“Hende drechi mi ta!”

Djasabra 28 di mart, mi a keda notifiká pa Facebook ku un ‘post’ riba e pagina CuckooPress a keda raportá i konsiderá no apropiá.

Facebook a manda e siguiente mensahe pa mi:

Facebook policy

E ‘post’ ku nan a kita tabata kontené e siguiente foto:

Foto: Bea Moedt

Foto: Bea Moedt

Mi por komprondé pa e persona(nan) ku a raportá e foto na facebook. E foto kisas lo a kousa hopi inseguridat den nan.

Kisas nan ta konsiderá nan mes “hende drechi”, ku no sa someté nan mes na tipo di práktikanan asina. Kisas nan ta haña difísil pa nan prosesá un imágen asina, kual ta pone nan kòrda riba nan “poor sex life”.

Kisas nan ta personanan di integridat haltu, ku ta prizonero di nan propio pensamentunan moral kual ta duna nan bèrgwensa di asta pasa dede mei mei di nan propio pia.

Kisas nan ta yalurs ku otro muhé ta risibí sèks oral di nan pareha, miéntras nan ta kana den bata ku kleps den kabei, anto ku parashut bistí eibou, ku un vagina tur na ‘onkruid” ku a ni e último sòldat di segundo guera mundial ku a keda 30 aña skondí den mondi lo no ke pasa su lenga na dje.

Kisas nan ta personanan religioso, ku ta haña ku un foto asina ta pone ku nos tur lo bai fièrnu dia nos muri.

P’esei mes den mi próksimo buki “Awa, Habon ku Past’i Djente” mi no por a keda sin inkluí dos historia ku ta reflehá e hipokresia di e tipo di persona nan ei. Un di e historianan yama “Un kasá religioso” i e otro yama “Hende drechi mi ta”.

Kisas e foto a keda raportá dor di un òf mas persona pa kualke otro motibu ku mi no a menshoná. Pero en todo kaso e ta un akto di kobardia, pasó ami ta puntra mi mes dikon bo no a aserka mi persona i splika mi ki problema bo tin ku e foto?

Pero en todo kaso, mi no ta preokupá. Mi ta spera ku awor bo ta sinti bo mas felis, pasó probablemente ta e foto ei ta e kousa di bo infelisidat, bo falta di kurashi pa ekspresa bo mes, bo problema den bo matrimonio òf relashon, i un bida seksual mas laf ku bièrnè santu den suidat vatikano!

[Si bo a “like i “share”, masha danki. Mi ta apresiá un mundu.  Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.