Sòru pa bo tin maske ta un orgasmo pa dia! (Final)

Den e promé parti di e serie di artíkulonan aki mi a publiká e benefisionan di sèks i orgasmo. (Si bo no a les’é, klek aki pa lesa e promé parti.) Den e di dos parti, mi a publiká kon algun persona ta sinti i deskribí sintimentunan ku orgasmo ta duna nan. (Klek aki pa lesa parti dos.)

Den e último parti aki mi ke sa kiko un persona lo hasi ora ku gana di sèks ta asina haltu, i kiko e lo rekomendá un otro persona ora ku mal moda i mal beis a kuminsá afekt’é pa motibu di falta di un bon sèks i orgasmo. Probechá bo lesa, pasó mi tin sigur ku si mi lo a hasi e pregunta aki riba mi “wall” di Facebook, niun hende lo no a kontesta mi!

E promé pregunta:

Kiko lo bo hasi pa remediá un deseo seksual enorme? Dal un baño friu òf buska un hende pa sèks kuné urgentemente?

E damanan a kontesta lo siguiente:

1. “Te dia mi no a haña e hende adekuá pa sèks kuné, mi ta keda trankil warda. Mi no ta sèks parotin djis pasó mi tin gana.”

2. “Pa ser franko ku bo ami lo kue mi ‘butterfly’ kual ta un ‘vibrator’ i lag’é vibra na mi clitores te ora mi bin pasó ami tin masha hopi miedu di enfermedat pues lo mi lo no sali buska niun hende straño”.

 3. “Haha! Pa hasi ‘sexleven spannend’ mi tin ‘speeltjes’. Pues den ‘droge dagen’ nan ta baha mi gana. ‘Heerlijk’, anto di mes ‘meneertje’ ta hañ’é ta lanta buska un manera.”

 4. “Lo mi buska un ‘vaste byside’ pa hasi sèks de bes en kuando. No semper pero lo mi ke hasi sèks si.”

 5. “Lo mi baña ku awa friu buska ko’i hasi pa desviá mi mente.”

 6. “Nò, mi tin ku buska un hende pa yuda mi. Pasó e ta un mester pa mi sèks.”

 7. “Ta dependé ku si mi tin un hende ‘vast’ aunke e n’ ta mi pareha. Pasó den mi kaso mi no tabatin frei pa 4 aña pero mi tabatin e ‘player’ ei. Si mi no tin, mi mes ta hasié pa mi mes.”

 8. “Bo kabes ta bon? Mi ta papia ku e pai sino bo sa kaba, ‘vinger’ bula waya!”

 9. “Lo mi buska un hende. Pero mester ta hende ku mi konosé i ku por mustra mi ku e ta ‘clean’.”

 10. “Si mi tin un partner mi ta baña ku awa friu ward’é pasa te ora nos resolvé e problema aki. Si e no wòrdu resolvé, nos lo tin ku separá pa evitá kòrtament’i orea.”

 11. “Drenta baño dal un baño i masturbá mi mes.”

 12. “Hmmm, dependé. Si mi tin un èks ku kada biaha ta keda zeur den mi kabes ‘why not’ hasi un ‘one night stand’ kuné?”

 13. “Lo mi ward’é pasa. Si ta asina ‘erg’ mes lo mi mes bah’é den baño.”

 14. “No ta pòrnada tin ‘dildo’ i ‘vibrator’. Mi ta yuda mi mes.”

 15. “Baña ku awa friu? E kos ei ta traha? Warda gana pasa? Sto’i chansa! Bo ta basha kloròks riba bo dede kòrtá p’e kura anto? Speshi su remedi no ta awa friu ni oloshi. ‘Give me a man and a dick all the time.’ Hopi biaha e deseo seksual ei ta di ‘link’ na un hende hahahah ke men manda sms.”

(E reakshon aki a pone mi hari te kai fo’i mi stul!)

16. “Sinta warda no ta opshon. Ta bati e klit ku dede, vibrator òf ta usa dildo. I si mi sa ku lo tin un hende ku ke sèks ku mi i si mi ta ‘into’ e kisas lo mi por ‘contact’ e si.”

(Mara e persona aki sa ku mi ta “into” e, “outto, upto, beside to next to” i tur e “to” nan ei, maske mi no sa ken e ta. Pasa tuma mi ‘business card’ :D)

 E hòmbernan a kontesta lo siguiente:

 1. “Semper m’a buska hende pa baha e ko’i mesora”.

2. “Buska un hende pa baha e gana.”

3. “Baña ku awa friu no ta yuda ku nada. Ta buska hende pa bah’é. A ni na man no ta bah’é.”

Aunke ta tres hende hòmber so a kontesta kual no ta representativo, pero den e kontestanan aki bo ta mira un diferensha mesora. E hòmbernan aki ta duna indikashon ku nan no ta den kuent’i sinta warda nada pasa! Kisas ta p’esei nan tin ménos strès?

orgasm final 1Ta konosí ku ora hende tin mal beis, mal moda etc, nan ta bisa ku ta speshi e tin. Tin hende ta masturbá pero ta yega na un punto ku bo ke sinti “the real thing”. Loke ta pone ku e persona no ta buska “ken ku ta” pa sèks kuné ta e echo ku e ke sinti un konekshon emoshonal. Si un persona asina no tin pareha, pero e ta sinti deseo seksual si, te ku su beis i mal moda a kuminsá afektá otro hende. Ki konseho lo bo duna e persona ei?

1. “Ami no ta kere den e ko’i kèns ei mes paso ami tin un tempu kaba soltero mi sa haña speshi ratu ratu tin ora mi ta usa mi ‘butterfly’ tin ora mi no ta ni pensa riba dje i e ta bai di su mes i ami personal no ta haña mal beis ora mi no sèks”.

2. “‘Pardon my french’: bai ch*** pa kaba maske ta ku p***n fiá, basta keda h*** hende su bida kaminda tin remedi (asta dushi) pa drecha bo ‘vibe’.”

(Oh, e shon aki tin mané hopi muhé den sekura hinter dia riba dje….uffff.)

3. “Bai sèks laganan bati e koi un tiki”.

4. “Buska un amigu íntimo.”

5. “Buska un hòmbu purá!”

6. “Waw, bon pregunta. Bo no por fòrsa un konekshon emoshonal si esei no ta e kaso. Bo no por hasi nèt nada ke kaso aki òf bo tin ku kuminsá buska un pareha serio desesperadamente.”

7. “Buska algu hopi interesante pa hasi ku por kita su mente. Si por ehèmpel e gusta kore bròmer, e bai kore bròmer lubidá riba dje. Kisas topa the ‘dream girl’ riba kaya ta kana :D”

8. “Wak promé si e no tin problema ku ‘one night stand’ i bai pe!”

9. “Buska un pareha p’e por hasi sèks konstantemente.”

10. “Trata na satisfasé su mes. Tin yen sistema. Wak den su amistatnan ku tin un hende ku e tin un ‘click’ kuné. Ku lo ta dispuesto na baha su gana p’e.”

11. “Uff . ta di wak un hende ku e sa ku bo hèndel e kos p’e. Pero si e no tin e mester kumpra un p***n falsu i sinti e efekto aunke ku e no ta meskos.”

12. “Pa e buska ‘that one person’ ku ta ‘willing’ pa konektá emoshonalmente kuné, ‘y todos felices’.”

13. “E tin ku buska un hende maske ta su èks pa yud’é. Pasó sinta warda tempu ta bai. No bai buska ken ku ta pero maske ta bo èks. Pasó un ken ku ta tampoko no ta bon.”

14. “Look for a ‘f**k buddy!”

15. “Hmm esei si ta malu. Pone e ‘douch’ ku awa kayente basha na su chanchan anto span lag’é kore yega bo clitoris lag’é ko’i bah’é. Bo ta sinti un ‘extase’ manera ta un bon hungá. E kos ei ta yuda tremendo! Òf lubidá e konekshon emoshonal ei i dal bai ku un bon amigu. Malu malu no ta morto! Hahaha :P”

16. “Wak si no tin niun hende den su ‘vriendenkring’ ku ta interesá den ‘one night stand’ òf ‘seksrelatie’ i hunga buska manera pa baha e ko’i. Wak pa nan lag’é ‘squirt’ bon p’e keda bast’un ratu trankil.”

 E hòmbernan a kontesta lo siguiente:

1.Masturbá òf wak un ‘sex partner’.”

 2. “Si ta hende muhé, lo mi papia kuné splik’é ku e tin strès, anto busk’é pa baha e speshi ei p’e. Si ta hende hòmber: ‘SWA BAI CAMPO’.”

3. “Esei si ta un kontesta difísil. Pero si ta hende muhé ta konseh’é buska un dildo òf wak un amigu di dje mas konfiá pa e sèks kuné. Si ta hende hòmber, e tin di bai Campo.”

 Masha masha danki pa tur mi respondentenan. Mi ta spera nan a siña boso algu nobo!

(P.S Si bo a duna e-mail adrès, i bo no a haña mi e-mail ta paso bo no ta wak den “spam” of “junk”, of kisas paso bo no ta wak bo mailnan ètòl!)

Foto: Bea Moedt

Foto: Bea Moedt

[Si bo a “like i “share”, masha danki. Mi ta apresiá un mundu.  Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.