Kon pa responsabilisá gastunan di un investigadó privá?

Reading Time: 3 minutes

Mi ta un hòmber ku ta atmití ku mi no ta perfekto. Mi tin mi inseguridatnan. Un bia un èks frei di mi a kòrta mi orea ku mi mió amigu, i awor mi tin miedu ku tur muhé lo kòrta mi orea.

Mi tabata hasi yen kos di paranoya ku mi kasá dor di mi inseguridat, esta vigil’é, konrol’é, koba den su telefon lesa mensahenan etc. Algun tempu pasá el a sinta papia serio ku mi ku e no tin nesesidat pa kòrta mi orea, pues pa mi stòp di keda hasi kos di paranoya.

Sinembargo tin ora anochi e ta sali kas i bin bèk dos ora despues. Mi no sa unda e ta bai òf ku ken i e kos ei ta molostiá mi. E ta bisa mi ku ta djòg e ta bai djòg, pero e no ke bisa mi unda. E di ku mi mester tin konfiansa den dje ku e no ta bai hasi nada robes.

Ami den mi inseguridat tòg a kontratá un investigadó privá i pa bai spion’é pa mi. Despues di un luna, mi a haña un rapòrt di kon hinter su dia ta bai i bèrdat ta kore e ta bai kore kada bes na un lugá diferente.

Pero awor mi tin ku paga e investigadó privá , i el a kobra mi 700 florin pa e trabou i awor e problema ta bin. Ami ku mi kasá tur luna nos ta traha un budget pa asina tin bista unda nos plaka ta bai. Den e budget di luna aki mi a pone mil florin apart kual mi a yama “Controle kosten”. Ayera mi kasá a tira bista riba e budget i mi a ripara ku el a pone un signo di interogashon na e ‘Controle kosten’.

BudgetAwe tardi ora e bin kas mi tin sigur ku e ta bin puntrami ta kiko e ‘controle kosten’ ei ta. Mi no por bis’é e bèrdat, debí ku mi a primintié ku lo mi no hasi kos di paranoya mas, i el a atvertí mi ku si mi hasié tòg, e lo kita mi outo for di mi pa hinter un siman. E por hasié, pasó t’e a kumpra e outo p’ami.

Sinembargo mi tin un amiga sumamente dushi i bunita ku a bin for di Colombia ku ta bai bèk djadumingu awó, anto mas ku klaro lo mi ku limpi’é promé ku e bai, pues mi mester di mi outo. E 300 florin ku a sobra ta nèt pa mi uz’é pa paga hotèl.

Kon mi por splika mi kasá kiko e mil florin ku a bai na ‘Controle kosten’ ei ta?

Moral dje historia: Si bo konsenshi ta sushi, tur ora lo bo kere ku t’abo t’e víktima!

Private investigator

 

(E historia aki ta fiktisio. E no ta basá riba realidat!)

Si bo gusta tipo di historianan asin’aki, bo no por keda sin lesa: “Awa, Habon ku Past’i Djente”

Coming Soon!

Coming Soon!

[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.