22 di mei: lansamentu ofisial di ‘Awa, Habon ku Past’i Djente’ na Biblioteka Públiko!

Reading Time: 2 minutes

Loke tantu bo tabata sinta warda p’e porfin ta bai yega. Aunke bo no a warda hopi, ta dor ku bo ta impasiente bo kier sa ku bo a warda hopi. Pero en todo kaso…..

Djabièrnè 22 di Mei di 5or pa 6or na Biblioteka Nashonal Kòrsou, lo bai tin e lansamentu ofisial di e buki ‘Awa, Habon ku Past’i Djente’ den estilo di un konferensha di prensa kombiná ku un ‘Happy Hour’.

Den e konferensha di prensa lo bai tin nada mas i nada ménos ku un konferensha, kaminda prensa lo tei presente. Durante e ‘Happy Hour’, lo mi mester sòru pa bo ta ‘happy’, pero bo ‘happiness’ no ta den mi man, pues lo mi purba pa e ‘hour’ en todo kaso no hasi bo ‘unhappy’.

Lo mi hiba palabra kaminda lo mi splika algu kòrtiku di tantu ‘Kibra Hacha’ komo di ‘Awa, Habon ku Past’i Djente’.

Mas ku klaro esnan ku ta haña ku nan a warda muchu kaba, por kumpra e buki(nan) mesora serka mi. Si bo ta desea pa mi firma bo buki, esei lo ta posibel. Si bo ta desea pa mi pinta den dje, esei tambe lo ta posibel, aunke mi no ta pinta masha bon si.

Lo bai tin algu di kome i bebe pa tur hende. (Bon ya, esei ta dependé kuantu hende bin. Si e ko’i kome nan no yega, bosnan lo tin ku partinan entre esnan presente. Por fabor, no bini ku hamber. No ta bufèt ‘a la carte’ tin.)

Si bo ta hende muhé, bisti ‘casual’ pero nèchi ku un paña ku ta resalta bo pechunan, anto uza un kolonia ku ta hole bon. Si bo ta hende hòmber……hasi kiko ku bo ke.

Mi ta warda bosnan!

DSCN2508

Yves Cooper, puntrando su mes dikon hende muhé kier sa ku nan bida ta duru, kaminda e buki ta bisa klaramente ku ta e bida di e hende hòmber t’esun di mas duru!

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.