Nicolas maduro a optené podernan speshal pa enfrentá menasanan di Merka!

Reading Time: 3 minutes

Despues ku mi a kere ku ta temanan seksual so hende ta interesá den dje mi a risibí un reakshon riba e artíkulo di Obama ku a deklará Venezuela un menasa pa nan seguridat nashonal. E mail ta bisa lo lo siguiente:

 “Kosnan seksual ta natural, informativo i prèt pero no importante. Merka tin mas ku $120 Trilion den debe i e oro ku tin ta 5 Billion, dus oro mester ta $20,000 pa òns. Esaki ta hecho ku Dollar a collapse kaba. Loke Obama ta bezig ta hasi ta “buy time” i distrakhon ku fake ISIS. Blue screen nan ta usa. Kiko ta konsekuensia ku Dollar collapse ofisialmente? Preis di oro lo bira den Milliones pa òns, i niun di nos niun no por afford e pa sobreviví. Silver pio! Bankonan lo sera. Gasolin lo bira tripel den preis. Preis di tur kos lo bira tripel òf pió. Chaos total! Na Merka lo ta mas pió. Den beibel nan ta bisa ora bo ta mira wer ta bin, prepará.”

Pa di promé m’a kere niun hende no sa lesa loke mi skibi. Tja, ke men awó mi tin ku paga tinu pa mi no skibi ko’i kèns, paso tòg tin hende ta lesa. Esei ta bon si!

Pa di dos, esaki no ta pa spanta bo, sino pa informá bo. Nan ta bisa ku ora bo bisiña su kas ta na kandela, abo no por slep den bo bòkser òf baby doll i bai drumi. Bo tin ku subi bo dak i kuminsá muha di bo.

Resientemente Presidente di Venezuela Nicolas Maduro a optené podernan speshal sufisiente di su Asamblea Nashonal pa enfrentá menasanan di Merka despues ku Barack Obama a deklará un emergensha nashonal pa e riesgo ekstraordinario ku Venezuela ta representá pa nan seguridat. Atrobe, mi no tin idea di kiko Barack Obama ta papiando.

Nicolas MaduroEn todo kaso, komo reakshon, Nicolas Maduro a akudí na su Asamblea Nashonal pa solisitá podernan speshal ku ta dun’é pèrmit konstitushonal pa desplegá tur plan defensivo di Venezuela. E lei aki a keda kalifiká komo un lei “anti-imperialista” ku ta abilita Maduro pa defendé pas i desaroyo íntegro di Venezuela kontra menasanan di Merka.

Oposishon tabata kontra i a bisa ku esaki no ta nesesario. Komo reakshon na e rechaso di oposishon, e presidente di e Asamblea a akusá e oposishon di tin kompromisonan ku Merka. El a bisa ku den e Asamblea tin traidornan di estado ku ta komprometí ku e imperialismo merikano.

Nicolas Maduro a bisa ku Venezuela no ta i nunka lo ta un menasa pa ni Merka i niun pais na mundu pasó nan ta un pueblo noble i di pas.

CuckooPress a bolbe tuma kontakto ku White House pa asina papia un biaha mas ku Barack Obama i purba re-establese pas. Pero mi a haña Michelle Obama na telefon i despues di a “flirt” un ratu ku mi na telefon m’a lubidá mes ta pakiko m’a yama nan!

Fuente: El Mundo

[Si bo a “like i “share”, masha danki. Mi ta apresiá un mundu.  Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.