Kuantu pareha seksual bo tabata tin den bo bida?

Esaki ta un pregunta ku hende lo no kontesta fásil. Hende muhé lo bisa bo ku esei no ta bo asuntu, hende hòmber lo bisa bo ku nan no ta kòrda.

Segun sifranan di National Center for Health Statistics un hende hòmber den su bida lo sèks ku un promedio di 7 muhé, i un muhé lo sèks ku un promedio di 4 hende hòmber.

Usualmente pa un hende hòmber, sèks ta djis un akto físiko. Pa mayoria hende muhé usualmente e ta muchu mas ku esei. E ta un demostrashon di amor, kariño i pashon kaminda streanan ta lombra, paranan ta kanta, luna ta dal su lus romántiko riba un melodia sinfóniko melódiko melankóliko ec. Algu bastante kursi, pero ya, ta asina algun di nan ker’é i asina nan gust’é.

Bo ta kòrda e esena aki den ‘Fifty Shades òf Grey’?

“Does this mean you’re going to make love to me tonight, Christian?”
“No, Anastasia it doesn’t. Firstly, I don’t make love. I fuck… hard.”

multiple sex partners 4Tin vários hòmber ku gusta “Fuck Hard”. Tin ku ke “fuck hard”, pero no por. Pa un hòmber, ku kada muhé e sèks por ta diferente. Pa e motibu ei kisas por ta bèrdat ku un hòmber no ta kòrda kuantu muhé el a sèks kuné. Tin chèns ku nan no ta ni kòrda e nòmber di tur e muhénan ku nan a yeg’i sèks kune.

Hende muhé generalmente sa kòrda tur, pasó pa nan e sèks tin mas nifikashon. Nan ta keda kòrda nòmber, e fecha ku nan a konosé otro, e fecha ku nan a sèks, e orario, e lugá, ki paña nan tabata tin bistí etc. Hopi chèns ku e tin delaster un detaye skibí di un agènda òf diario tambe.

Pero tin eksepshon. Tin hende muhé ku sèks pa nan ta djis un transakshon finansiero, por ehèmpel un prostituta òf un hende muhé ku ta frei un gai djis pa benefisio. Pa otro muhé sèks ta djis un akto físiko, meskos ku hende hòmber.

Pa ámbos sekso pero usualmente serka hende hòmber ta eksistí trastorno hiperseksual òf mihó konosí komo adikshon na sèks. Pero esei ta un tema pa un otro dia.

Kuantu pareha bo ta kere hende tin promedio awendia den nan bida? Bo ta kurioso? Mi tambe. P’esei m’a bai buska redu pa sa atrobe. Ata e resultadonan aki:

Di 36 kontesta ku mi a risibí 31 ta di hende muhé, 5 hende hòmber.

Na ki edat bo a bira seksualmente aktivo? (Ku sèks mi ke men penetrashon. Den kaso ku si bo ta lesbiana, e akto ku bo ta konsiderá sèks.)

E persona ku a bira seksualmente aktivo na edat mas yòn ta un femenino, i el a bira aktivo na edat di 12 aña.

Tres persona femenino mas a bira seksualmente aktivo na edat di 13 aña.

Seis persona a bira seksualmente aktivo na edat di 14 aña, entre nan dos maskulino.

E persona ku a bira seksualmente aktivo na edat mas haltu ta un persona femenino na edat di 20 aña.

E edat di mas haltu serka e maskulinonan ta 19 aña.

E edat promedio pa e promé bia ku a tene aktividat seksual di e respondentenan ta 16 aña.

Bo tabata den un relashon ku e persona ku a kibra bo virginidat e tempu ei?

22 (61%) di e respondentenan tabata den un relashon ku e persona ku a kibra nan virginidat i 14 (39%) no tabata den un relashon.

E promé bia ku bo a sèks, bo a uza protekshon?

Usualmente adolesentenan ku bira aktivo seksualmente na un edat yòn, dor ku semper nan ta pretende di sa mihó ku tur hende, no sa uza protekshon. Esei ta algu sientífikamente probá.

Di e respondentenan 12 (33%) a uza protekshon e promé bia ku nan a sèks, 24 (67%) no a uza protekshon.

Bo a yega di sèks ku un persona den e promé siman ku bo a konosé/sali kuné?

23 (64%) a kontesta “si”. Probablemente nan no tin mashá temp’i pèrdè.

13 (36%) tin un tiki mas pasenshi, pues a kontesta “nò”. Den nan tin dos hende hòmber.

Bo a yega di sèks ku un persona riba e promé dia ku bo a konosé/sali kuné? ( First date?)

13 (36%) a kontesta “si”. Ke men ègt nan no tin temp’i pèrdè.

23 (64) ta hendenan ku hopi pasenshi.

Multiple sex partners 2Por lo general, kiko sèks ta nifiká p’abo?

11 (31%) di e respondentenan ta konsiderá sèks un akto físiko ku ta kousa hopi plaser i kita strès. No mester tin sintimentu involukrá.

25 (69%) ta konsider’é konsekuensha di un kombinashon di sintimentunan emoshonal ku ta kousa un deseo seksual. Esei ke men ku sin e sintimentunan ei nan no ta sèks.

(Den e 69% tin un respondente maskulino.)

Nifikashon di sèks pa bo durante di bo proseso di madures a kambia òf el a keda meskos?

16 (44%) ta haña ku nan nifikashon di sèks no a kambia den transkurso di tempu.

20 (56) ta haña ku nan nifikashon di sèks a kambia.

Aktualmente kon lo bo kalifiká e mayoria di bo aktonan seksual?

8 (22%) ta kalifiká mayoria di nan aktonan seksual komo un akto físiko ku ta kousa hopi plaser. E deseo seksual ta bin su so! Den e 22% aki tin un respondente maskulino.

28 (78%) ta kalifiká mayoria di nan aktonan seksual komo un konsekuensha di un kombinashon di sintimentunan emoshonal ku ta kousa un deseo seksual.

Usualmente pa hende muhé sèks ta un konsekuensha di un kombinashon di sintimentunan emoshonal, pasó por lo general hende muhé ta mas emoshonal, i pa hende hòmber usualmente e ta un akto físiko. Ke men e hòmbernan ku ta haña ku sèks pa nan ta un konsekuensha di kombinashon di sintimentu sea nan ta wak muchu novela, òf nan tin muchu estrogen den nan kurpa òf un muhe (ku a kousa deseo seksual den nan) a brua nan chip un ratu. Mi ta simplemente bisando e kos manera e ta. Mas ku klaro, por tin eksepshon i nan ta eksistí. Pero manera m’a bisa den mi buki Kibra Hacha, e hòmbernan ei ta mas skars ku awa den desierto di Sahara!

Multiple sex partners 3Kuantu persona bo a yega di sèks en total kuné? (Ku sèks mi ke men penetrashon. Den kaso ku si bo ta lesbiana, e akto ku bo ta konsiderá sèks. Si bo ta biseksual bo tin ku konta hòmber plùs muhé. Mi no a tene kuenta ku edat, pa e pregunta aki, pero di eksperensha nos sa ku mayoria di e respondentenan ta entre 30 pa 50 aña di edat.)

Tres respondente femenino a yega di sèks ku 2 pareha seksual den nan bida.

Un respondente a yega di sèks ku 3.

Shete respondente a yega di sèks ku 4, entre nan un respondente maskulino.

Unu a yega di sèks ku 5,

Dos a yega di sèks ku 6,

Dos a yega di sèks ku 7,

Dos a yega di sèks ku 8,

Unu a yega di sèks ku 10,

Unu a yega di sèks ku 11,

Tres a yega di sèks ku 13, entre nan un respondente maskulino.

Unu a yega di sèks ku 14,

Dos a yega di sèks ku 16,

Unu a yega di sèks ku 18,

Dos a yega di sèks ku 20, entre nan un respondente maskulino.

Dos a yega di sèks ku 22,

Unu a yega di sèks ku 26, kual ta un respondente maskulino.

Unu a yega di sèks ku 27,

Unu a yega di sèks ku 40,

Unu a yega di sèks ku 75,

Anto un respondente maskulino a pèrdè konteo. E di nan ta mas ku 100.

(Mi ta ‘wonder’ si ta sifranan eksakto esakinan ta òf un aproksimashon. Si ta sifra eksakto, mi ta impreshoná. Mi no a hasi e pregunta ei, pasó mi no ke pa bosnan sa kuantu hende di bèrdat a pèrdè konteo!)

Basá riba e sifranan aki, e promedio pa hende hòmber ta 33 pareha seksual i pa hende muhé 13.

Lo bo tin gana pa e sifra aki ta ménos, mas, òf bo ta oké kuné?

17 (47) lo tin gana pa e sifra ei ta ménos,

3 (8%) lo tin gana pa e ta mas,

16 (44%) ta oké ku e sifra.

E respondente maskulino ku a yega di sèks ku 4 persona, aparentemente lo ta deseá pa e sifra ta ménos. E respondente maskulino ku a sèks ku 100+ pareha, tambe ta deseá pa e sifra ta ménos.

15 respondente femenino tin gana pa nan sifra lo ta ménos.

2 respondente femenino ku tabata tin 4 pareha seksual den nan bida lo tin gana pa e ta mas.

1 respondente maskulino ku tabata tin 20 pareha seksual tambe tin gana pa e ta mas.

Lo bo bisa e sifra aki públikamente pa tur hende sa?

13 (36%) no tin bèrgwensa pa bisa e sifra pa tur hende sa, entre nan un respondente maskulino.

23 (64%) probablemente lo ke bai graf ku nan sekreto.

Tur esnan ku lo divulgá e sifra di nan kantidat di parehanan seksual, tabata tin ménos ku 22 pareha seksual den nan bida.

Den e buki/pelíkula Fifty Shades of Grey, Chistian a bisa e frase: “I don’t make love. I fuck… hard” Si un persona ku bo ta interesá den dje pa un relashon bisa bo algu asina, lo bo drenta relashon kuné? (No pensa riba BDSM, djis pensa riba “wild sex”.)

20 (56%) definitivamente lo bai guera ku un persona asina,

16 (44%) lo no bai guera ku un persona asina. Entre nan un respondente maskulino ku tabata tin 26 pareha seksual den su bida.

Esaki tabata e enkuesta. Kisas awor bo tin un indikashon unda abo ta pará. Mi ta sinti si ku aki aya tin algun mentira, un par’i tirament’i pará etc, pero ya, ta asina ta hende.

Ami en todo kaso ta sinti mi bon despues di e enkuesta, pasó ami tabata tin solamente un pareha seksual hinter mi bida, pero pa un motibu òf otro e úniko persona ei ku mi a yeg’i sèks kuné tòg ta yama mi “puto” tur dia djis pasó m’a kòrta su orea ku su ruman, su amiga, su bisiña, su kolega, su prima, su tanta, su mama, su doño di trabou ku por sierto a hasi e kos hinter un drama, plùs su abogado ku el a kontratá pa atendé ku nos divorsio.

(E último parti ei mas ku klaro no ta bèrdat. Hende drechi mi ta :D)

Multiple sex partners[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.