Atvertensha: A ménos ku ta bringa bo ta bai bringa, bo no tin nada di bai buska na Venezuela!

Reading Time: 3 minutes

Ministerio di asuntunan eksterior na Hulanda a saka atvertensha serio di biahenan pa Venezuela!

“Si bo ta biaha pa Venezuela, tene kuenta ku pasashinan ta difísil pa haña. Esaki ta konta tambe pa vuelonan interno i vuelonan pa Aruba, Boneiru i Kòrsou.” (Mi ta suponé ku nan ke men di Venezuela pa Aruba, Boneiru i Kòrsou.) E aeropuerto i e karetera entre e aeropuerto i Caracas ta ekstremadamente peligroso.

E konseho ta sigui bisa: “Si bo ta bai Venezuela, laga nan bin buska bo ku un bus òf Taksi di e hotèl kaminda bo ta bai hospedá òf laga konosínan buska bo. No bai tras di e personanan prepotente ku ta ofresé bo transporte pa suidat. E personanan aki ta hiba bo na vehíkulonan di nan kómplise, kual ta atraká bo kita bo maleta, sèn. joyas, pasport, paña, djòki ku karson djabou ku tur kos fo’i bo.”

Bon, e konseho di e ministerio no tabata asina spesífiko, pero m’a haña ta nesesario pa spesifiká pa bo ta na altura ku ta blo sunú nan ta laga bo.

Venezuela 2Riba e website di relashonnan eksterior tin mas konseho pa biaheronan. E rekomendashonnan ta bin di Embahada Hulandes na Caracas. Nan mes ta tur spantá na Venezuela ei! Servisionan di inteligensia, representantenan di paisnan estranhero, outoridatnan lokal, empresa i otro organisashonnan tambe a saka e rekomendashon ei. Mirando e instabilidat polítiko i tambe eskases den tiendanan nan ta pronostiká ku un ora pa otro por bin manifestashonnan grandi den kaya.

Tambe nan ta rekomendá pa no biaha n’e zonanan di frontera ku Colombia. Debí na tenshonnan, e fronteranan aki ta masha peligroso. Tin guerieronan Colombiano fuertemente armá na e fronteranan aki i tambe nan ta konosí pa transportashon di droga.

FARCCaracas, Valencia, Maracaibo i Isla de Margarita ta keda nombrá komo paisnan peligroso ku konstantemente tin ladronisia, sekuestro pa despues pidi reskate. Te asta barkunan ku mara na kosta nan ta atraká.

Frankamente mi no sa ta kua loko tin gan’i bai Venezuela aworakí. A ménos ku ta yuda bo ke bai yuda nan bringa kontra Merka, bo no tin nada di bai buska na Venezuela!

Fuente: Amigoe

[Si bo a “like i “share”, masha danki. Mi ta apresiá un mundu.  Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.