A detektá un otro vírus paresido na Chikungunha!

Reading Time: 2 minutes

Ministerio di Salubridat ta atvertí pa aparishon di un vírus meskos ku Chikungunha riba nos isla. Segun informashonnan di WHO (World Health Organization) tin un vírus ku yama Zika (ZIKV), ku ta hasiendo e hendenan malu na Brazil.

E síntomanan ku Zika ta produsí ta meskos ku di Chikungunha i di Dengue, pues keintura haltu, doló den skarnirnan i eksema na kueru (rash). Epidemiologo Izzy Gerstenbluth ta konsiente di e menasa di e vírus aki, pero ta bisa ku ainda falta investigashon pa determiná ku si ta trata enbèrdat di e vírus Zika. Si ta asina, e ora ei lo ta promé bia ku Zika ta keda detektá den Amérika.

Zika ta un flavivirus ku a keda aislá pa promé bia for di un makaku rhesus ku a keda infektá den e mondi Zika na Uganda na 1947. Nunka promé e virus aki no a keda detektá pafó di Asia i Afrika.

Na Febrüari nan a kuminsá detektá kasonan na suidatnan nòrt di Brazil, kaminda pashèntnan ta keha di grawatashi, keintura, doló di kabes, man i pianan ku ta hincha i dolónan muskular. No tin niun kaso di morto ainda.

E epidemiologo ta bisa ku tin chèns ku un brote di Zika lo por yega Kòrsou. Ta konsehá e hendenan pa tuma e mesun prekoushonnan ku mester a tuma pa Dengue i Chikungunha (E prekoushonnan ei a yuda?)

“Nos mester ta sigur ku no tin forma pa e brui, debí ku e vírus aki tambe ta keda transmití pa un sangura. Nos mester protehá nos mes bistiendo karson largu i pañanan ku manga largu. Evitá di sali kas ora ku sanguranan ta pikando. (Tin un ora ku nan no ta pika?) Unabes un persona keda infektá, e lo keda malu entre dos pa shete dia”, segun Gerstenbluth.

Informashonnan ta mustra si ku a keda konfirmá di ta trata di Zika mes ku a keda detektá na Brazil, i ta promé bia ku e malesa aki a drenta e hemisferio di Amérika.

Kemen Kòrsou…..preparábo!

Parse ku ta sangura famia di Aedes Aegypti ta transmiti e virus Zika tambe. Mi ta kere a yega tempu pa nos yama Rambo pa kaba ku e insekto aki!

Parse ku ta sangura famia di Aedes Aegypti ta transmiti e virus Zika tambe. Mi ta kere a yega tempu pa nos yama Rambo pa kaba ku e insekto aki!

Fuente: Curaçao Chronicle

[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.