Nan kier a ‘gangbang’ mi!

Reading Time: 4 minutes

Normalmente mi sa konta historianan fiktisio, pero esaki si ta “true story”.

Wilhelmina pleinMi tabata tin un sita ayera ku Sr. Yves Cooper na Wilhelminaplein Punda 3or di atardi. Ora mi a yega Wilhelminaplein, mi ta yama Sr. Cooper, pero su telefon tabata zona pagá. M’a keda wak rònt si mi no ta mir’é sintá, pero nada. Turesten mi tabata wak rònt, mi a kapta dos hòmber ta studia mi. Nan tabata manera sospechoso. Mi a pensa ku nan lo a pensa ku ta polis bistí na sivil mi ta, pasó hende a yeg’i pensa ku ta polis mi ta. Mi no tin idea dikon, pero e sa sosodé si. Nan a keda studia mi intensamente. Den mi so mi di ku e gai nak’i lo ta bendedo’i droga nan ta, i nan lo ta sinti nan menasá ku mi presensia. Mi a bira mi kara masha leu mes pa nan no sinti nan menasá. Kanando rònt ta buska Mener Cooper, un di nan a yama mi. Mi di, akinan m’a kue awa. Nan ta bai basha mi ku bala sigur.

Ku mi pianan ta tembla m’a kana bai serka nan, i esun ta puntra mi na ingles si ta hende lokal mi ta. M’a bis’é “si”. E di ku su amigu tin algu di puntra mi. M’a bira wak e amigu; un tipo kolo skur, tur na barba pretu fastioso, kabes limpi, pero na momentu ku el a kuminsá papia su stèm a sali fini fini. El a puntra mi unda tin bon playa na Kòrsou ku lokalnan sa bishitá. M’a splik’é unda tur e por bai. Despues el a bisa mi ku si mi no tin purá, mi por sinta dal un “drinks” ku nan. Einan m’a bira wak e otro i m’a komprondé tur kos kaba. E gainan ei kier a “gangbang” mi.

M’a ripara ku homoseksualnan ta tira masha pisá riba mi. Mara ta hende muhé tabata tira riba mi asina. Aunke mi tabata tin set si, pero mi a splika nan ku mi ta wardando un hende. Nan a bisa mi ku si e hende dal mi palu, mi por bin sinta serka nan. Den mi so mi di “Ahá, kasi sigur bosnan ke dal mi otro palu”. Si mi lo a kai sinta nan lo a pompa mi sigur.
En todo kaso m’a keda kana rònt ta buska Yves Cooper sin por hañ’é. E gainan tabata keda wak mi sin miserikòrdia. Nèt m’a topa un amiga di mi ta pasa i m’a bis’é keda kana ku mi p’e gainan kere ku mi tin frei. Nan a keda wak tòg. Nos a drenta KFC, bai kumpra un eiskrim, sali pafó ta kome eiskrim huntu, e gainan a keda wak tòg. Nan tabata viola mi ku nan mirada.  M’a disidí duna mi amiga eiskrim via di mi kuchara di un forma sèksi, pa nan mira ku ta mi frei mes e ta, nan a keda mal di lòk. M’a bisa mi amiga laga mi chupa su tetenan, pa konvensé e gainan. Mi amiga a “chuw” mi i kana bai.

Awó m’a keda mi so atrobe i e gainan a bolbe kuminsá yama mi. Aunke mi tabatin set, i un ko’i bebe lo no a kai malu, pero nan ta kapas di basha XTC den mi ko’i bebe kaba hiba mi hotèl anto Diosa kiko lo a pasa despues. M’a kue telefon ta bèl Cooper desesperadamente. Despues m’a pensa ku Diosa no ta Yves Cooper kier a “set up” mi ku dos homoseksual. M’a disidí dal un buèlta den Punda nai wak si e gainan no ta fada bai. Despues di un ratu Yves Cooper ta bèl mi, bisa mi ku e tin ratu sintá na Wilhelminaplein. M’a yega haña Cooper sintá manera kos ku e tin dos ora largu ta warda mi.

Segun mi ta echt un “set up” e kos ei tabata. E lo tabata skondé un kaminda ta vigilá mi pa wak ki desishon lo m’a tuma. Si mi lo a tuma desishon robes, awe tur mi selashi lo tabata plamá rònt Facebook!

Wilhelmina plein 2[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.