Informashon seksual ta importante: falta di informashon por kousa lokura!

Ta imposibel pa un hende sa tur kos. E hende ku ta kere ku e sa ku e sa tur kos ta un persona ku ta sufri di un inseguridat ku e ke skonde ku e sentido di grandesa òf sabiduria.

Sex educationNan ta bisa “wisdom is knowing that you know nothing.” Na momentu ku bo deskubrí ku bo no sa nada, t’e ora ei bo ta bai buska informashon pa bo siña. Falta di informashon ta peligroso. E por kousa ku bo ta tuma mal desishon durante hinter bo bida, i asta kousa lokura.

Un área ku nos hendenan tin hopi falta di informashon di dje ta e área di seksualidat. Seksualidat no ke men papia solamente di kon dushi sèks ta, kon ta chupa pénis, òf kon ta kome un vagina etc. Seksualidat ta hopi mas amplio. Edukashon riba e área di seksualidat ta inkluí temanan riba e anatomia seksual di hende (konosementu di e kurpa humano), reprodukshon seksual, aktividatnan seksual, salú, higiena, relashonnan emoshonal, responsabilidatnan, apstinensha seksual, i kòntròl di embaraso.

Un persona ku no a risibí edukashon seksual di forma habrí di por ehèmpel su mayornan, mayoria bia ta krese ku un bèrgwensa di papia tokante di seksualidat. Durante di su adolesensia un persona asina lo por eksponé su mes na aktividatnan seksual muchu trempan. Mayoria hende di generashonnan anterior tin hopi bèrgwensa pa papia ampliamente tokante sèks i seksualidat. E bèrgwensa aki a stroba nan di komuniká riba e temanan aki ku nan yunan, kual a kousa ku awor nos tin yen mucha ku por haña e informashon ei na skol òf Internèt, pero nunka esei lo por ta kompletu. Konsekuensha di esei ta yen hóben ku diferente inseguridatnan seksual ku ta kere ku nan sa tur kos, pero nan no sa un dònder, i ku ta eksponé nan mes na aktividatnan seksual di forma insigur.

Lamentablemente e bèrgwensa aki serka nos hendenan tin un rais asina fuerte den nan seleber ku a ni e chapi ku Tula tabata ranka yerba bringamosa kuné den mondi di kenepa no ta sak’é afó.

Koro ta un ehèmpel di falta di informashon riba e área di seksualidat. Si bo a lesa mi buki Kibra Hacha, bo mester sa kiko. Si bo no a les’é, mi ta bolbe splika atrobe, pero bo tin ku les’é si, pasó ta yen informashon mas tin aden ku ta importante pa bo sa.

Promo pic fullKoro ta un trastorno mental sikiátriko kaminda un persona ta kere ku su partinan íntimo ta bira chikí dia pa dia te ku e ta disparsé. Na momentu ku e disparsé e persona ta kere ku e lo muri.

E miedu òf ansiedat aki ta mas komun serka hende hòmber den paisnan manera India, China i Hapon, pero e ta sosodé serka hende muhé tambe ku ta kere ku nan pechunan un dia lo disparsé, aunke esaki ta ménos komun. Mayoria di e hòmbernan ku tin e malesa aki a krese ku un falta di informashon tokante di nan fisiologia durante di nan adolesensia. Tambe nan a keda privá di edukashon seksual ku ta splika kon nan kurpa mester desaroyá. Na Merka i Oropa nan ta yama e malesa aki “Genital Retraction Syndrome.”

sex education 2Dòkternan a kuminsá konstatá ku Koro ta birando mas i mas komun den paisnan oksidental, solamente ku den e paisnan aki nan ta vinkul’é ku otro kondishonnan sikológiko. Na Merka por ehèmpel mayoria di e personanan ku ta sufri di Koro ta sufri di otro malesanan mental manera sizofrenia, ansiedat i trastorno dismórfiko korporal. (Trastorno ku ta kousa pensamentunan negativo tokante imperfekshonnan korporal.)

Den investigashonnan ku alemannan a kondusí por a konkluí ku unabes trata e malesa mental adishonal serka e pashènt, den mayoria kaso e síntomanan di Koro ta disminuí. Tambe nan a konkluí ku tin hopi mas tantu hende ta sufri di e trastorno aki ku loke ta keda reportá, debí ku hopi di e personanan aki tin miedu òf bèrgwensa pa reportá esaki.

[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.