Gresia ke pa Alemania paga nan 305.17 bion dòler pa Segundo Guera Mundial!

Reading Time: 2 minutes

Minister suplente di Finansa di Gresia a bisa djaluna ku Alemania debe Gresia un total di 279 bion euro (305.17 bion dòler) pa reparashon di okupashon di Nazi den e pais durante Segundo Guera Mundial.

Aki na Kòrsou nan lo bisa pa laga pasado keda den pasado. Gresia si no ta pensa asina. Gresia tin dékadanan kaba ta ofisialmente kuantifiká e dañonan ku Nazi a kousa den e pais pa asina nan kobra Alemania.

Alexis Tsipras, Promé Minister di Gresia!

Alexis Tsipras, Promé Minister di Gresia!

For di siman pasá un pènel parlamentario establesé dor di e gobièrnu di Alexis Tsipras a kuminsá traha pa kobra Alemania e debenan, inkluyendo reparashonnan di e guera, pago di un fiansa ku Nazi di Alemania a obligá banko di Gresia hasi i tambe entrega di tesoronan arkeólogo ku a keda hòrtá.

E kampaña pa kompensashon a kue momentum den e último añanan segun ku Gresia ta pasando den problemanan serio dor di medidanan di ousteridat imponé dor di Union Oropeo i Fondo Monetario Internashonal (IMF) a kambio di un reskate finansiero di 240 bion euro pa salba Gresia for di bankarota.

Promé Minister di Gresia a kulpa Alemania frekuentemente pa e difikultatnan ku nan a bin ta pasa aden dor di e ousteridatnan ku a keda imponé riba nan.

Alemania ta ninga e akusashonnan di Gresia i a bisa ku nan a kumpli ku nan obligashonnan kaba inkluyendo un pago di 115 mion marko aleman for di aña 1960.

Lo mi tabatin gana di mira kara di Wolfgang ora el a tende Gresia menshoná e plaka ku Alemania debe nan. Sóbadje e no tin lei ku Gresia pa motibu di e difikultatnan ku nan a bin ta hinka paisnan den Union Oropeo aden. Wak e hòmber aki su kara….e ta pone bo pishi bo paña sin ku bo tabatin pishi!

Minister di Finansa Aleman Wolfgang Schäuble

Minister di Finansa Aleman Wolfgang Schäuble

Fuente:  Newsweek

[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.