esun mas kòrtiku 3 aña. E promedio ta di 8 aña.

(Hopi bon. Di baina ami por keda 1 siman den relashon ku un hende.)

Si bo ta biba ku bo pareha, kuantu biaha pa siman lo ta ideal pa sèks sosodé riba un base konstante?

Pa siman no, ménos ku esei   1 (3%)
Un bia pa siman    1 (3%)
Dos te tres bia pa siman    14 (44%)
Kuater te sinku bia pa siman    8 (25%)
Tur dia, i sosegá un dia    2 (6%)
Tur santu dia lo mi ke sèks    6 (19%)

E persona ku ta kere ku sèks mester sosodé ménos ku un bia pa siman ta un persona maskulino ku tin/tabatin 15 aña den un relashon, i esun ku ta bisa un bia pa siman ta un persona femenino ku tin/tabatin 5 aña den un relashon. Di e 6 respondentenan ku ke sèks tur santu dia, 4 ta femenino i 2 maskulino.

Segun e relashon ta bai, ta aseptabel pa bo ku e frekuensha di sèks ta bira ménos?

Si    12 (38%)
Nò    20 (62%)

(Segun ami esei ta algu normal. Plùs mi ta kere lo bo ta kansa di sèks ku e mesun hende tambe. Pero no wòri ku mi. Ko’i kansá lo mi ta papia!)

A yeg’i pasa ku abo tabata tin gana di sèks i bo pareha no òf vise vèrsa?

Si    26 (81%)
Nò    6 (19%)

(Segun mi esaki tambe ta algu normal. Tur hende por tin un ‘off day’.)

El a yeg’i pasa asina tantu t’e ku e kos a kousa insatisfakshon/diskushon/pleitu?

Si    13 (41%)
Nò   19 (59%)

(Esaki si no ta bon. Ami ta bula waya mesora!)

Di e 13 respondentenan ku a kontesta “Si” mi a puntra nan kiko tabata e motibu di e apstenshon ku a kousa e insatisfakshon/diskushon/pleitu? (E motibu ku no tabata tin sèks)

E motibu di e respondente maskulinonan ta lo siguiente:

1. “E ta kansá òf tin doló’i kabes.”

2. “Mi tabata kansá diariamente e temporada ei pasó mi tabata traha 7 dia pa siman i 12 ora i òf mas. Pues mi tabata keda hopi kansá i no tabatin deseo seksual pero mi pareha si.”

3. “Paso ya, no tin ‘feelings’ mas pa ku e persona.”

E motibu di e respondentenan femenino ta lo siguiente:

1. “Bida muchu drùk/kansansio di kosnan diario.”

2. “Deskonfiansa.”

3. “Dor di hopi strès i kansansio pa un periodo largu.”

4. “E pareha ta yega vários bia ku e preteksto ku e ta kansá i tin doló’i lomba òf doló’i kabes.”

5. “E tabata haña ku mi ke frei konstantemente, i tabata haña mi no ta tene kuenta ku e tin ku traha mainta. Pues e tabata subi kama lat i kuchi kuchi pa mi no lanta fo’i soño.”

6. “Simplemente mi pareha no tabatin gana. Pasó e tabatin strès òf ‘some kind of BS’.”

7. “Motibu di salú. El a hasi un operashon i ami a tene kuenta ku esei. Despues kompai ta bin buska kos siendo ku e no tabata kla den mi konsepto ainda pa hasi nada. Pero ya, hende mi ta i pa no trapa su ego ta bai guera. Pero despues di esei e sèks a bira ménos i pone ku ami no por a komprondé dikon dia e tabata malu òf basta bon si tabata buska d*nd*n anto ora el a bira bon e no sa mes ku e d*nd*n tei.”

8. “Pareha no tabata ke sèks sea pasó e tabata “kansá”di trabou, òf simplemente e no tabatin gana di sèks. (E NO ta wòri masha ku sèks maske ami SIIII.)”

9. “Rutina.”

10. “Simplemente pasó mi no tabata ke anto e ta bira k*ño zundra.

(Nota: Den e formulario mi a hasi un fayo chikí i a pone ku e pregunta aki no por keda bashí. Un persona a duna mi e siguiente reakshon:

“E mester keda bashí pero e no ke ‘submit’ p’esei m’a skibi tòg pe stòp di h*de.”

Ora mi a lesa e kos aki, m’a hari te kai fo’i mi stul. Ora mi a bin bei mi a koregí e fayo. Danki pa a avisá mi.)

Biniendo bèk, mi no tabata tin idea ku hende hòmber tambe tin tantu esküs pa ninga sèks asina.

Apstenshon a yeg’i pasa asina tantu t’e ku bo mester a buska sèks pafó dj’e relashon (kòrta orea)?

Si    7 (22.%)
Nò    25 (78%)

Di esnan ku a kòrta orea pa motibu di apstenshon den relashon, sinku di e respondentenan ta femenino i dos maskulino.

Kuantu tempu a pasa di mas tantu sin ku abo i bo pareha a tene relashon seksual?

Ménos ku un siman    7 (22%)
Entre dos pa kuater siman    19 (59%)
Entre un pa dos luna    1 (3%)
Mas ku dos luna    5 (16%)

Di e respondentenan ku a yeg’i keda mas ku dos luna sin sèks ku nan pareha, 4 di nan ta femenino, entre nan un ku tin/tabatin e relashon di mas largu di 3 aña. E respondente maskulino tin/tabata tin 15 aña den un relashon.

Mi ta laga bosnan ku e video di Chris Rock aki:

Nos ta sigui otro siman, pasó dor ku mi ta dediká asina hopi tempu na e artíkulonan aki mi ta neglishá mi propio pareha. Pues mi ta bai dediká tempu na dje promé ku e bai kòrta mi orea ku e hòmber ku e ta kasá kuné ei!

To be continued[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.