Hòmber ta haña kastigu di prizon despues di a infektá múltiple pareha ku HIV!

Lei na estado di Missouri na Merka ta eksigí pa tur hende ku ta infektá ku HIV, pone nan pareha na altura di esaki, aunke ku bo ta uzando remedi pa limitá riesgo di transmití e vírus.

Michael Johnson, un èks luchadó di ‘wrestling’ universitario ku tèst positivo na HIV, ta enfrentando seis akusashon di kual den sinku di nan el a keda hañá kulpabel te ainda. E akusashonnan di kual el a keda haña kulpabel di dje ta di a infektá un pareha deliberadamente ku HIV, intento pa deliberadamente infektá un pareha ku HIV, i tres akusashon pa a eksponé parehanan deliberadamente na HIV.

Michael Johnson 2Michael ku ta yama su mes “Tiger Mandingo” a tèst positivo na HIV for di 7 di yanüari 2013 dor di departamentu di salubridat na Missouri, pero e estado ta bisa ku Michael a tèst positivo na HIV for di 2011 na estado di Indiana.

Johnson ta keda akusá di a ninga di informá seis di su parehanan ku e tin e vírus di HIV, i el a pega dos persona ku HIV via sèks anal, a intentá na eksponé un persona na HIV via sèks anal, pero e vírus no a transmití, i a eksponé tres persona na e vírus di HIV.

Tur seis demandante ta maskulino i ta bisa ku Johnson no a informá nan ku e tabata tin e vírus di HIV. Segun Johnson, nan tur tabata na altura. (Ja ja, i tòg nan lo ke sèks ku bo sin protekshon?)

E kaso a haña un tinta rasista tambe, debí ku 91% di e estado di St.Charles na Missouri ta hende blanku, i solamente un di e diesdos huradonan ta pretu. Pero dos di e seis personanan ku ta akusá Michael ta pretu, i kuater ta blanku i un di nan a bisa ku e ta sintié atraé na Michael, pasó kasi nan no tin hende pretu den e suidat!

Awe e sentensia di Michael ta bai kuminsá, i lo tin di bai enfrentá mínimo 10 aña pa máksimo 30 aña di kastigu di prizon!

Mi ta haña e lei aki tremendo i mester bin kuné na Kòrsou tambe. Na promé lugá, tur hende mester ta na altura di kualke malesa seksualmente transmití ku nan lo por ta infektá kuné, i na di dos lugá, nan mester informá tur e personanan ku nan ta seksualmente aktivo kuné.

E úniko problema ta ku na Kòrsou prizon ta yen kaba, anto si un hende infektá bai será e ta pega tur sobrá! Òf lo mester será nan den un kouchi apart!

Michael Johnson

Komportá bu den prizon, hang!

Fuente: Buzzfeed

[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.