Hapmentu……djaluna mainta.

Bon dia tur hende. Awe mi no tin nada di skibi. Pues mi ta bai ‘Jibber Jabber’ un ratu. Awe ta djaluna mainta. Mi ta spera bosnan a drumi bon i lanta ku yen energia pa duna lo máksimo di bo pa un mió Kòrsou.

E bon trahadó normalmente ta drumi djadumingu trempan ya asina djaluna e ta bon sosegá, sin sinti ni mustra rasgo di kansansio.

Si djaluna mainta bo ta bezig ta hap na trabou, esei no ta bon señal. Imaginábu bo shèf yega para bo dilanti mira bo ta hap sin por stòp. E kos ei sigur no ta keda bon.

Sleepy woman yawning, Get enough sleep, Fitness and Nutrition ChE por pensa ku bo tin hamber, pero hopi chèns ku e lo pensa ku bo no tin nada di hasi, òf ku bo ta kansá òf ku bo no ta gusta bo trabou. E kos ta ku hapmentu ta algu sumamente kontagioso. Ora bo mira hende hap, den 5 pa 10 sekònde bo tambe ta kuminsá hap. E por ta asina kontagioso ku asta si mi keda skibi tokante hapmentu sin ku bo ke, bo ta haña gana di hap. Si mi keda papia di hapmentu asina ki, den un rat’i ora bo ta bai sinti ku bo tin gana di hap. Bo ta purba want’é pero sin ku bo por yuda bo ta hap.

E no ta sosodé ku tur hende, pero 25% di hende ku lesa e artíkulo aki, ya lo a hap kaba. (Bo no tin nada mas útil di hasi ku keda hap hap hap?)

yawning 2
E motibu:

Despues di hopi investigashon, ainda siensia no sa presis dikon hende ta hap. Tin un teoria fisiológiko si ku ta splika ku nos kurpa ta stimulá nos pa hap pa buska mas oksígeno pa kibra e kantidat di karbon dioksidá ku ta akumulá den nos kurpa. Ora bo ta den un lugá será ku hopi hende aden, e grupo di personanan ei ta pone ku e kamber ta yena mas lihé ku karbon dioksidá, pues den e situashonnan ei bo tin mas chèns di kuminsá hap.

Aunke nos ta hap ora nos ta sinti laf òf kansá, e teoria no ta splika e relashon ei. Un otro estudio ta splika ku ora nos mente su temperatura subi, nos ta hap pa baha e temperatura. Riba un temperatura abou e mente ta funshoná mas mihó.

Dikon hapmentu ta kontagioso?
Hapmentu ta kontagioso pa tur hende riba edat di 4 aña. Un estudio riba esei ta mustra ku e ta señal di empatia humano i konekshon sosial. Mucha outista tin ménos chèns di keda kontagiá pa motibu di nan difikultat pa ku nan abilidatnan sosial.

Hende di naturalesa a keda kreá pa sinti empatia pa otro. Ta hende su manera pa sobrebibí riba mundu, kuidando otro i sinti nesesidat pa yuda otro den nesesidat. Solamente den e proseso di evolushon, algu a bai robes ku hende, kual a pone ku hende awendia a bira yu’i p***. Pues kisas esaki lo ta bon tèst pa bo hasi. Bai hap dilanti un hende, si e no hap bèk, tin chèns ku e persona ei ta un gran yu’i p****

p.s. E sobrá 75% ku no a hap, no kanta viktoria. Warda un ratu, kisas bo mente tin un tiki ‘delay’. Tin chèns ainda ku lo bo hap un par di minüt despues ku bo kaba di lesa e artíkulo aki. Pasa un dushi dia!

yawning 3[Si bo a “like i “share”, masha danki. Mi ta apresiá un mundu.  Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.